نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - o0 هلالي الظهران ( ضيف المجلس ) يستقبل أسئلتكم o0

هلالي الظهران · #92 10/12/2006, 12:34 AM

بـ يـ كـ هـ ـام 23

إقتباس


	بااااااااااك من جديد .. وعودة اضطرارية .. يصاحبها وجه (كان) عبوساَ .. ولكن بعد ان رأى أحد الردود من إحدى الآخوات الفاضلات فتح (بوزه)4*6 << مايقصد محبوبة ابدن ابدن .. فعلا ظهر الحق .. كنت أبي أرد عليك .. بس الحمدلله لقينا من يرد ..

حيا الله بيكهام اقين ومنور اخوي ..

يا الغالي اول اتمنى ماتاخذ على خاطرك وياليت العبوس كان سببه الحقائق اللي ذكرتها وماحد ينلام في مكانك لان الانسان ينتمي للمكان دائما .. اما اذا كان العبوس سببه اللهجه الساخره اتمنى تعذرني بس انت الله يهداك استفزيتني بسؤالك وكان جوابي من نفس الطينه وزياده حبتين .. عموما السموحه ,,

إقتباس


	لاأخفي إعجابي بـ جامعة البترول .. ولكن ليس عذرا بأن اضعها أفضل من جامعة الملك سعود .. فهاك مميزات تعتبر جامعة الملك سعود الوحيدة التي تملكها .. سألت أحد المهندسين ..من لهم باع طويل في ذلك التخصص .. الحقيقة لم اسأله بل تشكيت من جامعة الملك سعود ومن انها مجرد كفاح وتعب دون فائدة عكس جامعة البترول .. فقال لي بالحرف الواحد يكفيك فخراَ بأن شهادتها تعتبر أقوى شهادة بالنسبة لتخصصك ..

أكيد لجامعة الملك سعود مميزاتها لكن من المنطق ان صاحب التخصص والتعمق في مجال معين يعطيه الافضليه ,,

بيكهام وانا اخوك تاكد ان اي انسان يكافح ويتعب ليوصل لهدفه باذن الله بيتوفق ومثل ماقالوا لكل مجتهد نصيب في اي مكان وزمان ..اما رأي المهندس اللي سالته فهو رايه الشخصي ولانبخسه لكن تظل الحقيقه متوفره للجميع متى ما أرادوا ..ماراح أزيد بالتفصيل باكثر من ردي على محبوبه لكن الرخصه العالميه لكلية الهندسه بجامعة الملك سعود الا قبل 3 سنوات فكيف تكون الاقوى في مجالها!!

إقتباس


	عذراَ على الإطالة .. قبل أن أختم .. احب أشكرك أختي محبوبه على توضيحك لمن لايعرف عن هذه الجامعة .. أرق التحايا

حياك الله وشاكر تواجدك والشكر موصول لمحبوبه ,,

الهنوووف

إقتباس


	عودة للمتالق هلالي الظهران بصراحه الاعضاء فاقعين تسبدي اجل يمروون ويمدحوون فيك بدون مايسالونك يعني الموضوووع وش يقوول احنا نبي اسئله تبين لنا هلالي الظهران اكثر بردوو حرتي شووي حجروو له >>معصبه المووضووووع اسمة لقاء مع هلالي الظهران مو القو السلام على هلالي الظهران >>خربتها

حياك الله الهنوووف كلاكيت مره ثالثه .. بعدين حشا هنوووف والله لو اني قاتل لك قتيل وشوله يحجرولي يا كافي

.. بعدين يابنت الذين جاني حول الــ 300 سؤال وماكفاك !!

ياشيخه مابقى انسئل الا وش لابس ولا تأكل بيدك ولا ملعقه .. ومن طفرة الاسئله سؤال يقول وش نوع الجل اللي تستخدمه ؟!

طيب هاتي ماعندك ..

إقتباس


	عودة للاسئلة ولسان حالي يقوول الله يعينكـ بس قدها وقدود بس هلالي الظهران شخصية محبوبة ومتميزة فيحق لنا التعمق بالاسئله عاد بصيغ البعض باللهجة العامية علشان تكون اسهل

ايه ايه كبري راسي علشان تاخذين راحتك بالمزمزه

..

إقتباس


	خطا لايمكن ان تغفرة مهما صار ...؟؟

الخيانه باشكالها ..

