مساء الخير على الجميع واسفين على القطاعه طول هالفتره .
ابرا. كريسبو.فييرا.جروسو.مايكون.داكورت
صعب الاختيار بين الاعبين من افضل صفقه ! لان مثل ماهناك اشياء ايجابيه في اشياء سلبيه على ادائهم لكن الاهم هو شخصية الاعبين الملاحظه هالموسم واهم شي اننا حصلنا لاعبين نحتاجهم في مراكز حساسه مثل جروسو اللي خلانا ننسى معاناتنا مع الظهير الايسر والحين ماكسويل يأدي بدور جيد في نفس المركز رغم انه احتياط طوال المباريات .
فييرا وداكورت .. رغم غياب كمبياسو الا اننا شفنا اداء كبير لداكورت وفي نفس الوقت فييرا ملتزم في اكثر المباريات بادائه الكبير رغم انه انطرد اكثر من مره وسبب حرج لكن وجوده مهم في الوسط وهالشي اثر بشكل تدريجي على اداء ستانكو سواء لعب عالاطراف او لعب بالمحور وهذا يدل عالثقه الكبيره اللي يوفرها فييرا وداكورت للاعب .
ابراوكريسبو ..ابرا تعيبه النرفزه اللي اثرت على الفريق اكثر من مره اضافة لمزاجيته, والاعبين اللي كذا اتخوف منهم لان وجوده على كف عفريت واحنا داخلين على مباريات خروج مغلوب والنرفزه فيها حدث ولاحرج لكن يظل امهر لاعب في الفريق ووجوده دعامه قويه للفريق. اما كرسيبو شهادتي فيه مجروحه لانه لاعبي المفضل مع الماتريكس .
ابي اوصل معك لنقطتين : الاولى : ان شخصية الاعبين المنتقلين هالموسم تعُد افضل بكثير من المواسم الماضية وهذا سبب الفوز حتى لو ماقدمنا مباريات كبيرة صرنا نفوز وهذا الاهم. الثانية: ان مايكون افضل لاعب من وجهة نظري والسبب ان مستواه ثابت ,لياقته عاليه , بيعوض غياب زانيتي اللي ماكان له معوض , جري هجومياً وقوي دفاعياً , اخلاقه ممتازه مع الفريق ومع الخصم ولو بالقلب بقول كريسبو 
واسف اذا طولت عليكم 
