نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

الهنوووف · #16 30/08/2006, 05:26 AM

الله الله مقدمــة مهضومـــة اخترت لفظ مهضومــة مواكبـة للموضووع >>>>>>>>>مواكبه مانيب سهله ابد :p

بس الله يهديك شايفنــا كفار قول السلام عليكم >>>> ياشينها اذا قالها لك احد تتوهق من جد وعم وخال بعد

إقتباس


	المهم اقولكم الحين صارت الدعوة خرابيط وسواليف وقلة حيا كل من هب ودب فتح له قناة وحط رقم للرسايل ويالله يالعالم المخفات تدهر وترسل للقنوات سواليف ومسخرة وقلة حيا !! رأس مالها مليون وتحجز لك قناة وادهر من هالأغاني من طقة البرتقالة << والله يا انت قديم شكلك ما سمعت بـ الواوا !! وخل اول اسبوعين الترقيم مفتوح شوي يعني لا تدقق والاسبوعين الثانيات خفف شوي وبعدها رجعت المليون بمليونين ووش لك بالأسهم والخرابيط ونزل المؤشر وما نزل ارتفع السوق والا ماارتفع متعلق بكم شركة وخرابيط ثانية !! وحط لك بالكنترول واحد فاهم يرسل بـ أسامي بنات وشف بعض التماسيح المخفات يجونك ركض ولا يهون بعض امهات الركب السود !! اجل ارسل اسمك واسم حبيبتك عشان تشوفون التوافق بينكم طيب لو واحد عنده حبيب مهوب حبيبه ووحده عندها حبيبه مهوب حبيب وش يصلحووون !! << لا تقولون وش تبي ترى هالحركات كثيرة وخصوصا في هالوقت التالي كثرت عند البنات بشكل كبير

لامن التسذب الزايد
تحط اسم ولد مع اسم ولد او العكس
يطلع زواج

..

من جد صار كل من هب ودب له قناة انتظرووقناتي

الهنوووف>>>>>>>>>واوات لازم علشان مايشوفها العنا

من جد يلعبوون على هالمساكين بكم كلمــة من هالمذيعة
والله صار هالرسايل شغلهم الشاغل
الظاهر من يصحون من النوم وهم مرتكزين عندها اللهم لاشماتة بس

إقتباس


	والا حط لك وحده حلوه ولابسه من غير هدوم وخلها تفتن هالمهابيل وابشر بالاتصالات والرسايل !! اجل هذاك اليوم في قناة مدري وش اسمها << علينا يا مناحي .. جايبين لبنانية حلوه وموت (( صورة واحد تقوطر سعابيله من حلاتها )) المهم هالبنت كل شوي اذا محد اتصل توخر شعرها شوي عشان يبان صدرها شوي وهذي شغلتها اذا قلت هالاتصالات تلعب بالشعر يمين ويسار عشان تفتن هالعالم << اشوى ان جوالي مافيه خدمة 700 والا تسان اتصلت (( تبون الصدز ضيعت العيال وهم يلعبون بلوت اجل واحد يشتري صن وما معه الا ولد وثلاث سبعات وتسعه

القنوات اصبحت تهتم بالاموال ولاتفكر باي طريقه ولاتهتم بعقليــة المتابعين وللاسف لاتحترمهم والا بنت مالبست هدوم وشوله تجيبهاا تقدم
اصلا هو مايبونها تلبس علشان مايتخسرون بلبسها
نص متر يكفيهم

للاسف يجيبون هالحريم السخيفات العاريات
علشان شبابنا المطافيق للاسف

ومن يتصل وتقووله شو مهضووم صدق عمره كل يوم صار يتصل وانا احبتس وصايره قمر ومدري شوو

ماقلت لكم مطافيق
وذا المسؤلين ان شاء الله شي حرام اهم شي بيجيب له دراهم
جعلهاا تحرق ان شاء الله

إقتباس


	واحد كل اخوياه طفرانين .. ×× كلها الرجاء الاتصال بي << طبعا بالانقلش وتعرفون ثقافتي فرنسية انا

انا ودي جوالي ينقطع ودي اجربها

بس احس انها مالها داعي فيهااا
تسني اطر

ماش ماجازت لي ابدا وربي لايحدني عليهاا ..........قولو امين طيب

إقتباس


	×× السنة الثالثة جب خبز معك وجب غداء ما طبخت !! ×× لا تنسى تجيب بامبرز للعيال !! ×× نبي سيريلاك ونيدو ما عندنا !! ×× نبي طماط وبصل عشان الغداء تسانك تبين اطبخ ولو تجيب من المطعم يكون احسن !!

