|
ناصر الأحمد...دوري رمضان في منفوحه
السلام عليكم ورحمة الله وبركاته
الف مبروك الفوز
نقاط حبيت استعرضها معكم على الطاير
اولا / ناصر الاحمد حكم على الكوره انّها هدف وتوكل على الله وماشاور رغم اني اشوف ان المشعل متقدم شوي وهذي
وجهة نظري لكن مااكون معلق واحكم من لقطه.
ثانيا/ قمة السخافة هاللي صار والله ولا حواري الشفا برمضان مابقى الا يدخلون بمواترهم ويفحطون بالملعب يخربون
وننتظر هاللجنه اللي شكلها باجازة من بكره.
ثالثا / لازم نعاقب كل واحد دخل الملعب من المشجعين والاداريين.
رابعا/ ماادري المشعل وش جاه والله اخلاق وكانه هدف بنظره مايسوّي هالسواة يشوت الكوره كنه بمدرسه
خامسا/ خوجلي يشاف له حل خربها والله .
سادسا/ خالد عزيز ماادري وش يبي .
سابعا / نوقف بربسة هالتصاريح اللي مالها سنع واشوف انها موضة وانتهت.
ثامنا/ النصر لعب زين بالشوط الاول والهلال (هستّر) بالشوط الثاني.
تاسعا/ التسلل فيه اخذ وعطى والحكم بشر لكن ماكان لهم الا هالفرصة.
| 