الموضوع: حصـــاد العــام // 2006 \\ وآخر الكلام ..
مشاهدة مشاركة بصفحة مستقلة
  #21  
قديم 27/12/2006, 05:10 AM
هلاليه سنعه هلاليه سنعه غير متواجد حالياً
شمعة المجلس العام
تاريخ التسجيل: 07/02/2005
المكان: ريــ العز ــاض
مشاركات: 2,686
هلا والله بصاحب الإبداع والمتألق دوماً .. اخوي عادل ..
حصاد العام .......................... تمضي الايام كلمح البصر ومانحس فيها
وكلها من اعمارنا ................

إقتباس
عــامٌ مضى .. وعــامٌ سيمضي .. وعــاماٌ سيشرفنا بدخوله ..
مــاذا جرى .. مــاذا تغيّــر .. مــاذا تبّــدل ..
هل كبرنا .. هــل تطورنا .. هل نضجنــا ..

هذي حال الدنيا يوم ورى يووم واسبوع ورى اسبوع وشهر ورى شهر وتمر السنوووون ...
اكيد يتغيّر فينا اشياء وتتبدل الظروف والاحوال ....

إقتباس
لنــا أعيـــاد وأمجــاد.. ولغيرنا تصاريح تكرر وتـُعــاد

اي والله يالله لك الحمد والشكر على انتماءنا الأزرق الي يفرحنا دايم بانتصاراته وبطولاته
والله يخلف على جيرانننا اصحاب الثرثره واللغط .............
المثل يقووول على نياتكم ترزقووون ..

سبحان الله التقوويم كل يوم نقطع منه ورقه ولانحس فيها لكن في الحقيقه هاليوم
ومافيه من ساعاته ودقايقه وثووانيه تروح من اعمارنا والان بعد مانتهى التقووويم حسينا
بهذي الاياااام اللي مرت علينا مسرعه اصبحت سنه كامله مرت بأحداثها الجميله والمحزنه ..

إقتباس
بس والله فاجأنا البرد وتسلل في القفص الصدري ووراني الويل طول الليل
والحين اقول يمدحون العام الماضي .. كنه ارحم شوي .. بس الله الله بالملابس ..
لحد يسوي قوي ع البرد ترى والله يصفعه صفعه مدويه ويلف وجهه < اسالوا مجرب

البرد اذا جا الواحد مايعلم احد ولا يدق جرس فلذالك الملابس وشووله تشرى وتكنز بالدوالييب
البسو وتدفوووا .... والبسو الدفه << مغبره
صدق هالسنه يقوولون بيجي برد عظيم الله يعييينا بس ويمضي هالشتوه على خير وسلام ودفى

إقتباس
يمكن أسوأ شي صار لي وفاة عمي رحمة الله عليه ..

الله يغفر له ويرحمه ويسكنه الجنه ..

إقتباس
وكل ايامي الحمد لله افراح .. وصرت عام 2006 استشاري طب اسنان < طيب

ان شاء الله دائما وابدا الفرح والسعاده عنوانك ... وتستاهل خيوو عادل المناصب العليا ..
عقبال ماتصير برفيسوور

إقتباس
عقبال بعد كم سنه ما اتخرج وافرح وتفرحون معي

ان شاء الله تتخرج بدري ولاتغرز بالمواد

إقتباس
مــا أبــرز انجازاتك في العام الماضي 2006 ؟ وكيف مر عليك ؟سريع ام بطيئ ؟

ألفت موسوعه بعنوان ان كان للفرح عنوان فهو بتشجيع الهلال .. >>تحلم بالتأليف
سفيره للنوايا الحسنه <<تحتك بالذيب
الانجازات يبيلها مده عشان تتحقق وبإذن واحد أحد يحصل اللي نتمناه ..
سررريع سرررريع سررررريع مايمدي يبدالاسبوع الا وهوو منتهي ..
الله يجعله ان شاء الله اللي مضى شهيد لنا لاعلينا وان يختم سنتنا بالخير والسعاده ..
إقتباس
هل كان هذا العام من افضل الاعوام التي ستبقى في ذاكرتك ولماذا ؟

مافيه شئ مميز ..على مستوى الشبكه الأحلى تميّزالاعضاء بالنشاط الرائع في المجلس
اتحفوونافيه بالمواضيع والفوائد المميزه ... وشهد مولد كتاب راقين ومميزين ..

إقتباس
هل قمت بواجباتك الدينيه والدنيويه على أكمل وجه ؟

بكل امانه مقصّرين مهما سووينا والعمل لابد فيه من نقصااان ..
اسئل الله ان يغفر لنا ويرحمنا ويعيننا على طاعته ..

إقتباس
ماذا قدمت لوالديك في هذا العام ؟

مهما نقدم لوالدينا مانجازيهم ولانوفيهم حقهم ..


إقتباس
مــا هو هدفك في العام القادم ؟

الاهدااااااف كثيره والطموووح عالي ... اتمنى تحققها ..

إقتباس
الا عنده تقويم السنه الهجريه الجديده يعطينيه اكشخ به في مكتبي الخاص
بس لايكون تقويم داهانات الجزيره ولا زيت عافيه .. ابغى تقويم كشخه

احمدربك شئ بلااااش .......... خلاص فيه تقوويم لونه اصفر ينفع واالا لا

اخوي الكريم عادل ...... حينما تكتب يظل الإبداع عنوانك .. والروعه في اعدادك ..
والحقيقه مبتغاك .. والجمال في كلماتك .. فشكراً لأناملك ..
اسئل الله لنا ولك التووفيق والسداد وان يجعل العام القادم ملئ بالسعاده والهناء والخير والعافيه ..’’
دمت بخيــر ..’’
اضافة رد مع اقتباس