إقتباس الرسالة الأصلية كتبت بواسطة اماراتيه عندي نقطتين حبيت اتكلم فيهم : 1- كابولي .. من كثر تصريحاته انه متفائل حسيت ان بيدخل موسوعة " جينس " للارقام القياسية .. على لقب اكثر رجل على وجه الارض متفائل رغم المصاعب :p .. لان ولا مره صرح من اول ما نزل اليوفي الين قبل اخر تصريح ان مب متفائل ان اليوفي يرجع .. و انا ما بقبل بأقل من " السيريا اي " و انا و .. ودي اعرف شغله بس .. شو اللي غير راي اداره اليوفي ؟ ما هم طنشو اول تهديد ؟ و على اساس 24 ساعه تفصلنا عن المحاكمه ؟ شو اللي خلاه يتراجع ؟ غريب الصراحه اللي صار ؟ وين اللي بيطالب بــــ130 مليون ؟ يعني كلنا في الرابطه عارضنا .. اول شي يوم عاند و قال .. بنطالب بالسريا اي .. بالرغم من ان الاتحاد الايطالي .. حذره .. و ما خاف و حطاهم ورا ظهره .. قلنا خلاص .. محد اقوي عنه فاندام ايطاليا .. قدها .. ليش يخاف و اليوفي عنده محامين اد الدنيا :p يعني من اول جان رضيت بالقرار و فكيتنا ليش تخلينا نتحمس اكثر عن شهرين على الفاضي ^ الشي الثاني : ليش ما باعو كامو .. احس وجوده بيكون مثل عدمه .. كيف يغصبونه يلعب في مكان ما يبي يكون فيه تذكرت شي : هاردلك على كاس ايطاليا ..

وعليكم السلام ...

وش هالحركات يا اماراتيه وش هالدب الي ينقز ..

أول شي حياك الله في الرابطه ..

ثاني شي أبي أعرف شي واحد أنتي ليه ماتدخلين الرابطه الا مره في الشهر .. ؟؟؟

نتمنى تواصلك معانا دائماً لأننا محتاجين أعضاء مثلك ومثل البقيه ..

بالنسبه لـ كوبولي من يوم شفت اللاعبين كل يوم واحد اثنين طالعين وانا غاسل يدي منه ماعلينا من ابرا وفيير واللاعبين الكبار اللي طلعوا ..

لأن هم اللي كانوا يبون يطلعون أنا قهرني خروج اللاعبين الشباب أو حتى لاعبين الخبره اللي يحتاجهم الفريق وكانوا يبون يقعدون في اليوفي مثل اوليفيرا ..

بعدين كامو مدري وش أقول هاللاعب أحبه مقدر أقول فيه شي ..

والله أنه لاعب يفيد اليوفي كثير ولاعب ناجح بس أن شاء الله راح يرضى بالواقع ويعود لمستواه المعهود ..

بالتوفيق لليوفي ...

وحياك الله في الرابطه خيتوو .. ونتمنى تواصلك الدائم معانا ..

تحياتي ..