نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - «®•°•ღ•° ابــي عيـــدي «®•°•ღ.....(كل مايتعلق بالعيد هنا )

الهلالي دائماً · #168 25/10/2006, 04:18 PM

عيد باية حال عدت ياعيد ** بما مضى اما لامر فيك تجديد

اما الاحبة فالبيداء دونهم ** فليت دون بيد دونها بيد ..!!

ماشاء الله موضوع جميل وصور حلووووه

واما عيدي انا مافيه صور

طبعا رحت بعد الفجر مصلى العيد اللي في القاعدة الجوية عند كوبري الخليج

وانواااع الزحمة كان معي اثنين من اخواني واختي نزلتهم وقلت بروح ادور لي موقف

وما وقفت الا اخر الدنيا >>> على فكرة وين اخر الدنيا :p

المهم اخذت سجادتي وركض للمصلى لان الامام كبر ويوم وصلت ابي افرش السجادة

اشوف بجنبي مصري يبني افرشها لي وله بالعرض عاد الثوب جديد فعطيته اشكل ورحت مكان ثاني

واصلي عند هندي شايل ولده ويوم نركع حط ولده على الارض ويدعس البزر كنه ضب وابوه يلحقه وهو راكع

وانا كاتم الضحكة ماشاء الولد سريع ويزحف المهم الحمد لله خلصنا الصلاة ورجعنا البيت وكان فيه اخواني

واخوتي وعيالهم وافطرنا كبدة على كيف كيفك من ايد الوالدة الله يحفظها

طبعا في العصر كان العيد عندنا واجتمع الاهل وانواع البزارين

طبعا انا طلعت من البيت مع اخوياي تمشينا وتعشينا والاجر على الله

--------------------------------------------------------------------

ومن هذا الموضوع الهنوفي

ودي اهنئ جميع الامتين الاسلامية والعربية بعيد الفطر المبارك ..

واهنئ الملك عبد الله والامير سلطان والامير سلمان

والشعب السعودي ورئيس الهلال واعضائه ولاعبيه ..

وتهنئة خاصى للجماهير الهلالية واعضاء وعضوات شبكة الزعيم الكرام ..

وكل عام وانتم بخير ...