يا هلا والله باختنا العزيزه المملكه . ومن طول الغيبات جاب الغنايم . عودتك يالمملكه اسعدت جميع الاعضاء الاعزاء وهذا واضح من ردودهم . الظاهر اني بغيب شوي اشوف حد بيرحب بي مثلك ايه هين

فيه بيت شعر ضحكت منه كثير وما دام المملكه متواجده ابي اقوله لكم !!! البيت هذا له سالفه !!!

فيه واحد مثل ما يقولون خريج سجون ولا فيه سجن بالمملكه والخليج الا زاره (ما شاء الله عليه سواح) صاحبنا هذا شاعر موب بسيط وكل عائلته شعراء وبدوي اصيل لكنه مخربها بكثرة مشاكله حتى انه صار معروف عند بعض المسؤولين!!! لدرجة انه اذا خرج من السجن يقول للحراس خلوا فراشي مكانه يمكن ارجع لكم الاسبوع الجاي
القصه هذي حقيقيه !!!!! في احد الايام وفي السجن (طبعا) انسجن واحد فلبيني على قضيه ولا اعجبه الوضع في السجن ومعترض على الحكم وسوى بلبله في السجن !!! ويطالب بمحامي !!!!!! خوينا الشاعر له شعبيه في السجن وكل المساجين يحبونه ويجلسون معه يقول لهم الشعر ويسولف لهم !!!! ومعظم كلامه وسواليفه شعر !!!! المهم اثناء ما هو جالس وويسولف على المساجين شاف واحد غريب يجلس ويقوم وباين عليه التذمر !!!!! قال لهم الشاعر : هذا وش بلاه ؟؟؟ قالوا له هذا فلبيني محكوم عليه بسنه في قضيه وتوه جاي امس وشكل الرجال مستعجل . لا ويطالب بمحامي ويقول ان الحكم ظلم !!! رغم ان قضيته تستاهل !!!! قام الشاعر وقال لهم اخونا هذا اول مره يدخل السجن ؟ قالوا له شكله كذا !!! المهم قال لهم فيه حد يترجم له كلمتين باقولها له ؟؟ قالوا له قلها وحنا بنحاول نفهمه اياها !!!! قال :

حكومتنا الرشيده تسجن الرجال لين يتوب ******* تطيع الحكم والا ما تطيعه يافلبيني

صراحه ضحكت من البيت هذا لان المعنى في بطن الشاعر !!!!!

تحياتي !!!! ولا عاد تغيبين يالمملكه ترى بنعتزل بعد كأس العالم