انا ما قلت ان الأظهره مالهم دور .. بس كيف انت تقول وش دخل المحور ؟! اجل من اللي له دخل ؟ الحارس ؟!

خخخخخخخخخخخخ والله انك ذكرتني بواحد من البزارين بهالمنتدى .. وخالد ( فارس الزعيم ) اكيد يذكره !اللي اذا تتناقش معاه على حاجه في النهاية يجي يقول لك .. انت افهم من المدرب ؟!

طيب اجل وشوله نفتح روابط ومنتديات ونسوي زحمه اذا كان رأي المدربين دائما هو الصحيح في نظرك
انا اشوف ان لكثير من المدربين أخطاء فادحه ولنا على سبيل المثال فقط :
* بيركمان في كأس العالم .. وعدم ضمه لزانتي وعدم اشراك ميسي في المباريات الهامه .
* مدربي الريال في السنوات الأخيره .. حيث ان مشكلة الريال كانت واجحه وضوح الشمس ( مركز المحور ) ولكنهم يصروا على ان الريال ليس بحاجه للاعب محور !
* كابيلو اللي يموت في الأسطورة زيبينا

طيب وش اللي يمنع ان احنا نقول رأينا حتى لو كان في ناس أفضل منا .. وانا شخصيا وبكل تواضع لن اتردد في ابداء رأيي بأي خطأ على اي مدرب حتى لو كان ناصر الجوهر

تذكر فقط لك يا تركي .. انت كنت تنتقذ أكثر مدرب ايطاليا ( ليبي ) في اكثر من مباراه .. طيب انت احسن من ليبي ؟! :p ;)

هذا بالنسبه للمستوى .. وفي شيء ثاني بالنسبه لشارة القيادة انت ما تكلمت عليه !

بالنسبه للمستوى انا اقول لك ليش اقول هالكلام .. أولاً لأن الميلان يلعب بمحورين والأفضل في نظري حاليا هم ( بيرلو - جاتوسو - بروكي ) وايضا يوجد ( كلادزه - يانكو ) الذين يلعبون في نفس هذا المركز ايضا ! يعني امبروزيني يكون ترتيبه السادس بالنسبه لي في هالمركز .. وانا اقول يازينه في مباريات كأس ايطاليا ويخب عليه موب نلعبه قدام برشلونة والا روما !
اما جيلا فعندنا في هجوم ميلان أربعه فقط ( اوليفيرا - بيبو - جيلا - بوريللو ) .. ولعلمك بس انا كنت اول من يطالب ان جيلا يجلس احتياط وحتى في كأس العالم كنت منقهر لأنه يلعب والبيبو لا ولو تلاحظ اني قلت بعد مباراه بارما ان ضربة الرأس لجيلا جاءت في وقتها

يمكن اعطاء الفرص الى اللي منخفضه مستوياتهم لكن مو على حساب الفريق .. يعطيهم فرصه لما يكون الفريق ضامن المباراه او مباريات وديه .. فالأهم مصلحه الفريق .. والأكيد انهم بيضيفوا القوة للفريق لما يرجعوا مستواهم

والله كلمته مو مقبوله ابدا ياتركي .. على الأقل مو بالنسبه ليي فانت تعرف مقدار معزتك عندي .. لكن بالنسبه لبقية آراء الأعضاء هنا
انا اقول واكرر واتمنى تفهمني .. ما انكر ان امبروزيني لاعب جيد في السابق ولكنه الآن يمثل عاهه على الفريق , هذا غير ان مو عاجبني قرار انه يصير كابتن من بعد مالديني .

اتفق معاك انه مو شين .. بس باقول لك نفس كلامتك .. انا احسه انه مو بمستوى نادي كبير زي الميلان !!!!



لا اقول عشان النجوم ؟!
شوف يا حبيبي .. هذي كرة قدم .. النجاح يرتكز على عناصر كثيره أهمها اللاعبون والمدرب !
انشلوتي مو سيىء لدرجة مانشيني :p لكنه نكب الميلان ايضا اكثر من مره .. والنجوم اللي تتكلم عنهم انقدوه في كثير من المناسبات لما يخطأ .. وقلما ما تجد انشلوتي ينقذ الفريق لما ما يكون في فورمته ! فيه نوعيه مدربين تقدر تخلي الفريق يفوز او يقلب النتيجه حتى لو كانوا لاعبيه مو بالفورمه .. وفي نوعيه العكس !

ريال مدريد فريق السيرك هههههههههههههههههههههههههه تكفى كل يوم قول لنا نكته
ما ابي اتكلم هنا عن الريال .. لكنك انت اعلم ان لاعبي نجوم الميلان في كل المراكز لكن في الريال في السنوات الأخيره كان يفتقد للاعبين محور ودفاع وكلنا يعلم بهالشيء .. ومن الإحاله ان يعتمد الفريق فقط على عناصره الهجومية لكسب البطولات .. يمكن يكسب بهم مباريات لكن بطولات مستحيله !
تركي انت دائما تناقض نفسك .. ما يحتاج اذكرك انت وش كنت تكتب عن الريال هنا والحين تقول فريق السيرك ! قالوا لك حاطين لهم مهرجين هم ؟! :p

