إقتباس هههههههههههههههههههههههه سقى الله ذيك الايام <<-- رح هناك بس .. اذكره زين والله .. الله ياذيك الايام والله كنها امسس .. قلبت المواجع على ذي الصبحية يعطيك العافيه

الله يعافيك يافهد
ايو الله يافهد سقى الله ذيك الايام ياخوي مدري ليش في بعض الاوقات احس بحنين للماضي لدرجة اني شوي واهل العبره

___________________________________________________________________________________

إقتباس الله يعطيك العافية يارب اما شعار القناة الثانيه من جد شعار يجيب الاكتئاب الله يصلحهم على هالشعار

ربي يعافيك يالسندريلا

وسلامة الجميع من الاكتئاب عاد انتن يالبنوتات ياحبكن للالوان عاد لو ان الشعار فوشى ومنقط بخربزي ومبروز بموف يمكن يعجبكن من جد اللون الغالب على الشعار اخضر انا بصراحه مزاجي جاه مغص يوم شفته

________________________________________________________________________________

إقتباس هههههههههههههههههههههههههههههههههه من وين جبتهم والف شكر لك خيوووووووووو على هل موضوع ولله انك صادقه يا سندريلا شعار القناة الثانيه مو بس يجيب الاكتاااب الا يجيب الطاعون

ابو عراده متيم هلالي

شكرا لمرورك ياقلبو ويعافيك ربي

عاد من وين جبتهم ذاك اليوم عزمت افتح بقشه عندي اللي هي عباره عن شماغ عنابي مهدب عليه بصمة سوداء وصورةابو غزالين مير لقيتهن قلت انزلهن بالموقع

________________________________________________________________________________

إقتباس هههههههههههههههههههههاي طلعت شايب يالعنفوان ..... بس ولو يازين ذيك الايام

ياما وياما
شكرا لمرورك

يالله تعال نشوف اكبر انا ولا انت
<<<<<<<<<<<<<<<<<<<<<<< يقلد الصغار يوم يقربون روسهم من بعض من اللي اطول من الثاني

________________________________________________________________________________

إقتباس هههههههههههههههههههههههههههههه أما شعـــار القنــاة الأولى عجيب ... ياخي حاطين شمس تحرق في العيون قمت لبست نظارتي الشمسية خخخخخخخ والقنــاة الثانية أذكـــرهـ والله ما تغير الا قريب ... كان يمسكـ نص الشاشه

هلااالي الماااسي

شكر لمروك ياقلبوووو

شكل اللي صمم الشعار يشتغل لحام بصناعية الخرج الظهار شكلها مو شمس الا واحد يلحم حديد فوق برج التلفزيون

________________________________________________________________________________

إقتباس ألعنفوان الأزرق .. يالله حسن الخاتمه أنا اذكر لما كان هذا الشعار فيه ماكنت ناوي اطلع على الدنيا ومابعد فكرت << ياشين اللي يصغر نفسه بس عن جد شعارهم مدري من اللي لاعب عليهم ورازه لهم !! عموماً شكرا ع الغبار .. دمت بخير

الكــلاسيكي

ياربي تعافيك ويدوم الخير لك وللجميع

يعني انت مسوي صغير هاه ؟؟ اقول تذكر جداول الاختبار ايام الدراسة زمان يوم يحطون الصف الاول والثاني والثالث بورقه

والرابع والخامس والسادس بورقه ويوزعونها علينا

انا ايامها كنت باولى ابتدائي وانت بثالث وقلت لك بالله عطني الجدول اللي عندك اي اصوره

يعني لا تصغر نفسك ياالدب

________________________________________________________________________________

إقتباس شعار بايخ يجيب الهم عني انا ما اذكر الا شعار القناة الثانية وشكراً لعرضك التاريخ المجيد للقناة

وسيم والقلب خالي

الله يعطيك العافية على هالطله الحلوة ولو ان فيها عصبية شوي بس عندي لها كل تقدير

________________________________________________________________________________

إقتباس هع هع هع هع >>> الى بكرة الدعوة كلها هعات والله زمان يا قناتن العزيزة ..!!؟؟ شكرا لك اخوي العنفوان الازرق

ماجد مقبل العفو ياالغالي

وسلامتك من الهعهعه عليك بشراب عليه صورة فرس زين للحكه بس انتبه تنام على الكيبورد
اسعدني والله مرورك يادب


________________________________________________________________________________

إقتباس شعار القناة الاولى موب ناقصه الا صورة حدى تماسيح القناة الاولى يقول : والآن ننقل لكم حفل تخريج الدفعة ... إلخ اما شعار القناة حكايته حكاية معاي ..

iq1399

مشكور على مرورك حبيبي
والله كانك معي يوم اكتب الموضوع بغيت احط صورة حسن كراني وعلى الطنطاوي وكنت بقول تذكرون البرامج هذى على القناة الاولى قسم بالله العظيم

والقناه الثانيه بغيت احط صورة المهابيل الثلاثه والرجل الاخضر والسيارة السوداء وبقول تذكرون البرامج هذي على القناة الثانيه بس قلت يمكن الشعارين هن الموضوعين الرئيسيين ويصير ماعاد لهم كرت لو حطيت البرامج

