بسم الله الرحمن الرحيم

السلام عليكم ورحمة الله وبركاته

بيت لطالما تردد في كثير من المواقف وكثير من الظروف... حتى في المنتديات

فحبيت اجيب القصيدة باللي هيبه والحمدلله توفقنا في ذلك...........

هذة القصيدة هي للشـاعر محمد الدحيمي الشهري المعروف بـ أخو تكفى ..........

وهـذة القصيدة كاملة بمافيها البيت السابق :


اما لطمنا العيل والا الطم العيل ,,,,,,,, مادام شب النار مندوب الاطفا



من ذاق حر القايله يعشق الليل ,,,,,,,, ومن شب ضوه ليلة البرد يدفـا



امسيت في جيلٍ ولاهوب ذا الجيل ,,,,,,,, واصبحت والاّ ديرتي شبه منفـا



واللي حما بيته بطيـرن ابابيـل ,,,,,,,, ماجيت ادور كل من صد وأقفا



ولاجيت ابشحذ يانما دلّه وهيل ,,,,,,,, جيتك وجرح الظلم غاديه يشفا



جيتك بكلمه كنها صعقة الويل ,,,,,,,, ان قلت تكفا لاتهـاون بتكفـا



تكفا تراها كلمةٍ تقطم الحيـل ,,,,,,,, لابالله الا تنسف الحيـل نسفـا



تكفا ترا تكفا لها هدرة السيـل ,,,,,,,, في صدر حرٍ ينتف الطيب نتفـا



تكفا ترا تكفا لها تسّرج الخيـل ,,,,,,,, ان كان لك في مجمع الخيل عسفا



تكفا تراني من قرومٍ مشاكيـل ,,,,,,,, حماية الساقه بسيـفٍ وشلفـا



تكفا وتكفا ماتسـاق لمهابيـل ,,,,,,,, تكفا تخلّي القرم لاشٍ وهطفـا



تكفا ترى تكفا تهزّ الرجاجيـل ,,,,,,,, لولا ظروف الوقت ماقلت تكفا

اتمنى تعجبكم القصيدة وأتمنى ماتكـون مكررة هنا...........

والسلام عليكم ورحمة الله وبركاته