نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - o0 هلالي الظهران ( ضيف المجلس ) يستقبل أسئلتكم o0

هلالي الظهران · #102 13/12/2006, 06:33 PM

صدى الأمس

إقتباس


	من اول ما نزل الموضوع وانا كل شوي ابي اسأل بس ما لقيت لي شي !! حاولت اعصر مخي قلت خل نتابع يمكن اذا قريت شي يطلع معنا سؤال والا سؤالين .. بس ماش !!

حيا الله اللي يواعدني ولا جاني وانا معك ياحبيبي ما أسويها .. ادري انك تبي قربي وتهواني بس المهيا وعودك ماتوفيها << مسك خط :p

هلا والله بالطش والرش والبيض المفقش .. انورت وأسفرت حبيب قلبي.. ويوم اقبلت صوت لها جرحي القديم

..

ياخي انت لو تسالني لابس بجامه او قميص اوتسال انا جالس ولا منبطح على قلبي مثل العسل واحلى بعد

.. ياشيخ انت بس غمس اصبع رجلك الصغير بالموضوع ويكفيني ياحلو

;) ,,

إقتباس


	لو لك سلطة وش تبي تسوي بهاليوزرات ... يوزر مشكور .. يوزر منقول .. يوزر يعطيك العافية .. يوزر موضوعك طويل وماقريته كله مشوار .. يوزر محجوز وبكره برد عشان يزيد الردود ..

يابوي وش سلطه !! انا لا سلطه ولا شكشكوكه ولا نيجيريا .. انا نيفيا وبس

,,

شوف حبيبي طقة مشكور ويعطيك العافيه بأعطي كل واحد فيهم 10,000 مشاركه وبقوله يرحم ابوك اقعد في بيتكم .. اما طقة محجوز وموضوعك طويل يا حلاة من يتسلف رجل الجمعان ويعطيهم بوز يحبه قلبك .. وعاد بوز الجمعان وحده من ثنتين ..اما تسطيحه من غير رجعه او بوز يّعلم في الشسمه يتوب من عقبها

,,

إقتباس


	ماتحس ان الفترة الاخيرة طغى ((متعوب عليها )) تواجد اليوزرات النسائية بشكل كبير ؟؟!!

وانت صادق .. مابزيناهم في الشوارع والاسواق نبزهم بالمنتديات

.. يا رجال حنا بوقت لكل رجل امرأتان ومو عاجبهم التعدد .. اجل لاصاروا خمسه مقابل واحد وش يصير؟!

بعدين أحيي فيك احساسك العالي .. الطغيان = ........
عاد اكمل الفراغ وش يفكنا منهم بعدين

,,

إقتباس


	وش المواضيع اللي تحبها .. الاجتماعية والا الفكاهية ؟؟

والله كلهم حلوين عندي .. بس الفكاهيه والساخره اشوف نفسي فيها .. بعكس الاجتماعيه لاني احوس الدعوى فيها .. يعني مثلا..

بدال لا أقول: وأشرق قوس قزح وغردت البلابل لان النصر تحقق ..
أقول: امس فزنا وحسنا ابو مندوب العدو ومسحنا فيهم البلاط!

إقتباس


	لك في السياسة ؟؟ وهل انت تتابع الاخبار والا لا ؟؟ ووش القناة اللي تتابعها ؟؟

هه هه نطقطق عليها شوي .. والاخبار اكيد اتابعها بس دايم ما ألحق الا على اخبار الرياضه والنشره الجويه

..

اما القنوات فما أحرص على شي معين لاني ماعندي وقت حتى اتابع شي معين .. بس في قناه شفتها أمس لاتفوتك .. اسمها الزوراء .. شغاله بس تجيب قناصين عراقيين وهم يصيدون براس الامريكان .. بس والله ياهي فلللللله قسم بالله يجيب راس الجندي الامريكي وهو بين مية عراقي

,,

إقتباس


	برنامج مستحيل تفوته ؟؟ ايا كان نوع هالبرنامج .؟

المستحيل اني اتابع برنامج حلقتين متتاليتين :p .. بس اللي احرص عليه برنامج دندنه مع نانسي معماري (قلوووب من هنا لاستديوهاتنا بالام بي سي)

إقتباس


	تحب تتعلم شئ جديد والا مالك نفس مثلي ومالك صبر ؟؟!!

انا احب الجديد بس مهو تعلم بمعناه تقدر تقول متابعه ..

إقتباس


	قصيدة ما تمل منها ؟؟ ومن هو الشاعر اللي تحب تسمع قصايده بكثره ؟؟

قصايد عبدالرحمن بن مساعد ونزار قباني كلها .. اما الشعراء اللي احب اسمعلهم فهم الاثنين انفي الذكر خصوصا لاصارت بصوت عبادي وكاظم (<<هذا المستخدم خااااق),,

إقتباس


	تحب القصيدة اذا كانت جلسة والا نسخة اصلية ؟؟ يعني اذا كانت امسية والا تسجيل استديو ؟؟

تخيل قصيده باستديو وخلفيه موسيقيه باهته وواحد يتميلح .. يقلع ابو القرف تقل كنها كبسه بدون رز

.. حلاة القصايد لاصارت بأمسيه مع جمهور يشيليها ,,

إقتباس


	ياخي لي فترة وانا ابي اكتب موضوع وعجزت .. تجيك هالحالة ؟؟

والله هذي حاله متطوره.. انا عاده تجيني بالردود .. اما المواضيع ماقد جتني ولا ظنتي تجيني لاني ما أكتب موضوع عشانه اكتبه وبس .. خويك مايكتب الا اذا مسكت معه وصار براسه زحمة خرابيط ,,

إقتباس


	ابي اطلب منك طلب .. عطني اسامي اعضاء شباب وبنات في المجلس العام ولا تهتم بالعدد .. ياخي عجزت اجمعهم .. << تعرف اللي وده يسأل وما يدري وش يسوي !!

وخر يااعمي .. فاضي انت ووجهك .. ياخي اسال عن لون العينين او لون الشراب بس لا تسال هالاسئله

,,

إقتباس


	تحياتي لك يالغالي .. وصدقني يا انا افرح اذا شفت يوزرك .. لك معزه الله العالم بها .. (( صورة قلب ))

ماشاء الله عليك .. هذا وانت ماعندك اسئله ومالك خلق اجل شلون لازانت النفسيه ..

صدى انا ما قلتلك قبل كذا .. آآآآي لووووف يووو .. ياخي حبك بوسط الحشا سادي ولولا عندنا عذارى كان تغزلت فيك الين يعتزل نزار قباني عن وصف اللي بالي بالك

,,

اسعدتني ياخلفهم .. لاعدمتك,,

برايفت تغريد .. ههههههههههههههههههههههه بلا بشكل شيطانك ياني ضحكت الين فقع سري .. هذا طال عمرك من الطنزه

,,