نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

صاحبة المجد الهلالي · #8 27/12/2006, 04:41 AM

انا ابذكرلتس لتس موقفين

مره ياطويلة العمر والسلامه كنا بمطعم والله يقلع مداهم مايحتسون الا انقلش

وكلنا ميح بالانقلش

ونـبي نطلب وتعالي شوفي اشكالنا كل وحده تقول كلمه وتأشر

نبي اجنحة دجاج من غير عظم قمنا نمثل ان عندنا جنحان ونوريه عظامتنا نقول هذا مانبيه

الزبده ان الرجال مسيكين مافهم وجاب لنا واحد ثاني برضوا مافهم

لين جابوا مدير المطعم بكبره سوري ترجم لنا الله يثيبه

عاد يوم زرنا المطعم مره ثانيه مالقينا اللي ابلشناه شكله قدم استقالته يوم غثيناه

والموقف الثاني برضوا عن مطعم
<< حارين بطن

دقينا على ماكدونالدز نبيه يوصلنا
اللي جاب الطلبيه فلبيني ضيع البيت واتصل علينا

وبلشنا فيه مانعرف نوصف بالعربي نوصف بالانقليزي

وانواع الجمل الغلط

كلمة انقلش وعشره عربيه

ماجاء الطلب الا عقب ساعتين مع مساعدات خارجيه لبعض الكلمات الانجليزيه

وياليت نتعلم بس مالي خلق

تسلمين على الموضوع الزين زي راعيته