إقتباس


	تحدثت عن علاقه الاعضاء ومدى الرسميـة فيهاا.. وش السبب ..هل نوعيه المواضيع اجبرتهم على المثالية والرسمية مثلا .؟؟

حلو .. اشوف السبب هو ستايل المنتدى نفسه والصوره اللي عليها المشرفين والاعضاء القدامى .. بالعربي لمن نشوف المشرفين تعاملهم رسمي والاعضاء اللي لهم باع طويل في المنتدى طريقتهم رسميه في طرح المواضيع والردود بيجي العضو الجديد بيمشي على نفس النمط .. عموما أرى هالتوجه اكثر فائده للمنتدى ويبقى هذا الغرض من تسميته لمنتدى!

إقتباس


	بعض الاعضاء له طابع المزح والضحك والاخر الجدية من تتوقع من الاعضاء شخصيتة برى النت عكس شخصيتة الظاهرة لنـا . اتمنى ذكر الاسماء ....>> لايكثر . لاني اكتشفت من حديث البعض ان غالبيتهم غير واقع النت ويمكن انا اولهم ..؟؟

والله لو اني اقرا الكف او الفنجان!

كيف احكم وانا ما اشوف الا شخصيته النتيه ان جاز التعبير!

إقتباس


	ماهو الشيء الذي على أساسه تقيم الناس.. أو بمعنى آخر ماهو الشيء الذي يرفع أصحابه في نظرك أو (ينزل بهم )..؟؟

أخلاقه - طريقة تعامله - ثقافته

إقتباس


	ما هو تقييمك للوجود النسائي في المنتدى وهل ترى بأن عدد المشاركات(بكسر الراء) يليق بمجتعات تمتلك الآف المثقفات في شتى المجالات؟؟ إذا كنت ترى أن عددهن قليل هنا فما السبب في إعتقادك؟؟

حاليا لا أرى فارق بين العنصر الرجالي او النسائي في المنتديات سواء من ناحية العدد او طرح المواضيع او المناقشات .. وأكبر دليل عندك المجلس .. عدد المعرفات النسائيه ومواضيعهم تساوي المعرفات الرجاليه ان لم تتفوق ..

إقتباس


	وش رايك بالفتاة الرياضية (صاحبه الميول الرياضيه) ..هل ترى ان هالشي سلبي ويفقد من انوثتها ..عطنا رايكـ بدون مجامله لنـا بما اننا من محبين الزعيم ..؟؟

بدون مجامله .. اشوف مافيه عيب لو البنت تشجع ويكون لها ميول لكن بدون مبالغه .. كيف بدون مبالغه؟

سؤال وجيه :p .. يعني تتابع مباريات وتشجع قدام التلفزيون وتتحمس للفريق وبس .. لكن توصل لمرحلة انها تتعصب وتجلس تحلل وهذا سوا وهذا اخطا والمدرب فيه وفيه اقوول المطبخ الله يصلحك

.. او مثلا اللي صاير هالايام البنت صارت تناقز وتصارخ وتحتفل بالفوز عند خوياتها باليوم اللي عقبه واللي تجي لابسه تيشيرت ياسر تحت المريول وتجلس توقع لخوياتها نيابه عن ياسر هذا يبعد الفتاه عن انويتها وطبيعتها اللي جبلت عليها وتفسخ ثوب الحياء .. يعني مابقى الا اذا خسر فريقها او فريق لاعبها المفضل تغيب عن المدرسه

,,

إقتباس


	وشو هو الشي اللي سويته وتتمني لو يعود فيك الزمن و ما تسويه ؟؟

أني وافقت على الاستضافه .. يلعن ابو ابليس قسم انهد حيلي ومو عاجب بعض الناس

,,

إقتباس


	كم طولكـ وكم وزنكـ وش نوع جهاز الموبايل تبعك ..؟؟ >>>مالها داعي تحقيق

والله لو انك بتناسبيني

.. 175 سم .. 72 ك .. لي اكثر من جهاز بس كلها نوكيا ,,

إقتباس


	شو رايك بالعلاقات الهاتفية؟وشنو رايك باللي يتعلل ان الغرض ورائها شريف؟

العلاقات الهاتفيه ظاهره حميده

.. وهالعلاقات ممتده لبطون التاريخ من ايام قيس ليلى وعبله وعنتر .. بس زمان كان يصير الترقيم بالسيوف والدروع والمعلقات اما الحين ربعنا صاروا خكاريه من عقب السيف صاروا يستخدمون الاوراق وفي روايه دوليه يستخدمون المناديل

وعقب المعلقات صاروا يقولون كلام ماسخ من نوعية يابو رمش اسود ياقتال او كلمه ولو جبر خاطر .. على ايام قيس وليلى كانوا ينتظرون اخر الليل علشان يتقابلوا خلف الجبل او يقزقزون عند النبع اما الحين فمافي مانع يروحون كوفي او سياره مضلله والقزقزه صارت مثل شرب الماء

..

