اليوم انـــــا ضحيت وضحيتــــــي شاه
وحضرة سعادة بـوش ضحى بصــدام
ماجت ســـواتي يا عـرب مع سواياه
مدري وش المفهوم عقب النبأ الهـام
اللي يميــــز فـــــــــــي يميني ويمناه
يقول قلبك سطوته دون الأغــــــــنــام
وش عقب هذي والحدث ويش معناه
ياللي تباهـــــا وأنــــت راقد من العام
دم العروبة يسفكه كــــــل مـــن جاه
لين العجم عـــــدوه من ضمن الأنعام
إيييييه الله الله يالرجال المــــــسماه
ياللي جداكم صار تجــــــميع الأرقــام
