نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

T.ZAEEM.T · #13 01/01/2007, 04:37 PM

بسم الله ..

انا توني مخلص من الثانويه العامه ..

و أخذت درجه زينه ولله الحمد فوق 90 % .. المهم أنا ما ني من الطلاب المتفوقين والا الطلاب المتميزين ..

و نسبتي في ثاني ثانوي 70 % وفي الفصل الاول راسب في اربع مواد .. ويوم جاء الفصل الثاني نجحت في ثلاث ورسبت فيه وحده ..

بس النظام اذا انت راسب في ماده وحده يدفونها لك

...

المهم .. يوم رحت لـ ثالث أنواع الهّم الصياح واللي يجيك يقول .. (( أنت وش مخطط له فـ الجامعه )) ..

واللي يقول (( ترى ثالث يبي لها شدة حيل مو زي ثاني .. )) ومن هالكلالام .. وصرت ما اقابل احد خايف من كلامهم ..

أنا أنهبلت وصرت أتمنى الموت ..

.. وربي هالكلام صاير .. المهم كنت في مدرسه حكوميه بدايه الفصل الاول ..

ويوم جت الاختبارات .. دق ولد خالي وهو في مدرسه اهليه (( طبعن بـ ثالث )) .. ويقول لي : والله مدرستنا فله ونظامهم بطل ..

ومن هالكلام انا تحمست مره .. وكلمت ابوي ومن بكره نقلت لـ مدرسه ولد خالي يوم رحت .. زلبت (( طبعن قبل كنت شاااااااااد حيلي ))

واروح للمدرسه وأسوي نفسي شادّ حيلي وأنا نصااب إذا جا اختبار ذاكرت والا قبل ما فيه أمل ..

يعني يا شبااب اللي يبي نصيحة أخوه .. ترى أهم شئ النفسيه .. والله أهم شئ النفسيه .. !!

المهم .. وخلص الفصل الاول واخذت نسبه حلوه مره فوق الـ 95 % ..

ويوم جا الفصل الثاني .. أنا طفييييييييييت وصرت اذا جاء اختبار احتري الاسئله تجيني .. وانواع الرخامه ..

ويوم جا الاختبار النهائي .. اول ماده رياضيات وكنت جايب مدرس بطل (( اللي يبيه يرسل ع الخاص

))

و جا اختبار جامد شوي وأكلنا هواااا .. وأنحاس نومي في الاختبارات وصار جدولي كالاتي :

اول ما أجي من الاختبار ارقد لين العصر عقب العصر اقوم اتغدا واذاكر اللين المغرب .. ثمن ارتاح ((

))

وعقب صلاة العشاا انوووم لين الساعه 10.30 ثمن أقوم اتعشا واذاكر لين أخلص المنهج .. حتى لو أروح مواصل ..

البرنامج بشكل سريع .. نوووم x نوووم بس اذا ذاكرت شديت حيلي واترك كل شئ الا الجوال ..

..

وآخر شئ جت درجه حليووووووه فوق الـ 90 % ..

وقدمت الجامعه ع كليه الهندسه وقبلوني قبول فوري ..

<<< مع إني كنت أتمنى أرامكو بس قهر ماحصلت

ما يستفاد من اللي فووق ::

1- أهم شئ النفسيه .. اذا نفسيتك تمام بتآآخذ 95 وأنت ناااااايم ..

2- لا تنسى دعاء الوالدين (( اذا هم حييّن )) ترى دعاءهم مهم جدا ً ..

3- اذا جاء وقت الاختبارات قفل ع نفسك ولا تنتظر الاسئله تجيك

..

4- خلك حبيب لا جاء وقت الاختبارات ولا تصفق الهنود .. عشان ربي يساعدك

<<< اذكر في يوم من الاختبارات طلعت وانا مستااانس .. واقابل لك (( هندي حق التوصيل )) وأنواع الاستهبال والتفحيط .. بس عقبها أنبني ضميري

5- أهم شئ النفسيه ,, والله اهم شئ !!

بالتوفيق لكم ياللي في ثالث عقبال الـ 100 % ياااارب

ملحوظه :

برنامج المذاكره اللي مذكور فوق برعايه " فانتا فراوله و سنكرز "

<< اذكر دايم اكلهم في الاختبارت

برايفت للي بـ ثالث ::

وش مخطط له عقب الثانوي <<<< بينجلد