إقتباس


	هل عشت قصـة حب سابقـة واذا كان لها نهاية فاذكرها ..؟؟

لهالدرجه يعني حاقرتني

..بما اني انسان اكيد عشت .. والله لايغير علينا ,,

إقتباس


	هل التدخين والشيشه شي ينقص رجولة الرجل وش رايكـ فيهم مثلا رجال دكتور اخلاق بس يدخن هل بتنظر لانجازةام للتدخين ...؟؟

أكيد بنظر لانجازه! اما انها تنقص من رجولته ما اعتقد اطلاقا لكن ممكن تؤثر على سمعته,,

إقتباس


	هل الشهرة بالمنتدى شي يستحق الغرور ..للاسف نشاهد كتاب قابلو تميزهم باالغرور والتعالي بالمقابل كتاب متميزين قابلو تميزهم بالعفوية فاصبح المؤشر من القراء يزيد عند الفئه الثانية ويقل للاولى....؟؟

الغرور مقبرة الفنانين << يسمع فيها :p

الكبر مادخل في امر الا شانه .. والتواضع مادخل في امر الا زانه ,,

إقتباس


	نلاحظ كثير في الاونة الاخيرة صار يسافر من غير اهله لدوور لاينعرف له مكان بالخريطه اسلووب مبالغ يعني برايكـ شاب مابعد تزوج امر ايجابي انه يسافر لدور خارج المملكة للسياحة ووهل تعتبر الاهل بموافقتهم رموو ولدهم على الفساد ويقولون ليش يغرق والاغلبية يكون معروف الهدف من سفرتــة وللاسف صار سفر الشاب من اسباب العنووسة عندنا ...؟؟؟

لا اتفق معك اطلاقا .. أصابع اليد مو سوا .. لكن مثل ماقالوا الخير يخص والشر يعم .. والشي اللي تقصدينه موجود وهالفئه بينزلون اللي براسهم سواء هنا او بالخارج فالافضل انهم يرمون بلاويهم برا!!

بعدين وش ذنب الأهل؟ والى متى بيكونون اوصياء؟

القانون يعطي الحق لمن هم فوق الــ21 بحرية التنقل .. طيب وش ذنب الاهل الان؟ الاهل هم اللي يزرعون واذا كانت البذره حسنه وين ماراحوا الثقه موجوده .. اما اذا كانت البذره السيئه عاد ذنبهم على جنبهم,,

إقتباس


	...اذا سنحت لك الفرصة لتلتقي بشخصيات معروفه وتحبها..بمن تتمنى ان تلتقي..بشخصيات :اسلاميه..

الشيخ سلمان العوده

إقتباس


	.. سياسيه...

الامير بندر بن سلطان

إقتباس


	. رياضيه ..

الملك دل بييرو

إقتباس


	. ثقافيه...

د. نجيب الزامل

إقتباس


	وفي المنتدى....

كلهم على العين والراس

إقتباس


	اتمنـى ان تكون هذي نهاية اسئلتي الا كانكـ تبيني ازود ماعندي مانع اخاف تطردني واتوهق يعني اذا تبي الجد احس اني مابعد سالت جالسة اسخن بس بس محد فتح لي مجال اتعمق والاعضااء يبون يفصفصون ويقرون الاجوبة بس مايبون يكلفون نفسهم ويحطون سؤال مالت بس

والله انا اتمنى بعد .. بعدين الله ياخذ بليسك كل هذا ماهو تعمق

!!

إقتباس


	الهنوووف كانت هنا ورحلت

حياك الله الهنوووف .. عزيزه وغاليه واسعدتني جدا اسئلتك وبصراحه اقدر تفاعلك وتقديرلك لاخوك وهذا من طيب اصلك,,