نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - محاوره بين رشيد ازلامي العتيبي تركي 2000 المطيري (محاوه من الطراز الثقيل)

فارس عتيبه · #1 20/09/2006, 10:50 PM

السلام عليكم ورحمة الله وبركاته

هذي محاوره بين الشاعر الكبير رشيد الزلامي العتيبي والشاعر تركي 2000 المطيري

واعدكم باني سوف اقدم لكم المزيد من المحاورات الناريه قريبا ان شاء الله صوتيه

ومرئيه لكن اصبرو وكل مطرود ملحوق ابشرو بالخير كله

رشيد

ياتركي الفين نسمـع عنـك بعـض الكـلام&ومطيـر مـاودنـا نـشـذب عراقيبـهـا

امـا ليـا جيتنـا وقـف 00ورد الـسـلام&ولا نكبنـاك نكـبـه مـانـت داريبـهـا
تركي
السـر مدفـون مابيـن اللحـم والعـظـام&واهـل المواجيـب ماننقـص مواجيبـهـا
أنـا سلامـي عليكم00مـرةٍ كـل عــام&واهـل الهنـاديـب ماتنـفـع هناديبـهـا
رشيد
انته مـن العـام تخلطهـا حـلال وحـرام&ماعـاد لـك قبلـةٍ تـعـرف تصليبـهـا
تشيـل عشريـن طلقـه ميتـه بالـحـزام&وتزهـب البـنـدق العـجـرا وترميبـهـا
تركي
اللـي يقـول الحقيقـه مايجـيـه الـمـلام&والنـار ياكثـر مـن يشعـل مشاهيبـهـا
إن كـان عيـن الزلامـي مايجيهـا المنـام&من يرخي إذنـه لهـرج النـاس يوحيبهـا
رشيد
تـرا معـي حيلـةٍ لمخالفـيـن النـظـام&والله لخلـيـك يـاتـركـي تهذريـبـهـا
وإني لطاردك وسط المملكـه شـرق شـام&ليـن الـطـروق الرزيـلـه ماتغنيبـهـا
تركي
أنته00وانـا 00كلنـا متقاسميـن الطـعـام&لـكـن الايــام لاتـامـن عواقيـبـهـا
ياراعي الخشـم خشمـك لا يجيـه العـرام&لحيتـك تقديرهـا مـن قــدر أشانيبـهـا
رشيد
الوقت يـا شاعـر المطـران جالـه سنـام&لكـن عوجـة رقبـتـه00وش نسويبـهـا
والحر يشبك بفـرخٍ مـن فـروخ الحمـام&يـا طيبهـا يـوم جابـت صقـر ياطيبهـا
تركي
صل الفرايض وحج البيت واقـض الصيـام&لا عــاد سبحـتـك للعـالـم تواميبـهـا
النور يا شاعر الروقـه00 يزيـل الظـلام&وحنـا صـقـور ٍ تعشيـهـا مخاليبـهـا
رشيد
انتـم قبيلـه لكـن الطـق فــك اللـحـام&مطـيـر قــوم ٍ خلقـنـا الله لتعذيبـهـا
سقنـاك مـن قلـة الحـره لغربـي نعـام&ديـار تصبـح بهـا00 وديـار تمسيبهـا
تركي
أعرف عشيره واعرف الجمش واعرف جهام&ياشيب عينـك مـن المطـران يـا شيبهـا
تحمـد الله00 وريـح فـوق ريـش النعـام&ضيوفكـم ماتـبـا تـجـرح معازيبـهـا
رشيد
انتـه تعـرف الدير00لكـن بيـاع خــام&ماغيـر تمشـي وكـل أرض ٍ تعشيبـهـا
حنا ليا حميـت الهيجا00وحصـل الزحـام&نشـرب فناجيـل خـلـق الله0ونرميبـهـا
تركي
أنا من اهـل الأشـده فـي نهـار الزحـام&رجليـك اباأنشـدك مـن كسـر عراقيبهـا
ياهـل الفناجيـل جاكـم ردهـا بالتـمـام&من حول أهل المناصـب مـن مناصيبهـا
رشيد
صاحبك شايـب لكـن انتـه بسـن الفطـام&أعـرف علـوم ٍ ماظـن ألفيـن يدريبـهـا
والله يالولا حيـاي مـن الرجـال الحشـام&لا قولهـا صـح00 وآخليـك تسريبـهـا
تركي
انتـه تحلـم00ولا غشتـك غيـر الحـلام&راجـع دفاتـرك تلقـا فــي مكاتيبـهـا
وراك مـا قلتهـا ياصاحبـي مـن شمـام&حتى إن حملتـك فـي ظهـرك تزوزيبهـا
رشيد
يامطيـر ماعـاد ينفعكـم شـراب وطعـام&مـن يـوم فارقتـم أم الرمـث وشعيبـهـا
قامـت عليكـم دروز ٍ ماتعـرف الـكـلام&وانتم كمـا العقـرب اللـي تلـوي ذنيبهـا

وانتظرو مني المحاوره الخطيره (مفاجأه لكم) صوت وصوره بين الشاعر فهدالعازمي العتيبي وتركي 2000 المطيري والقادم احلى

تحيتي لكم