النصر لم يحقق بطوله محليه من خمس سنوات من بعد بطوله
كرة اليد اللي سجل هدفها حسين هادي يمكن اكثركم مايتذكرها علشان الفريق
اللي استفاد هو النصر وحتى الاتحاديين نفسهم عاضين على شحم ولايذكرونها
لكن لوكانت اوت ولاركنيه قدام الهلال ولوولو ومن بعد مباراه امس
بصراحه كيفت على ربعي المساكين النصراويين وسالوني بالله مبسوط
من بطوله التحكيم اللي خذتوها عيني عينك بصراحه فقيت الكشرة مترين من الضحك
وقلت سبحان الله العام اللي راح بعد بلنتي الكاتو كنتوا تضحكون وتقولون لو فيكم
خير كان سجلتوا هدف ولا اعتمدتوا على ان الحكم يحسب لكم بلنتي واللي
يحصل شي يستاهله ولاتنسى بعد انكم يالهلاليين غثيتونا بابراهيم العمر
نسيت ان النصر سجل 3أهداف قلت طيب(صبر جميل والله المستعان)
ومرت سنه وامس كان عندي شعور بفوز الهلال ورحت اخذتهم معي
يشوفون المباراه وتمنيت بيني وبين نفسي انه يكون فيه خطا تحكيمي لصالح الهلال
وسبحان الله كأن اللي بغيته صار انتهت المباراه بفوز الهلال واستلم الثنيان
الكاس وربعي النصراويه ماغير سب وحش بالحكم والاتحاد السعودي
والتفت عليهم وبوساعه وجه مني وش بلنتيه وش هدفه وش تخربطون انتم
وارتفع الظغط عندهم مليون ماتشوف التحليل بالتلفزيون الحين يقول انته بلنتي
طبعا كنا نشوف الاوربيت فقلت لو الاتحاديين فيهم خير ماخلوا الجمعان يخفسهم
باثنين معتمدين على الحكم يحسب لهم بلنتي ردوا علي باني متعصب قلت نسيتوا
العام وش قلتوا يوم طلعنا المهنا ولا حلال لكم حرام على غيركم واحده بواحده
وبصراحه ملينا من البطولات اللي بجدارة نبي بطوله بالتحكيم زي بطولاتكم
علشان نعلمكم يا........ كيف تجي البطولات ونوريكم وساعه الوجه وقله الحياء
علشان لو فزنا في بطوله جايه ببلنتين تحمدون ربكم ومن بعدها الاخوان النصراويين
كانهم طفوا واقتنعوا بالكلام ماوخذ بالقوة لايسترد الا بالقوة