| وعليكم الهاي والرحمة
مساء النور اختي
انا بقولك طريقتي بالمذاكرة ايام الثانوية .. فكل واحد وله طريقته ... كنت في ثالث ثانوي اسمع المدرسين يقولون ذاكروا اول باول لا تؤجل عمل اليوم الى الغد ومن هالكلام
مذاكرة دروس اليوم اول باول سهلة جدا جدا
لا تصدقين اللي يقولك انا اذاكر باليوم ساعتين او 3 ساعات
صدقيني اذا اخذتي مثلا اليوم : رياضيات و فيزياء وكيمياء ونحو وفقة وحاسب الي
وكنتي في وقت المدرسة تتابعين مع الاستاذه وفهمتي الدرس
اكيد بتكون مراجعته بالبيت اسهل بكثير ونقول يمكن بالكثير ياخذ معك وقت مذاكرة الدرس 10 دقايق واذا كان فيه واجب بيكون الوقت كله ربع ساعه
ولو تحسبين وقت مذاكرتك كله يطلع بالاخير ساعه او ساعه ونص
اقولك وش فايدة المذاكرة اول باول
هذي سلمك الله علشان اذا جاء وقت الاختبار وجيتي فتحتي الكتاب يكون كل درس وكل فقرة واضحه لك ومو غريبه وسهل عليك مذاكرتها مرتن ثانيه
وعندي لك نصيحة واتمنى انك تعملي فيها خاصة ايام الاختبارات النهائية :
هي المراجعه بعد صلاة الفجر فهي مفيدة جدا جدا جدا وترسخ المعلومة في ذهنك علشان وقتها يكون ذهنك صافي
واحذرك من السهر المفرط والروحة للاختبار وانتي مواصلة
اسف على الاطاله ودمتي سالمة  | 