نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - رابطة عُـشّـاق الـمـدفـعـجـيـة .. ][ ارسـنـال ][ .. 2006

Soccer Maker · #1085 03/09/2006, 10:12 AM

إقتباس

الرسالة الأصلية كتبت بواسطة مجنون أرسنال


	Rommel كول أفضل ظهير أيسر في العالم لكنه كان أحد أقل الرواتب في الأرسنال و لما طالب بزيادة قالو له 50 ألف (بالتقسيط) والا دور على نادي ثاني ... بعد القضية في اجتماعه مع تشيلسي قال كول إنه ماله ذنب و ماكان يدري عن الأجتماع ... ولما قال إنهم جعلوه غذاء لأسماك القرش ماكذب ... الكل تخلى عنه في القضية و خلوه يواجه المحكمه لوحده بعكس تشيلسي اللي دافع عن مورينهو و تكفل ابراهيموفيتش و تشيلسي بدفع الغرامات المفروضة على مورينهو و وقفوا مع مدربهم و استأنفوا الحكم بعكس الأرسنال اللي أصدرت إدارته بياناً بعد الحكم أيدوا فيه الغرامات المفروضة على كول وقالوا أنهم راضين عن قرار المحكمة ! أسألك بالله و ش تسمي هالفعل ؟ اللي يقهر بعد كل هالسالفة إن هالأمور كانت من راس دين اللي كل ماقاله كول شيء قال عاجبك و الا روح دور نادي ثاني ... ذنب كول الوحيد إنه تكلم في كتابه اللي يتكلم عن سيرته عن القضية وقال عن نفسه إنه مظلوم و فوق هذا ماعنده مانع يستمر مع الأرسنال لكن الأدارة باعته حباً في المال .. وفينجر نايم في العسل ! Soccer Maker سيظل كول أفضل ظهير أيسر في العالم و غيابه خسارة كبيرة ... مللينا من سالفة كل مامشى واحد قالوا أحسن فينجر بيطلع أحسن منه .. صحيح إن فينجر أفضل مكتشف للمواهب لكنه أسوأ واحد يحافظ عليها ... باستثناء هنري جيبولي موهبة واحدها اكتشفها فينجر و قدر يحافظ عليها ؟ اللي سمعته عنه إنه يمتلك الموهبة ... أتمنى أشوف واحد يعوض غياب كول سريعاً .. يعطيك العافية على مجهوداتك .

لا يبو يعقوب كول من اراد الخروج لم يرغمه احد على فعل ذلك ..
كول قال اول شيء انه يبي راتب اكبر من اللي عنده و ما وافقوا الأدارة مدري وش السبب .. يمكن بغوا يصبروا شوي .. و بعدها اجتمع مع مورينهو في فندق و انفضح و غرموه فلوس ( لا تصدقه يوم يقول انا مظلوم و ما دريت عن شيء ) اكيد بيقول كذا عشان يظهر برائته ولا يحسبوه الناس خائن و يجتمع مع مديري اندية اخرى و هو متعاقد مع نادي .. يعني سبب اجتماعه مع تشيلسي كان بسبب حبه للفلوس .. و لأن ادارة الأرسنال ماتبي تزيد له راتبه فقال ليه ماروح لتشلسي و يجيني الراتب اللي ابيه .. و بعدها طبعا ادارة الأرسنال غضبت من اللي صار و ما وقفت مع كول لأنه اجتمع مع نادي ثاني دون علمهم .. مع ذلك رفعوا راتبه لـ 60 الف الصيف الماضي و مدد عقده لثلاث سنوات ..
لكن على ما اظن يوم شاف رواتب زملائه في المنتخب الأنجليزي لامبارد و تيري قال ليه انا ماخذ مثلهم .. يعني معقولة ادارة ارسنال تعطيه 80 او 90 الف اسبوعيا بعد اللي سواه ؟ و اخر شيء نشر كتاب يسب فيه النادي بأكمله بداية من دين و بعض من زملائه ..
دين قاله بعد العودة من كاس العالم انهم يبونه في النادي .. لكن الفلوس مطيرة مخه في ستامفورد بريدج .. هو المتسبب في كل المشاكل و اخر شيء يقول ارسنال قذوني لأسماك القرش !! يحسب نفسه اكبر من النادي ولا كيف ؟ المفروض يقدر مافعله النادي به و مدربه اللي خلاه افضل ظهير ايسر في العالم .. كول قال انه عشق الأرسنال منذ الصغر لكنه يعشق المال اكثر من النادي .. و انا اتمنى له عدم التوفيق في اي مكان يروح له و خل تنفعه الفلوس و الـ 90 الف اللي بيستلمها من تشلسي اسبوعيا .. عفناك يا كاشلي يا منافق !!