والله يا "السامي" كلامك كله درر وما راح ابالغ إنك عبرت عن اكثر ما يدور في بال جماهير الزعيم فيما يخص الإحتفالية

ولكن ودي اشدد وازيد على مسألة النقل المفتوح لكل القنوات بسعر محدد و ما يكون كبير "حتى اقل من نص مليون" ووقتها راح تلقا عدد كبير من القنوات الي راح تنقل المباراة سواء عشان الهلال او بالغالب عشان برشلونة والنجوم العالمين إذا كانو موجودين

انا متأكد إننا راح نكسب فيها اكثر من لو خذتها اي قناة حصري "خاصة ارتي" ، وزي ما سمعت اليوم إنهم يبون ياخذونها بمليون ونص دولار (5.5 ريال) مع نص دخل الجماهير (عن نفس بأقعد في النص حق الهلال:p ) ...... بغض النظر عن إنهم يستقصدون الهلال ولا مهنا زود إخراج.

هذا من الناحية المادية، بس لا تنسون إن كمان لو نقلوها الكثير من القنوات ، هذا راح يعطي إنتشار للهلال و شعبية عند كثير من غير الهلاليين في الوطن العربي كله مما يرجع على الزعيم بكثير من الفوائد المستقبلية "منها فوائد مادية في اسعار الدعاية والإعلان"

واخيراً ، ممكن يكون الإخراج والنقل عن طريق واحدة من القنوات المميزة "ارشح اوربت او الجزيرة الرياضية او ابو ظبي" وتبث عن طريقها لباقي القنوات..... طبعاً بفلوس
وممكن يستعين الهلال بأحد الشركات المميزة في الخليج للتتسويق للإحتفالية بحيث يكون لها نسبة معينة مقابل تسويقها لأكبر عدد من القنوات.

بس باقي وحدة اخيراً ، القنوات المطفرة ولا تقدر تدفع كل المبلغ ... ممكن الهلال يشترط عليها نسبة من الدعاية او حتى يعلن عندها عن جوال الهلال او قناة الهلال.


وفي النهاية الأفكار كثيرة ولكن تطبيقها والتنسيق لها يحتاج وقت .... وكما سمعت إن برشلونة يمكن يجي نص ديسمبر وهذا الوقت من جد ما يمدي ... عشان كذا لو قدر الهلال يأجلها معاهم إلى بعد العيد او في اول فبراير راح يكون عنده الوقت الكافي لكل شي ....... ولو لو ما قدر ما له إلى إن تتضافر الجهود وان تتم الإستعانة بالشركات المتخصصة في التسويق والتنسيق ... وكذلك الإستعانة بمهندس الإحتفالات الضخمة الأمير عبدالله بن مساعد.

ولو إن تأجيلها احسن (على الأقل يطيب ميسي وإيتو) احس إنكم تحسون إني حاقد على الدعيع