اخوي الجاحظ ياخي ماتحس بالراحه اللي تجين لاشفت لك موضوع 
ياخي انت قمر اقصد عسل يعني بطل او شجاع كله واحد اهم شي اني انبسط لا شفت يوزرك تبيع
ياعزيزي المشكله ماهي بالتقنيه هذي امورها هينه ومع هالخبر الحلو ان شاء الله بتتيسر امورن كثيره
لكن المشكله اللي ماله حل الا بانتظار جيل جديد
بحكم عملي في صيانة وتقنيه الشبكات مرت علي امورن كثيره
تخيل واحد يدق على رقم البلاغات عساس يبلغ عن عطل جهازه ويقول لهم ان شاشة الكمبيوتر مخلصه الوانها
وفروا لي الوان << رايح باله الضعيف انها مثل الطابعه << يعني شف الجهل وين وصل
والثاني ماهو عارف يشبك الماوس ويوم سألته والموظفين اللي عندك قال لنا يومين ماعرفناله عجبي
يوم رحت لهم لقيت ان الماوس كيبلها USB والربع متعودين على القديم الله يخلف
بالنسبه للدوائر الحكوميه وتعطيل المعاملات او تجديد الامور الشخصيه
ياخي يوم الثلاثاء رحت اجدد رخصتي يوم وصل الدور علي جت على حظي > قال ان النظام متعطل تعال باكر
يعني شف يوم كامل عشان تعطيل النظام طيب وين مهندسكم قال مايجي الا بعد الظهر
قلت له خلن اشوف الجهاز انا مهندس دعم فني
بعد المحاولات وترجي هالادمي جلست على الجهاز
اثاري المشكله كلها بالطابعه يوم رحت للطابعه لقيت اوراقها مخلصه 
الادمي ضاعت علومه من نظراتي له بغيت افقع وجهه
باختصار شديد دوائرنا الحكوميه يبيلها تغيير جلد كامل والتدريب على اولا
حسن المعامله
حسن التصرف
وتذكيرهم بالامانه والاخلاص بالعمل وانه عالم تعتمد بعد الله عليهم
ماتفرق الدعوى ااذا هي ورق والا اجهزه وانت ابخص مني يالجاحظ
تحيه لك
اخر تعديل كان بواسطة » ولد وايل في يوم » 10/11/2006 عند الساعة » 02:23 PM | 