نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - 플..°•.°• من حـج فرضـه يقضـب ارضـه °•.°•..플

الهنوووف · #6 07/12/2006, 07:13 AM

وعليكم السلام ورحمة الله وبركاتة

لابسين زين لاتخافيين اخاف نموت من الحر :p

إقتباس


	وللأسف الناس عكس هالمثل كل سنه تلاقيهم يحجون ويضيقون على خلق الله لو انها عمره كان ميخالف في أي وقت تعتمر .. لكن الحج مره وحده والناس يجون من أنحاء معموره .. والدوله لمواجهة هالمشكله ألزمت الناس .. بـ تصـاريح الحـج .. يعني مايحج الشخص إلا بتصريح وبعد هذي الحجه يقعد 5 سنين همين يحج .. لكن فيه البعض تخطو هالشئ وقدروا يتعدون هالتصريح ويحجون كل سنه لهم معارف يمشوونهم ويخلوونهم يحجون او شغّلو الواو .. وحتى الأجانب إذا جابو معهم لقاء بالتلفزيون يقول لي 12 حجه واللي يقول 20 حجه ويقولون كل سنه نجي ونلقى تغير كبيير ..!!!! وانحن نقوول كل سنه وش ذا الزحمه لا ويجووون شياااب وعجز كهوووول ويالله يتحركوون عشان يموتون بمكه والمشكله دولهم مانسقت معهم وسامحه لهم .. ولايعطوون غيرهم فرصه ...!!

صدقتي استغفر الله ناس كل سنة تحج عطو غيركم فرصه ضيقتو علينا

حرام عليكم
والي العجز والشياب ياويلي عليهم اتقو الله في انفسكم

في الحج يحسبونهم طالعين منتزة بالشاي والسجاد ومدري وشو

إقتباس


	4* الزحام عند الجمرات .. الكل يستعجل يبي يرمي عشان ينتهي بدري (ياحب الناس للعجله ) وشفتو العام الماضي وحوادث صارت قبل صارت حوادث مأساويه ومات الكثير بسبة الزحمه وصارو تحت الاقدام ( هذا اللي مخوّفني من الحــج ) وغير كذا يجيبون أحجار كبيره ويجبون جهدهم ويرّمون بقووه واخر شئ تصقع براس حاج ضعيّف يجيه صعروور ويبدأ الشتم والسب وفيه البعض يرّمون وأنتم بكرامه نعال وشباشب ويلّعنوون على ان هذا شيطان يعني اعتقادات خاطئه ..

إقتباس

حتى انـا مثلكـ ماحب الزحمة وعارفه اني يابصيح يابسب في خلق الله :p

إقتباس


	نصيــحه يابنات حجوو مع أهلكم لانتس ماتضمنين زوجتس .... وش رايكم يابنات نحج حجه جماعيه ونجسّر بعض .

الله لايخلينـا مالنا غير ابوانا الي بيصبروون علينا وبيخافون علينـا وبيتحملوونا
والا عيال الناس :p مانضمنهم

إقتباس


	وفي النهايه طوولت عليكم .. وان شاء الله يعجبكم .. وان شاء الله تستفيدوون .. والله يحيينا ويلحقنا خيرعاد اهم شئ ياشباب المنتدى الله الله بذبح الاضاحي مهوب تناموون صبح العيد صيروو شقرديين ولاتنسووني من طعمتكم (لحمة العيد) .. وانتم يابنات الله الله بالتقطيع والحميسه والشغل الزين صيرو سنعات <<<علمي نفستس انا شغلتي اكتب على الاكياس حقت الطعم وأوجه ههههههه

ابشــري بنصير سنعـات بس وراه عندتس رجال لنـا يعني :p

إقتباس


	’’ وش رايـكم بحمــلات الحج حالياً .. وماذا تريدون منها تقديمه ..؟؟

إقتباس

ماجربت بس يقولون انها زينة وعلى قدر ماتدفع بتلاقي خدمات اكثر

إقتباس


	؛؛ اذكرووو لنا مواقف مرّيتو فيها بالحج ..او تكلموو عن حجتكم كيف كانت..؟؟

حجتي السابقه صار لي موقف طريف

>>>>بدينا الكذب ماقد حجيت :p

إقتباس


	’’وش رايـكم باللي يحج كل سنه ولا يعطي غيره فرصه ..؟؟

اناني ومايفكر في الناس

إقتباس


	؛؛ هل تحرصون على الحج ام انكم تسوّفوون ..؟؟

انا ودي وكل سنه نقول للبابا بس يايليل ماطوولك انا اقول بنحج هالسنة وابوي ماقال لا بس تقول صديقتي سكرت الحملات اثاري ابوي لاعبن علينا :p

إقتباس


	’’ زووجتك ماحجت وانت قد حجيت هل بتحججها او لا..؟؟

يمكن احججها:p انا بنت وراتس ماقلتي السؤال خاص للشباب >>>قلق

الصراحة هيضتيني للحج ابي احـــــــــــــــــــج

نصيحة الي قادر يحج وخصوصا الشباب لان ماعندكم موانع تمنعكم لامحرم ولاشي

تراكم قاهريني يالشباب حاصل لك الحج ولاتروووحون

واحنا ماغير ملاحق وحب خشووم :p علشان نحج
كلن ينطلنا على الثاني خل زوجتس وذا يقول خل ابوتس ابوي ماقد قالها بس اغلبيه الاباء والازواج يقولون:p ابوي طيب مايبي يثقل على ولد الناس

وه بس يابوووي(قلب يخفق) قلووووب من هنا لغرفتكـ

والي بيحج يحج مثل الناس مو بقلبها طلعه اسريه ويجمع له بنات العايله ويرووحون يفلونها هنـاك ..بتضطرون تحجوون ثانيه تكفير للاولى

هلاليه سنعــة ياختي مواضيعتس تحـفة شي خيالي والله

اهنيئك عليهاا
تبين الصدق تبردين حرتي انا احب التفاصيل والصوور ولعل مواضيعي دليل على كلامي
بس سؤال احس فيه تقارب بين مواضيعي ومواضيعيك

؟؟ماتحسين هالشي
فيه شي مشتركـ وشوو مدري مع الزمن بعرفة:p

دمتي في تالق غاليتي

الهنوووف

كانت

هنا

ورحلت