مشاهدة مشاركة بصفحة مستقلة
  #13  
قديم 26/12/2006, 06:28 AM
سندريلا الهلال سندريلا الهلال غير متواجد حالياً
عضو استشاري سابق للمجلس العام
تاريخ التسجيل: 28/01/2005
المكان: الريـــــاض
مشاركات: 6,514
يعني خلصتي ابداع بالعربي رحتي تبدعين بالانجليزي

وش هالزين وش هالموضوع اللي يهبل

شوفي وانا اختتس الانجليزي هذا يبي له بال طويل ويبي له ناس حريصه انها تتعلم مهب ابي ارطن وانا قاعدة في البيت ... انا ودي افهم هالحين شغالاتنا يجوون عندنا يروحون يتكلمون عربي 100 % حنا ورانما مانعرف ولا كلمة من لغتهم

ياحبي لنا نمشي بالبركة بالانجليزي

نجي للأسئله .. الجواب ماعندي مانع اجاوب

وش افضــل طريقه لتعلم اللغــه االأنقليزيه ..؟؟
افضل طريقة روحي لمكتبة جرير تسوي دعاية لجرير >>> واشتري الكتب والاشرطه واستمعي يقولون مفيدة مرره .. وراهم يقولون وراه مهب انتي الي تقولين الشباب ماشاء الله عليهم المجال لهم مفتوح اما البنات فمالهم الا المعاهد وبصراحة نسبة قليلة اللي يكون متميز فيها ..
ـــــــــــــــــــــــــــــــــــــــــــــــــــــــــــــــــــــ
هل اللغه االأنقليزيه تشكل عقده لديك او لديكِ .. ؟؟؟
الانجليزيه مهب عقد ةولا وش زود اللي يعرفون انجليزي يا اختي بزران قسم بالله لغتهم روووعة هذا دليل ان اللغة ممارسة تلقينهم من ولدوا وهم يطايرون لاوروبا وامريكا وهذا اللي خلى لغتهم حلوووة يعني الدعوة يبي لها ممارسة فقط مع وجود دااافع قووي وان شاء الله مالتس الا نكتب لتس مواضيع بالانجليزي

ـــــــــــــــــــــــــــــــــــــــــــــــــــــــــــــــــــــــــ
اذكروو لنا مواقف تعرضتو لها وحسيتو بحاجتكم للغه اذا وجدت .. ؟؟
اما المواقف فأنتي تعرفينها محنا دافنينوه سوا

ـــــــــــــــــــــــــــــــــــــــ

هلالية سنعة ... بصراحة مدري وش اقول شهادتي فيك مجروحة بس احقاقا للحق موضوع خرافي يالغالية قولي آمين جعلتس تدعين على بوش بالانجليزي <<<< هذا من شد انتس بطلة باللغة
اضافة رد مع اقتباس