نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - أعضاء المجلس العام لازم تشوفون الموضوع للأهمية!! المسألة مسألة حياة أو مووووت!!!!

هلالي القرعاء · #34 04/10/2006, 03:57 AM

هلا بـ المشاغب هلا وغلا ..

هنا بالمجلس العام .. أجواء أخويه :p

ناس إشطه .. تراي ما أقول أن اللي هناك مب زينين

لكن .. هنا ما تلقى اللي يقول ( وراهـ ما تسكت أنت وموضوعك الشين ) .. ولا ( يامندس ) .. ولا ( وراهـ ماتصير المدرب أنت ووجهك ) ..
ولا ( خسارة داخل أقرا موضوعك ) ولا .. ولا .. ولا .. ......إلخ ..

أضف إلى ذلك ..

أن فيه مواضيع كثيرة تدخله تلقى صاحب الموضوع كاتب متى نبي نشوف سامي يلعب !!

والثاني يفتح لك موضوع جديد وينزله وتلقى مكتوب التايب يبي يلعب ولا لا !!

والثالث يقول أبي أعرف متى مباراة الهلال الجايه !!

يعني سخافة إلى أبعد الحدود .. المنتدى من حق الجميع صح ..

لكن مثل هـذهـ المواضيع ما في منها أي هدف الا أنه يلقى أسمه كاتب موضوع ..

همن يرد على موضوعه يقول وش دعوهـ 22 دخلوا ولا أحد رد ..

يتضح لك أنه كاتب موضوعه فقط من أجل الردود .. وتلقى موضوع مثبت بالمنتدى يتكلم عن الشي اللي يسأل عليه ..

زي واحد دخلت موضوعه لقيته كاتب هل التايب سيلعب في مباراة الإتفاق ..

هذا كل اللي مكتوب في الموضوع ..

مشكلة مثل هذهـ المواضيع تنزل بسببها مواضيع إلى آخر الصفحه ولا يشوفها أحد رغم أنها مواضيع مميزة ..

يعني واحد يكتب له موضوع يتعب عليه .. ويدخل بعد ساعتين يلقى موضوعه بالصفحة الثانية !!!

كثيرة مثل هذهـ المواضيع السخيفة ..

شي ثاني .. تكتب موضوع عشان تلقى التهزيء والتجريح .. في موضوع زين ..

لكن أنت ليش تنتقد سامي ولا نواف .. هذولا فوق الإنتقاد ..!

في ردود بعد ماله داعي .. وكثير بعد تلقاهـ كاتب موضوع طويل عريض وشغل وجهد ويقول عطونا آرائكم ..

يجيك واحد يقول مشكووووووور .. ولا كلام سليم :p

مرة كتبت موضوع عن شي شفته بـ خصوص إنتقال التمياط إلى الإتحـاد أيام السالفة ذيك ..

طبعًا أكثر موضوع لي فيه ردود هذاك الموضوع .. لكن كثير منهم داخل يقول ما عندك سالفة ..

والثاني يقول ليش تقرأ هالتفاهات .. يبي يتحكم في قراءتي بعد

..

ومثل ما قالت الهنوووف إذا شافوا بنت كاتبه موضوع يقول أنتي روحي للمطبخ أزين لك ..

...

شي ثاني بعد

نسيت وش كنت أبقول

شي أنا ملاحظه في قسم الجمهور ..

إذا تذكرته إن شاء الله أبجي أقوله ..

المهم .. الله يعطيك العافيه .. وخلنا نشوفك بالمجلس دايم .. تبي تلقى ناس تدخل القلب على طول

آسف على الإطالة .. من زمان ودي أنتقد بعض مايحصل في منتدى الجمهور وأنت جبته ..

تدري أنا أول ماسجلت بالمنتدى .. جلست فترة تقارب السنة ماأدخل غير قسم الجمهور الهلالي ..

ماأدخل شي أبد ولا أشوفهن ..

لكن أكتشفت أن التنويع زين ;)