________________________________________________________________________________

إقتباس هههههههههههههههههههههههههههههههههههههههههه ههههههههههههههههههههههههههههههههه هههههههههههههههههههه أقسم بالله أنك رهييييييييييييييييييييييييييييييب تصدق من شفت شعار القناة الأولى و أنا أتذكر غالب كامل >>>> ههههههههههههههههههههههههههههههه الله يرجك يا شيح قسم بالله بأموت من الضحك عندي صور قديمة لأفراد العائلة من ذيك الايام و حدة من خواتي لا شافتها تصيح و تنقهر و تقول أبعدها عني لأقوم أكفخك هههههههههههههه و كنت أذكرها بالشعار هذا و تصيح و تقول يمة أبعديه عني لأقوم أسوي فيه مصيبه و الحمد لله أني حصلت عليه بأطبعه و أحطه بظرف و أرسله لها مشكور يا العنفوان الأزرق على الصورة الحلوة يا حلو

هلا والله بالهلالي الثقفي مشكور على المرور والطله الحلوه

عاد لو تشوف صوري انا ايام زمان القلاب حق الثوب اربع طقطاقات والشماغ احيانا مافيه مرزام واذا جت حزة التصوير حطينا سعابيل على المرزام ماكنا نعرف المريتو والنشاء اول

________________________________________________________________________________

إقتباس والله انهم من جنبها يرجال

الاسطورة الهلالي

مشكور حبيبي على المرور

بس ترى زمان العالم يناظرون بالشعار ويقولون ياسبحان الله وشلون قدروا يكتبون المملكة العربية السعودية فوق السيفين والنخلة

________________________________________________________________________________

إقتباس اما شعار القناة الثانية تذكرت يوم يجيبون الترددات قبل لا تفتح القناة .. وفيه هذيك الدقة اللي مستحيل انساها يا كانت تجيب الهم !!

صدى الامس

ياالله حيه يالغالي

والله انك صادق ترى حتى القناة الاولى بعد كان التلفزيون يقفل ويفتح الساعه اربعه العصر وقبل الساعه اربعه تجي دقه حقت الترددات للقناة الاولى كان عندي بيجر دقته مثل دقتها بالضبط

________________________________________________________________________________

إقتباس مالاحظتوا شي .... كل الشعارين فيهن شمس ..... هههههههههههههههههههههههههه شعار التميز لمملكتنا بالصيف ..... القناة الثانيه إلى وقت قريب وهم هذا شعارهم .... عاد لو تقولون لي وش شعارهم الحين كان قلت لكم مدري .... <<< مطلقه التلفزيون بالثلاث

فرصه ضايعه مرحبتين حي الله المرور والشرطة والدفاع المدني بعد نوّر علينا مرورك

ماشاء الله عليك دقيقة ملاحظه بصراحة بخصوص الشمس

شكلك مثل جدتي الله يرحمها تكره التلفزيون واذا شافتنا حاطينه على القناة الثانية تقولنا لا تحطونه على اليهود والنصارى تشوفهم يتكلمون انجليزي واشكالهم ماهم عرب وتاخذ الرادو حقها وتشغله على اذاعه القران ونسمع صوت الشيخ عبد الباري محمد والصغار الل يرددون معاه

________________________________________________________________________________

إقتباس والله صدق يجيييب الهم خاصه القناة الثانيه

هلالية حرة

هلا والله هلالية حرة منورة بمرورك

فعلا يالهلاليه الحره شعارهم يجيب الهم يذكروني بكراستي حقت الرسم يوم كنت باولى ابتدائي الصفحة كلها لون واحد وانواع الشخابيط

________________________________________________________________________________

إقتباس السلام عليكم ورحمة الله وبركاته والله ياهي ايام رجعتنا لايام زمـــان افقي وراسي واخرتها ننتظر افلام كرتون والا سلاماتك

ALSAMI_915

وعليكم السلام ورحمة الله وبركاته

منور يالغالي

ايو الله زمان وبعد ايام الاريل القديم اللي نحطه فوق التلفزيون والقنوات حقت التلفزيون نفرها فر باليد اذكر عند جيرانا تلفزيون يفرون القنوات حقته بزرادية ومرة من المرات دورو الزراديه مالقوها جاهم اخوهم الصغير وقال الزرادية مع ابوي يغير بطارية الددسن حقته

________________________________________________________________________________

إقتباس هههههههههههههههههههههههههههههههههههههههههههه يـعـطـيـك الـعـافـيـه

هلاليه و افتخر

الله يعافيك ومانعدم هالضحكة ان شاء الله

________________________________________________________________________________

إقتباس تصدقون أنه عجبني

بكل فخر هلاليه


هلا والله شكرا للمرور يالغالية

تصدقين عاد يوم شفت تعليقك قلت ياولد رح تأكد ليكون موضوعك حاط فيه رشرش ولا غوايش دقة محيسن

________________________________________________________________________________

إقتباس والله يمكن يمكن ماكنت عايشه اقصد ماولدت ^^^ الااذاكان عام 1414 ه شكراً

مالكه السعوديه

اهلين وسهلين ومرحبا مثلهن مليونين

يعطيك العفية على هالمرور

يعني عمرك الحين 14 ومن مواليد 1414 هـ وش عندك مع هالارقام المميزه ما شاء الله العمر كله وانا خيك

بس بصراحه ارقام مميزة

________________________________________________________________________________

إقتباس الصورة الأولى كان اذا خرب التلفزيون حطوها او قبل الأخبار

juve1897
ياهلابك نورنا مرورك حبيبي

والله انك صادق او قبل المباريات او قبل افلام كرتون يلعبون باعصابنا