هذاك اووول
الحين فيه بقالات توصيل

..:

صديقتي كل ماكلمتني قالو اهلها جيبي خبز وانا افك هالخشه اقول وشلون ورى ابوهم مايجيب لهم

وماعاد الحريم يقولون طماط تقوول جب عشاء من هالمطعم وغداء من هذاك
ماعاد به حريم يطبخووون استغفر الله
ترى والله ان امي تطبخ كل يوم بعد

إقتباس


	بنت صايعه .. ×× كل رسايلها شحن رصيد !!

ياخوي من جد الحين عندي مفهوم غلط اتمنى يتصحح بس مو قادره حتى يحرجني احيانا هالمفهوم
احس كل الي جوالاتهم سوا او موبايلي صايعين وصايعات

.......

........

من اسمع ابي اشحن بطاقتي .......احس ماتعجبني هالكلمه ابد

صارت بطاقة سوا عندي والشقه شي خاص للصايعين والصايعات

حتى اذا سافرنــا احب اسكن بفندق

إقتباس


	بنت ما عندها الا بنت عمها تعرفها << احد قايل الفيروسه والماسة او خل نقول مجموعة بنات في منتدى .. ×× فاتس صدى الامس نزل موضوع الحقي عليه لا يفوتس ضحك ووناسه وكل شئ !! << بتقولون وش تبي انت مصدق عمرك بقولكم هذا موضوعي وانا حر ×× لا يفوتس موضوع بالمجلس العام !! ×× فيه مضاربة في موضوع بالمجلس العام نبي الفزعة !! ×× وش صار على موضوعنا اللي بالتطوير قصدي اللي بالاستشاري << لا هذي واضح انها الفيروسه والماسة ×× تراني كاتبه موضوع ارفعيه نزل تحت ومحد رد !! ×× فاتس عرس نوير بنت جيراننا بتصل عليتس بعدين بقولتس كل السواليف الحين تعبانه وبنام !! << عاد ترد عليها وتقول تكفين لا تنسين شي ابي اعرف وش صار ووشلون لبسهم وعرسهم والطقاقة ومن رقص ومن ما رقص والعروس وشلون كان شكلها يعني بالتفصيل ابي برنت كامل عن كل شي !!

باجل الرد على هالفقرة لحين اخر

إقتباس


	×× لقد اوشكت على بلوغ حدك الائتماني !!

اكره مالي الي تقولي رصيدي خلص اف بس وشوله تحطون حد ائتماني اجل

إقتباس


	لا جد اتركوا عنكم الرسايل حتى لو كانت لقناة الزعيم << مندس

لاعادي وسع صدرك
حتى انا مايد هالشات الي بيفتح يا قناة مثل الناس او مو لازم ومنزلتن موضووع بخصوص هيك >>>>>>>مسويه ان رايها بينسمع

والسبب الاول والاخير في ذلــــــــــك غياب الرقيــــــــــــــــب من الاهل

يعني استغرب يشوفون عيالهم وبناتهم يرسلون هالخرابيط وساكتين لهم

من جد صايرة اخاف منك ودي اقراء ردي ثانيه اشوف تسان به اخطاء املائيه
مدري سامعه عنك انك مدرس املاء مدري مصحح

يعطيك العافيه موضووع زريف جداا مثل هالرسايل على قولة اختي وسعت صدورناا بهالموضووع >>>>تراها قاريتة ودعت لك بعد

احسنت الطرح باسلووب متميز وجذاب

اتمنى يعـود صدى مثل الي قبل >>>>> تراني ماعرف الي قبل زين بس اسمع به

الهنوووف

كانت

هنا

ورحلت