إقتباس هو لاعب تكتيكي ... يعني اقرب ماله الدفاع والتغطيه .. وشلون خليته هو السبب في سقوط يانكلوفسكي حقك !!

انا ما اشوف ان يانكو سقط اصلا .. بالعكس كان من نجوم المباراه بنظري
لكن انا قلت لك اذا كان هجوم بارما من جهة يانكو فهذا لأن المحور اللي جنبه فاشل لأن عادته المحور هوه اللي يغطي على تقدم الظهير .. والا انا غلطان ؟! ;)

إقتباس نفتح الروابط عشان نتكلم بشي من المعقول

المعقول عندك هوه غريب بالنسبه لي .. انت عندك فافالي احسن من يانكو وحتى اخويي الصغير ضحك على هالشيء :p وانا عندي ان امبروزيني عاهه حاليا زي ما عندني ان اكثر لاعب حبيته في حياتي ( راؤول ) هو عاهه الحين على الريال .. ولو اني بتكلم بالعاطفه كان ما قلت اكثر من مره هالشيء عن راؤول !

إقتباس بيكرمان اسكت الجميع حينما اوصل الارجنتين لدور الثمانيه

كأنك تتكلم عن السعودية مو الأرجلتين
وش اللي اسكتهم لما اوصلهم لدور الـ 8 ! قالو لك هذا منتخب الصومال والا شنو ؟!
هذولى التانجو يا حبيبي .. يدخلوا ومايفكروا بغير الكأس ! قال دور الـ 8 قال مكثره نكتك هالأيام يا تركي:p

إقتباس بعدين من قاللك اني كنت انتقد ليبي كثيرا ً بالعكس انا كنت اطالب ببيبو فقط !!

تذكرني بمبدأ الحشاشين حول ان شرب القليل من الخمر ليس حرام
عاد انت اختلفت مع ليبي في نقطة بنقطتين بعشر .. المهم المبدأ , انت افهم منه حتى تختلف معاه ؟! مو هذي كلمتك

إقتباس واذا اعتزل مالديني تفرغت لهالأمر .. والحين مايهمني من يمسك القياده

اذا كان هالشيء ما يهمك فانا يهمني

إقتباس دام مالديني موجود ... فرجاءا لاتخلي موضوع القيادة مشكله .. لانه ببساطه مو مهم

اذا كان تفكيرك ملزوم بنظرة قصيرة المدى .. فانا افكر لبعيد !
وطبعا هذا مو عيب لا فيك ولا فيي .. ولكنها مجرد اختلافات عابره

إقتباس الميلان يلعب بثلاثه محاور .. من اليمين .. قاتوزو .. بيرلو .. سيدورف

مع اني اشوف ان سيدروف وسط ايسر بس اوكي نمشي على كلامك وعلى هالحسبه تراجع ترتيب امبروزيني عندي من السادس الى السابع

إقتباس بعد المجهود اللي قدمه بابطال اوروبا صار يقوله يازينه بكأس ايطاليا !! صدق عجايب يازمن عجايب !!

وربي درينا انه قدم مجهود ببطولة اوربا خصوصا سنه 2002 .. احنا الحين نتكلم عن الوضع الحالي .. رجاء افهم عليي
امبروزيني ماله مكان الا بـــبـــعــض مباريات كأس ايطاليا بوجود ( جاتوسو - بيرلو - سيدروف ) كأساسيين و أبرز البدلاء ( بروكي - جوركوف << نحطه محور بعد هذا صح ؟ )

إقتباس بالاول تقولي عط يانكلوفسكي فرصه لأنه مصاب والاصابه لاعبه فيه

ماعمري قلت هالشيء .. واتحدى تثبت لنا هالكلام هنا

إقتباس اذا ماعطيته فرصه وش تبيه يسوي .. هو معك بالفريق !! مصيرك تحتاجه بيوم من الايام .... مبدأك غلط وانا اقولها عن قناعة تامه !!

