:: عدنا :: <<<< سبيس تون



الـــوردة الزرقاء

إقتباس البالون توقيعك الاول يهبل ,وصورة الولد خطيره كله كوم والطاقيه من الجنادريه

طيب أنا وش دخلني ؟؟!
اطالب وبشده بتعويض عن استغلال متصفحي للدعاية للأخرين ..

إقتباس والله موضوع وقصص باسلوب بسيط ورائع خاصه الحوار مع الكيبورد

يسلمو .. كلك زؤ .. خلاص انا باحيل القصيبي للتقاعد واخذ قلمه ...:p

إقتباس وانا كذلك ,, لدرجة ان بنت اختي عندي خافت مررره ,,, وكل ما سجلوا هدف اطمر عندها وعاد هي تضحك على بالها العب معها خخخخخخخخخخخخخــ

حاس ان البنوته اللي عندك تقول /:
لاحول ولاقوة الا بالله .. ذي خاله ذي

إقتباس ههههههههههههههههههههههههههههههههههااااي مدري وشلون مسكت لسانك ومارديت عليه .... لو انا ما اقدر ابد ياحبي لرفع ضغط هالمتعصبين خخخخخخخخ لكن اشوا بس مرت بسلاااام والا كان مارحموك هالتكرن كل يوم يزداد بغضي لهم ..

هههههههه ياغريب خلك اديب ... في نص مواقفهم اتطنز .. وين صارت ذي ؟؟!
اما اللي بالتلفووون هههههه .. اول ماحسيت اني في امان وابتعدت عن الملعب . دقيت عليهم وقلت لهم هاه بقي احد ماكسرنا خشومهم ؟؟! الله يحفظك ياهلال العز (قولي امين)

إقتباس انا رافع ضغطي هاليومين الدعيع وش فيك محمد تغيرت عسى ماشر ..؟؟؟!!!

والله ابو عبدالعزيز .. معلمي ومدربي اعتبره .. والحمدلله في فتره مضت اصبحت دعيع الحي .. و حصلت على عدة جوائز كافضل حارس ... علشان كذا مايرفع ضغطي..
لكن عتب محب .. ولازم ياخذ له راحه شوي على دكة الاحتياط ..
اخاف العتيبي و الشمري يصدوووووووون ..

إقتباس اسفه بس هالكلمتين مالها داعي

الله مير ان يسلمش .. شكلها بقووووه ماعاد لها داعي ...

إقتباس تحياتي لك ::

وتحياتي ايضا موصوله لك .. مع خالص الشكر والتقدير ..
سعدت لتواجدك في متصفحي (المفهي) ادام الله بصمتك الخاصه



الهنوف

ياهلا و الله ومسهلا .. شيء موو معقول ... ويالمحاسن الصدف ..
وردة و فراشة المنتدى ورا بعض ... هههههههه
صدقوني شيء غير طبيعي ... الهنوف .. في حال اغتيلت الوردة .. ترى انتي اول المتهمين ... <<< متاثر بكونان الله يصلحه ..

إقتباس مقدمـة تبشر بالخير

اول ماتشوفين معرفي اعلمي انها تبشر بالخير .. والا كيف؟؟!:p

إقتباس ماشفت المباره لاتقهرني زود

فاتك والله .. هههههه شيء غير طبيعي .. تخيلي من 2/0 الى 3/2
لا وبيسيرو مدخل ساااااااامي .. ونواف بجوار التايب ... بصراحه مباراه ولا تشيلسي و الارسنال..<< مبروك التعادل لامثالي..

إقتباس من جد هبل فينا هالهلال ذكرتني بنفس اليوم كنت معزومة وعلى العشاء ماعرفت اكل قلبي مشغول بالمباره والا اتصال من امي تقول الهلال جاب الثالث بدال ماكمل عشاي رحت اتصل على السواق تعال اثاريه مودي عمتي للمشغل قال لهم بروح اجيب الهنووف واختها قالوو شوي ونخلص اصبر ماسمعهم وجانا يعجبني ماعنده وقت

هههههههه شكلك مهددته ؟؟!
حرام عليك تراهم ضعيفين و متغربين .. لاتنفخون عليهم:p
سؤال /: الثالث جاء في نهاية المباراه .. وشهو له ترجعين ؟؟!

إقتباس ياقلبي على اهل الرياض مهبلين فيكم :p

شيئين احسد اهل الرياض عليها ..<< حسود
1/ وجود ابو متعب عندهم غالبا .
2/ الهـــــــــــــــــــــــــــلال...
وبس <<< يقلد الدكتور حقهم اذا خلص المحاضره قال ببرود (و بس ) << اعشق ذا الدكتور واحترمه ..

