نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - قصة المشاغب مع المخدرات: والله العظيم قصة حقيقية خلوها تفوتكم!!!

الـمـشـاغـب · #1 25/11/2006, 08:04 AM

بسم الله الرحمن الرحيم

السلام عليكم ورحمة الله وبركاته

وبعد:

حبايب ألبي والله شو حلوين...... والله إني أتمنى أقعد معكم دايماً هنا... بس بصراحة منتدى الجمهور الهلالي

من ذاقه ما يدور له بديل;) والزبدة: أبغاكم أنتم ووجيهكم تزورونا هونيك وافهموها

المهم ما علينا من هالحكي كله... ودي بس أعطيكم سالفتي اللي حصلت لي قبل اسبوع وأحط راسي

على المخدة وأنام...

السالفة وما فيها:

في إحدى الليالي المظلمة.... ومع برود الجو.... وتحت زخات المطر.... وصوت عواء الذئب <<< لزوم الإيقاع والتأثير في المشهد

خرجت من جامعتي الغالية أفرفر بين المطاعم علّني أحظى بوجبة شهية... فقد سئمت وجبات مطعم الجامعة الرديئة

وغير اللذيذة.. احترت أي مطعم أذهب إليه.؟!!!

<<<<<<<< مليت والله من الفصحى... خلونا نقلب على العربي المحلي

المهم مالكم بالطويلة: اخترت مطعم ملك المندي يممممممم يممممممم

تعشيت ومليت بطني وتحمدت الله على النعمة...... ثم نويت أروح للخبر عشان آخذ أخوياي اللي ينتظروني عشان

نروح الدمام ... بس واحد الله يهديه قال لي اني لازم أجيه عند مسجد السبيعي اللي إمامه الشيخ خالد الراشد...

اللي يعرف منكم مطعم ملك المندي فهو على الشارع العام في (الثقبة)... وعاد اسم الثقبة ما يحتاج أحد يعلمكم فيه

وعلشان أرجع لخويي لازم أدخل مع حارات حي الثقبة عشان أوصل لمكان خويي حبيب قلبي

مع انها مهيب أول مرة أدخل حواري الثقبة... لكن هالمرة كان الوقت متأخر شوي!!

توكلت على الله ودخلت عادي وما فيني شيء.. أنا في بلد (ابن سعود) (بلاد الأمن والأمان),,

دخلت وضيعت شوي في الحواري... لحست مخي شوارعهم كل ما دخلت شارع قالوا لي اني عاكس الشارع

المهم من كثر الدوخة اللي حصلت لي من شوارعهم المعكوسة مريت بشارع مليانين تكارنة وعبيد والسيارات تمر من

عندهم توقف شوي ثم تمشي........ أنا شفت كثرة السيارات برغم ضيق الشارع قلت أكيد هالشارع بيطلعني عالشارع

الرئيسي....

وما اهتميت بالتكارنة لأني بصراحة متعود على هالأشكال وما أتوقع انهم بيسوون شي..

دخلت الشارع وليتني ما دخلت :sad:

أول ما دخلت سمعت واحد يناظرني ويقول لي: أرحب... وقفت أنا للتكروني <<<<<< أحلى يالقوي

ونزلت نص القزاز وقلت: هلا....

والله ما مداني أقول هلا... إلا وأمة عبندة وتكرن تجمعوا حولي

ما أدري وش اللي جاني.. بس بقيت صامد وما حطيت رجلي... يمكن لأني متأكد انهم كان كسروا سيارتي لو هربت

المهم يوم تجمعوا أناظر فيهم إلا وكل واحد منهم ماسك كيس صغير فيه شيء ما شفته.. حسبته فصفص

اللي وقفني أول واحد.... قال لهم أنه هو اللي وقفني وأنه هو اللي بيبيعني

أنا ما دريت وش يبي يبيعني <<<<< طيب على نياته

قال لي كم تبي؟ وهو يعدد بيده الحبوب...

أنا يوم شفت الحبوب بيده صفقتني أم الركب

ما دريت كيف أفتك منه لأني داري انه مالي فكه منهم إلا أني أشتري ولا ما بأطلع سالم...

قلت له أبي حبة بس حق المشوار...

قال لا مافيه حبة أقل شي بـ 100 ريال

قلت له: طيب كم حبة؟

قال: 5 حبات..

قلت: هات يالله...

عطاني 5 حبات وعطيته الـ100 الله لا يبارك له فيها

ومشيت قدام أبي أطلع برى .... وأشوف العالم كلهم بزران وكبار معاهم أكياس وينادوني يبون يبيعوني...

والله العظيم ان الشارع ذاك يمكن كان أطول شارع في حياتي.. عيّا يخلص حسبي الله عليه

والله اني أدعي متى أطلع من الشارع بس

خايف أن الشرطة بتداهمني معاهم مثل ما يطلع بالمسلسلات

تخيلت نفسي في السجن وسمعتي تشوهت بعد ما كان الناس يضربون فيني المثل بالأدب والحلاوة والشآوة

وأخيراً طلعت وأول ما طلعت من الشارع ووصلت عند خويي... قمت أسبه وأحط حرتي عليه..

وعلمته بالسالفة وشاف الحبوب وفرح الخبيث

وقال لي علمني مكانهم

قلت له: احمد ربك وابلع العافية... لو ما كانت معي مائة ريال يمكن كان شفتني في خبر كان

بس الله لطف

المهم <<<<<<<<< غثيت الشباب... كل شوي المهم

المهم يا شباب ويا شبابات هذي سالفتي مع الحبوب الأبيض واللي أكيد رميتها ببرحة جنب الشارع.. خفت الشرطة

يصيدوني متلبس

وقبل أرميها صورتها.. وبغيت أحط الصورة بس يمكن قوانين المنتدى تمنع....

الزبدة يا أخواني والله حرام!!! بلاد الحرمين يباع فيها الحبوب على الشارع؟!!! وقدام الله وخلقه؟؟

وين الشرطة؟ وين مكافحة المخدرات؟!!! وينهم نايمين؟!!!

المشكلة أن "حاميها حراميها"...... واللي فهمها زين واللي ما فهمها أزين...;)

انتهى المشهد ولا أستغني من آرائكم واقتراحاتكم...

وعذراً على أي خطأ املائي أو لغوي أو تعبيري أو خطي أو عربي أو نصوصي

لأني كاتب الموضوع بسررعة

بالغة قبل المحاضرة الساعة 9 الصباح وتوني ما حليت الهوم وورك وقاعد أدردش لكم بقصتي.. فداكم

أهم شي ما تنسون التفاعل يا قلبوووووووو

الـمـشـاغـب...