انا ماقلت ما يعطى الفرصه .. مره اخرى تفسر كيفما تريد ! انا قلت انهم يلعبوهم المباريات الضعيفة .

إقتباس بعدين مسألة القياده في ميلان لاتربطها فيه وتخليها مشكلة العصر

بالعكس انا ماخليتها مشكله العصر .. انا تكلمت عن مستواه قبل وقلت انه كان يمثل النقطة السوداء على لعب الميلان .. واذا استمر على هالمستوى فالله يعينا على هالعاهه .. ومافيه احد غيرك هنا قال ان امبروزيني لعب مباراه حلوه ضد بارما

إقتباس ومازال التخبط والتناقض مستمر معك يامستر دموع !! وشلون تتفق معي انه موب شين وتقول مو بمستوى ميلان !!

والله انت اللي مو راضي تفهم عليي .. كلمتي واضحه
انشلوتي ليس سيء ولكنه ليس مدرب كبير في نفس الوقت ! والله مايبي لها شرح يا تركي بس الظاهر ان السهر مأثر عليك
مثلا فيه لاعبين مو سيئين ولكنهم ليسوا بطموح الميلان .. مثل امبروزيني

إقتباس لاياخوي غلطان .. انشي يستاهل ميلان وميلان يستاهله

هذي وجه نظرك وانا احترمهم ! ويبقى لي رأيي كما لبقية الأعضاء آرائهم الخاصه !

إقتباس اما حكاية ان النجوم ينقذونه (( وكانه تلمح بانه مايفهم شي بالتدريب )) ليش النجوم ماانقذوا فريقك فريق ( السيرك ) !!!

ارجع واعيد لك ان نجوم الميلان في كل المراكز بينما الريال عنده عاهات مستديمة في النصف الخلفي !
على فكرة .. فريق السيرك اللي تتكلم عنه حتى وهوه يعيش أسوى فتراته فإن ترتيبه يكون الوصيف واحيانا يكون قريب للمنافسه على المركز الأول واحيانا بالمركز الثالث ! هذي وهيه أسوى فترة !

إقتباس مازلت تناقض نفسك !! قبل شوي تقول ماانكر انه لاعب جيد بالسابق والحين تستكثر عليه اشارة القياده !!

الظاهر الدعوى يبي لها شرح فيزياء عندك
يعني هوه كل لاعب جيد يستحق ان يكون قائد ؟! عجبي والله
طيب حتى داكورت لاعب الأنتر هو لاعب جيد بنظري .. وش رايك يخلوه قائد بعد ؟
وحتى بدر الدوسري لاعب الهلال لاعب جيد بعد خلونا نخليه يصير قائد الفريق
احنا نتكلم عن نادي كبير يا تركي .. بضرب لك مثال بـ باروني .. هوه لاعب يعتبر جيد وقائد بفريقه لكن منهو فريقه ؟! هل هو الميلان ؟ طبعاً لا
لأنه في نظري يجب ان يكون قائد الميلان يستاهل هالكلمه بكل ما تحملها من معاني تتخطى حدود انها تمثل مجرد شاره على كتف اللاعب .

إقتباس بخصوص ليبي رديت عليك قبل وقلت لك نقطة اختلافي معه في بيبو انزاغي

طيب هذا بالنسبه لـ ليبي
طيب وباقي المدربين اللي انت اعترضت على بعض قراراتهم ؟! انت احسن منهم يعني ؟
((( ملاحظة : انا ما اقول هالكلام الا لأنك انت من اخترت السير على هذا المبدأ )))

إقتباس ولو تكر زين انا وضعت افضل تشكيله لأيطاليا قبل بدء انطلاق المونديال وخليت زامبروتا باك يمين وقروسو باك يسار وخليت كامورانيزي جناح ايمن ولعب فيها ليبي وطبقها بحذافيرها !!

