حبايبي الزعماء

بصراحة أستغرب ردة الفعل الي أشاهدها

فالجميع مو عاجبه قرار نقل مباراتنا مع الطائي الى حائل

والجميع يستنكر ويتهجم

بوجهة نظري قرار عادي جدا

ولا تغضب مني جايك في الكلام

وش الجديد في الي حاصل هذا

وباختصار تعودنا على هالأشياء

فالاتحاد السعودي أو عفوا اتحاد محاربة الهلال هذي عوايده

الكل يبي يقول جمهور الأهلي العام الماضي فعل وفعل وفعل

ونادي التشاد جمهوره عمل وسوا

لكن الهلال غير

جمهور الهلال أولا لم يضرب

ولم يركل

ولم يرمي الحجارة

ولكنه قال الحق

والحق ما ينزعل منه

جمهور الهلال تلفظ بعبارات برأيي عادية وتحصل في الملاعب العالمية

ولكن جمهور الاتحاد هو الباديء أولا بهذه الألفاظ

لكن لماذا الهلال ؟؟ برأيي عادي جدا الهلال الفريق المحارب

أعطاني أحد الأصدقاء صحيفة الرياضي الاتحادية

وتوقعت أن يكون هناك ردة فعل من هالشيء

بس ما توقعت يكون القرار نقل المباراة

والي توقعته وهذا هو المفروض حرمان الجمهور من دخول المباراة وانتهى الموضوع

هذا اذا أنت انسان عادل

لكن يدورون أي شيء على الهلال عشان يصدرون أقوى القرارات الممكنة

لكن حبايبي الزعماء لا تتنرفزون وخذوا الأمور برويه وهدوء

وقولوا للاتحاد السعودي من رئيسه الى أخر موظف راح نفوز بالدوري ان شاء الله لو تنقلون مبارياتنا الى خط الاستواء أو القطبين المتجمدين

وانتهى الموضوع

وراح نهينهم ونكسر شوكتهم بمواصلة الانتصارات ليعلموا انه من الصعب ايقاف الزعيم

وهدوا يا زعماء وحنا متعودين على هالأمور

تحياتي لكل زعيم

عين الصقر