إقتباس يمه احس لو مكانك من الخوف بقول انا

الحمدلله ماتهورت .. كنت بقوله وش ذنبه تقتله .. هو اللي حكم ؟؟!
وزنتها صح ... قلت .. ابلع العافيه واسكت ..

إقتباس صح لسانكـ حتى انت صرت شاعر

ماني بشاعر .. لكن احيان ادندن مع البحر ..

إقتباس مدري ليش ماتحسون مثلي احس ان الدعيع مو مثل بقيه الحراس يعني اذا جا هدف في مرماه مو غصب عنه هو بكيفه احس تجيه حالات ماودة يمسك الكورة مالنا غناة عن ابوعبدالعزيز

شهادتي في ذا الرجل مجروحه ...
لكن .. الجميع يتعرض لفترة ارهاق و هبوط مستوى .. ويحتاج الى راحه ..

إقتباس حمستني وهالمباره لاني ماشفتها مابقي احد ماذكر لي الاحداث ...بنات طبعا مبروك الفوز وانتبه لنفسكـ وعلى قولتهم نفسي نفسي بس هالجماهير من جد متخلفه يعني اذا ظلمكم الحكم وش ذنب الجماهير الله يستر عليكم ويحفظكم من هالجماهير المتهوورة

ترا عادوها كثييييير .. بس ماتابعت الاعاده .. وربنا يبارك فيك..
وربنا يحفظنا ويحفظ الجمييييييع .. وكلنا اخوة فالدين من قبل ومن بعد..

إقتباس وتسلمـ ابعدتنا عن الروتين

الله يسلمك .. الروتين + الرسميه = اكرههم كره غير طبيعي..

إقتباس الهنوووف كانت هنا ورحلت

اقترح لو تضيفين رقم الرحله اللي رحلتي فيها يكون ازين ...

سعدت بمرورك اخيه ... لاحرمنا طلتك و تعليقاتك ..



الأفضل ..

مرحبن بك .. قلط ياراجل ... ياحرمه سوي القهوه .. الله ان يحييك.. تفضل .. كيف حالك .. اخبارك .. كيف العيال ودراستهم .. زارتنا البركه والله .. <<<< مسك خط ذا الجداوي..

إقتباس طرحك للقصه شي صراااااااااااحة ;) وأحضر مباريات وااااجد عشان نشوف مثل هالمواضيع

الله يسلمك .. ان بعد ذا المدح في اسلوبي .. الله لايعوقني .. سارق قلم القصيبي سارقه ..

اما مباريات .. وش احضر ياحسافه ..
اتحاد * هلال (قدم) اهلي * هلال (قدم) اهلي * هلال (طائره)
لازم يسوون ادفانتج على قول محمد بن فيصل وينقلون مباراه كمان للهلال لجده ..

إقتباس ههههههههههههههه افااااااااااااااااااا اثرك منت مثل الزيرسالم أنت ما شفت الزير وهو يأخذ خيله من قبيلة بكر بن مره خخخخخخخخخخ <<<<< متأثر بالزير هههههه

اي زيييييييير الله يصلح ... اذا نزلوا الزير فلم قولي ... اما مسلسل مستحيل اتابعه ..
على كثر ماعادوا فيه وكرروا .. واسمع الشباب متحمسين معاه .. ماشفت منه الا كمن لقطه بس ..
ولا عندي استعداد اتااااااااااااابعه واخليه جزء من جدولي اليومي..
* ملاحظة /: قصة المسلسل كما قيلت لي .. مبالغ فيها كثيييييييير....

إقتباس الحمد لله عالسلاااااامه ومره ثانيه رح ومعك اقل شي 3 خاصة مثل المباريات القويه وبالتوفيق للازرق وللجمييييع

قال 3 قال ... منين القطهم ؟؟! تبيني اشيل اتحاديه والا اهلاوية ؟؟! لا اخاف تقول شيل خويك النصراوي ..
مابقي الا هي ... لا حبيبي اتابع برواااااااااقه وبعيدا عن الناس .. علشان مااحد يمسك حركاتي البايخه ويتطنز ..
ولسبب اخر .. لئلا تنتقل عدوا الفشل منهم هههههههههههه اللهم لا شماته بس

مشكوور اخوي ع المرور .. مالنا غنى عن تواجدكم ... وتعليقاتكم ...


والشكر لكل من تواجد سواء ترك اثر قلمه ام رحل في صمت ...



مستمر , , ,;)