بس كامو مالعب بشكل اساسي

إقتباس اللي يشوفك يقول اني انا رايح للإدارة ومخليهم يتعاقدون مع فافالي !! ياخي لاتحط شي فيني بالاساس مهو فيني !!

صحيح مو انت وانا اصلا ما لمت ادارة ميلان في كلامي هذا ولا شيء .. انا ارد عليك وعلى كلامك
انت قلت الميلان ما يحتاج لواحد زي يانكو فقلت لك انه ما يحتاج لواحد زيه لو كان عندك زامبروتا واشلي كول .. موب العاهه فافالي !

فانا اشوف ان وجود يانكو ضروري .. ومالمتك ابداً على تعاقد الميلان مع فافالي :p

إقتباس وصار مقياسك رفعه وحده قدام بارما وماكان احد مضايقه .. ونسيت الـ 6364864566 رفعه اللي بمدرجات السان سيرو

هههههههههههه الحين انا قلت ان مقياسي هوه رفعه وحده ؟!
انا من زمان امدح يانكو مو من اليوم ! وماعمري مدحت لاعب على رفعه وحده زي ما تفسر انت !

إقتباس واللي ضحكني صدق انك تقول سيررجينهو رفعاته اغلبها برى الملعب خخخخخخخخخخخخخخخخ كيف الحال ؟؟؟؟

للمره المليون ..قايل لك انك تفسر كلامي على كيفك
كلامي نصاً هو :
صحيح سيرجينهو تطلع منه رفعات ولا أروع .. لكن كثيراً ما يطيح بالكرة لخارج السان سيرو

اول حاجه واضح اني استخدمت اسلوب المبالغه لما وصفت انه يطوح بالكرات لخارج الملعب واللي يبي يفهم كلامي واضحه وصريحه له .. لكن قول لي من وين جبتها انت اني قلت ان اغــــــــــلـــــــــب الكرات برى الملعب ؟!!!!!!

إقتباس بعدين وشلون تقول انه لاعب جيد سابقا .. وانه اصلن مايستحق ان يمثل الميلان !! ياخي كفايه تفحيط

وربي تعبتني اليوم يا تركي .. صرت لك وكأني مدرس روضه
افهمك يا حبيبي .. لما يكون عندك فراولة حلوة وكبيرة ولونها مغري ( 1) .. وفراوله ثانيه حلوه لكنها صغيره ولونها ما عجبك ( 2 ) .. وفراولة ثالثه مو حلوه ابد ( 3 ) .. من بتختار فيهم يا حلو ؟؟ :p
مثل الميلان .. المفروض يأخدوا الفرولات الحلوه في كل شيء بس ! لأنه الميلان نادي العظماء !
زي اللاعبين .. فيه لعيبه يصنفوا من التوب وفيها لعيبه جيدين وفيه لعيبه اللهم لك الحمد والشكر ! الميلان المفروض ياخدوا من النوعيه الأولى .
عرفت عليي والا تبينا نطلع للتفحيط اشرح لك

إقتباس ومن قاللك اني انقهرت ان ميلان تعاقدوا معه .. بالعكس فرحت .. لأنه بيلعب بكأس ايطاليا ويريح نيستا

وش دخل نستا بالسالفه ؟! مركز فافالي الأساسي ظهير !

إقتباس انا ماافهم كلامك على كيفي افهم كلامك على عقلي وتفكيري كلامك اتهام لي ...

الحين انا لما اقول زيبينا اسطورة هذا اتهام لك ؟!
اشوى انك قلت ليي عشان اعرف لأني على هالحسبه اتهمت ناس واجد وخصوصا من جماهير الأنتر واليوفي .. سامحوني والله ما توقعت انه اتهام لكم




على العموم سعدنا بالنقاش معك .. وهذه الحلقه الأخيرة بالنسبه لي في هذا النقاش .. ان شاء الله نلتقي بمسلسلات نقاشيه اخرى << تحسه ينطر بس مسلسلات رمضان :p