اول حاجه اكتب اسمه عدل .. لأن عشاق يانكو هنا ما يرضوا عليه بأي غلط
وانا ما قلت ان يانكو احسن لاعب بالعالم .. وانه أفضل من كل اللاعبين بهالمركز .. لكنه الأفضل في الميلان بهذا المركز وهذا رأيي
لو راح يانكو لبرشلونة كان المفترض برأيي يلعب اساسي بدل جيو .. ولو راح روما بيلعب اساسي .. ولو راح اليوفي العام الماضي من المفترض ايضا ان يلعب اساسي ويريحوا الأسطورة زيبينا
ويصير احتياط ا لسيرجينهو هذي تنبلع .. اما انه يصير احتياط ثاني بعد لفافالي فهذا ما لا اقبله حتى لو قلت لي : انت احسن من انشلوتي ؟!
صعبه يانكو يلعب اساسي على حساب روبرتو كارلوس لكنها ستكون مصيبة لو تم تضيل راؤول برافو على يانكو !
وهذا الشيء اللي ينطبق في رأيي في الميلان فانا ارى ان تفضيل فافالي على يانكو مصيبة ! إلا وركز على هالكلمه .. اذا كان الميلان يريد المحافظة على نتيجه مباراه قويه ففالي هو الأحق بالمشاركة من يانكو .. اما انه يلعب فافالي اساسي في غياب سيرجينهو

مع اني اشوف ان يانكو المفروض يتكلم عن مشاركته مع سيرجينهو وليس فافالي ! فسيرجينهو لا يستطيع في كثير من المباريات أن يعطي أكثر من 30 دقيقة !!!!!!!!!!!!!!!!!

طيب ويعني ؟! وحتى لو لعب من سنه 50 قبل الميلان باقول انه ما يتساهل وعار على تاريخ الميلان ان امثاله يكونوا رمز للنادي .. فمن بعد تلك الأساطير يأتي امبروزيني ليقود الميلان ! يالسخريه القدر !

اذا بتتكلم بهالمبدأ انا بعد اطلب منك تسحب كل كلامك على المدربين في المواضيع السابقه .. وخصوصا حول انتقادك اكثر من مره لـ ليبي .. واطالب منك ومن الآن ان لا تعترض على أفكار انشلوتي لأنك انت مو افهم منه !

ما يحتاج لواحد زيه لو كان عندك زامبروتا واشلي كول .. موب العاهه فافالي !
لو في الميلان لاعبين مثل اللي ذكرتهم كان ما تجرأت بقول ان يانكو يستحق المشاركة



مايحتاج ارجع .. عارفه زين .. لكن بالتأكيد هو ليس ذلك اللاعب المثالي ايضا لتشكيلة الميلان !
يعني اذا حظر بيرلو وجاتوسو عليه ان ينرز في الإحتياط وهوه رافع رأسه بعد ! موب يصير كابتن !

ملاحظة : لا اتكلم حول الكابتنيه بالنظر الى مستوى اللاعب فقط .. بل بالنظر لجوانب عده منها الصفه القيادية والتي يتصف بها مثلا سيدروف و نستا وديدا .. أو بالحنكه وتهدأ الفريق كما في كافو و سيرجينهو .. أو بالحماسيه واللعب بروح الفريق وتحميس اللاعبين كما في جاتوسو و انزاغي .... أما امبروزيني فما عندي اي شيء من كل هذا !

ما انكر هالشيء .. لكني اتكلم عن لاعبين لاعبين .. مو فافالي
تحط ليي سيدروف وبيرلو و سميمتش بفافالي ؟!
طيب ليه انقهرت لما الميلان تعاقدوا معاه ؟! ليش ما قلت نفس كلامك هذا ؟!

لا تحاول تفهم كلامي على كيف كيفك .. مشتهر عندنا ان نقول على فافالي اسطورة وهذا الشيء مو انا اللي اقوله حتى جماهير الأنتر لما كان يلعب معاهم.. كما هو الحال لجماهير اليوفي اللي توصف زيبينا بالأسطورة .. وهذا الشيء على سبيل السخريه عليهم ... اما كلامك انت اذا سبيت يانكو فما بتخلي فافالي اسطورة فهذا صحيح لأنه هوه صار اسطورة من قبل ما تسب يانكو << مو تفهمني الحين بعد على كيفك .. ترى هذي بعد من السخرية !
لكن انت اعطيته ميزه زياده لما تقول انه افضل من يانكو ! بالله هذا كلام ؟!! فافالي احسن من يانكو :p
تكفى تركي ودي اسوي موضوع تصويت بالعالمية .. من الأفضل يانكو أو فافالي ؟!
بس خوفتي المشرفين يحذفوه لأنهم بيفكروني قاعد اسخر :p .. لو صار اتوقع بيكون بس صوتين لفافالي ( ومعروفين لمن ;) ) والباقي كلهم ليانكو



للتوضيح فقط .. هذا الكلام موجه ليي ! واضحه يا تركي
بس خليك واقعي شوي انا قلت ان سيدروف مزاجي وكلنا يعرف هالشيء وهذا الشيء اللي ما يعجبني فيه وما استنقصت بقدرات الخال فلديه قدم فولاذيه ولعب جماعي مميز وتفاهم كبير مع لاعبي ميلان .. ولكن مثل هالنوعيات المزاجيه لا يُعتمد عليها ! وان شاء الله سيدروف يكمل نهاية الموسم بدون مزاجيته اللي تعودنا عليها ..




خلني اركز معاك يا اخوي على نقطة وحده لأن رأيك يهمني .. هوه سؤال وابي جوابه بكلمه :
هل امبروزيني يستحق حمل شاره قياده ميلان ؟!



تمزح والا ايش ؟!



تأكدوا جميعا .. أعضاء وزوار الرابطة
علاقتي مع تركي لا يُعلى عليها دائما وأبداً .. والنقاش بينا حبي وان كان البعض يراه غير ذلك فاقول لك انك غلطان !

دمــوع .. وســام