نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

الماسه الزرقاء · #18 30/08/2006, 08:27 AM

صدى نزل موضوع

..... لازم نجيب الكابتشينو ونروق آخر روقان ..

إقتباس


	والله يا حنا نسمع بالتقدم ولا ندري وينه فيه !!

على ذمة الإتصالات إحنا ما ينفع لنا التقدم وإلي عندنا يكفينا لأن حدنا الشات والسواليف

وهم حدهم النهب واللعب على الناس

إقتباس


	تقولون وش تبي ترى هالحركات كثيرة وخصوصا في هالوقت التالي كثرت عند البنات بشكل كبير ..

إيه والله صدقت ..كثرت سواء عند البنات او العيال

ويحز بخاطرك وتنقهر مررررة لما تشوفهم في الملاهي وقدام خلق الله وانواع الحركات اللاأخلاقية

وإلي يقهر اكثر لما تمر من عندهم ما تقولهم ولا كلمة ولا نصيحة

... دائما يأنبني ضميري إذا رجعت البيت ..

إقتباس


	اجل بالله برنامج يحطون لك اكثر من موضوع والمشاهدين هم اللي يختارون الموضوع عن طريق التصويت بالرسايل (( وجه يقول احد قال اليوم السابع )) اجل وين راح المعد ووش يسوي اذا المشاهدين هم اللي يختارون !! اقول مالت عليكم بس من شفت محمود سعد هو المقدم وانا غاسل(ن) يدي !!

والعدوى انتقلت لقنوات الاطفال .. صوت على المسلسل الكرتوني إلي تبيه ينعرض

يعني نهب من الأباء من جميع الطرق .. من عيالهم المراهقين من أطفالهم ومن الأباء انفسهم

إقتباس


	والا حط لك وحده حلوه ولابسه من غير هدوم وخلها تفتن هالمهابيل وابشر بالاتصالات والرسايل !! اجل هذاك اليوم في قناة مدري وش اسمها << علينا يا مناحي .. جايبين لبنانية حلوه وموت (( صورة واحد تقوطر سعابيله من حلاتها )) المهم هالبنت كل شوي اذا محد اتصل توخر شعرها شوي عشان يبان صدرها شوي وهذي شغلتها اذا قلت هالاتصالات تلعب بالشعر يمين ويسار عشان تفتن هالعالم << اشوى ان جوالي مافيه خدمة 700 والا تسان اتصلت (( تبون الصدز ضيعت العيال وهم يلعبون بلوت اجل واحد يشتري صن وما معه الا ولد وثلاث سبعات وتسعه ))

قنوات الــ 700 .. .شكلهم عارفين إن عيالنا فاقدين حنان .. وبناتنا مالين بين أربع جدران ..

والفيصل هي التربية وحذف هالسخافات ,

إقتباس


	×× كلها الرجاء الاتصال بي <<

هاذي اختي إلي بالمتوسط ذابحتنا "بالكول مي "

أجل نشحن لها بطاقتها بمية .. ويومين بس إلا مخلصة

,,
اقولها وش تخلصينها عليه .. تقول صديقتي ترسل لي تبيني اجحدها ولا ارسلها ,,
قلت لها : لا تجحدينها بس شلون تخلص بطاقتك كذا .. قالت : إذا ارسلت لها لازم ارسل لكل الشلة ما احب افرق بينهم ,
عاد ما شاء الله عليها ذا الواصلة المدرسة كلها شلتها .. وياليتها عاد ترسلهم " كول مي " .. ما تحب تتفشل الأخت ترجع على جوالاتنا وتكلمهم او ترسلهم

,, ا"لكول مي" موفرتها لنا بس ترسلنا إذا صارت تحت في الملحق وإحنا فوق وودها تسولف ويانا

,,
تخيل هي وشلتها بقيادتها طبعا ماخذين لي الموية وداخلين المقصف وراشينه كله

والحين قاعده تخطط تبي تسوي مقالب بالمديرة الجديدة من غير تدري عنهم

ما اقول إلا الله يعين ابوها وامها عليها .. هالبنت جريئة وشكل مراهقتها بتصير قوية .. وشكلها طالعه على بنت عمنا

إقتباس


	×× اشتر في تبوك للاسمنت واترك المواشي الزراعية ×× اقحش من سابك المصرفية وبعها بعد كم شهر ×× اترك الراجحي للاسمنت واشتر في سامبا للمعادن ×× انحش عن ساب للعقارات تراك تبي تتورط

هذا سهل

إقتباس


	بنت ما عندها الا بنت عمها تعرفها << احد قايل الفيروسه والماسة او خل نقول مجموعة بنات في منتدى .. ×× فاتس صدى الامس نزل موضوع الحقي عليه لا يفوتس ضحك ووناسه وكل شئ !! << بتقولون وش تبي انت مصدق عمرك بقولكم هذا موضوعي وانا حر ×× لا يفوتس موضوع بالمجلس العام !! ×× فيه مضاربة في موضوع بالمجلس العام نبي الفزعة !! ×× وش صار على موضوعنا اللي بالتطوير قصدي اللي بالاستشاري << لا هذي واضح انها الفيروسه والماسة

,,
مشكلتي انا وفيو ما نعرف شي اسمه رسايل إلا في المحاضرات ,,
لكن تلقانا إذا صار حدث على طول ندق على بعض لو نكلم بعض خمسين مرة في اليوم والله يعين الأهل

صدى .. يعطيك ربي ألف عافية على هالإبداع منقطع النظير

,,
من جد والله .. مواضيعك دايماً غير ما شاء الله ولها طعم ثاني ..
كثر منها خلنا نوسع صدورنا بس بشرط إذا جبت طاريي قل الماسه من غير نقطتين

ولا ما راح ارد على موضوعك ,<<< وش شايفه نفسك ميت على ردك