الموضوع:
◊۩¯−ـ‗رابطة عشاق برشلونة 2006/2007 {{ليس مجرد نادي}}‗ـ−¯۩◊
مشاهدة مشاركة بصفحة مستقلة
#
1410
29/08/2006, 01:11 AM
◦●☺هلالي☺●◦
زعيــم مميــز
تاريخ التسجيل: 20/05/2005
مشاركات: 1,592
ايييه ياريكارد هذي التشكيله والا فلى .. المباراه بصراحه جميله جداً
.. .. ..
التبريكات
* الف الف مبروك على الثلاث نقاط
* الف مبروك الضهور الاول لـ زامو في الليقا
* الف مبروك هدف قودونسون الرائع في اول ضهور له في الليقا
* الف مبروك عودة أدميلسون << والله اني فقدتك :sad: عوده حميده يادميلسون .
.. .. .. ..
نجوم المباراه
بصراحه فيه اكثر من لاعب أبدع اليوم .. بس أكيد ان ميسي هو الي يستاهل نجم المباراه
( في رأي الشخصي )
تحرك في جميع الاتجاهات يرجع للخلف يحتفظ بالكوره صح وهدفه الثاني يكفيه انه يكون الافضل لسبب واحد طريقة الهدف ما يسويها الا نجم كبير .
بس بأبدعات ميسي لا ينسينا مستوى ديكو اليوم .. حرث الملعب حرث مناولاته أغلبها صحيحه تمركزه صح يحتفظ بالكوره صح وعلى كل من أنتقده على الجائزه الاخيره ان يحاسب نفسه ويحكم بضميره ما يحكم بعاطفته ;) .
والاعب الاخير الي أصنفه ضمن نجوم المباراه اليوم هو أنيستا فعل مثل ما فعل ديكو حرث الملعب حرث وتفاهمه مع ديكو تفاهم غير طبيعي وأنطلاقته ومناولته للهدف الثاني ( خياليه ) لاعب في هالسن وينطلق هالطلقه ويسحب لاعبين ومن ثم يجمع ثلاث لاعبين عنده ويناول الكوره لميسي
( الشبه خالي من المدافعين بفضل الله ثم فضل أنيستا )
من جد مستوى خيالي من أنيستا ويكملها ميسي ويسجل هدف خيالي .
.. .. ..
زامو والعوده لأيطاليا
زامو على أول مباراه وبهالمستوى الرائع
( ياحظ البارسا فيك )
صدق انك ما شفناك هجومياً ومعذور لانها اول مباراه لك بس دفاعياً ممتاز وأكيد ومن الواضح انه راح يتأقلم بسرعه على اجواء الليقا وراح يبدع هجومياً ودفاعياً وحنا بأنتظارك ياجوكر أيطاليا ;) .
اما مسئله الأشاعه الي مالها مدري كم يوم وتقول انه ليس سعيد بالبارسا
( أسمحولي بضحك هههههههه
)
فرحته بالهدف الثالث رد على الأشاعه ما يحتاج تصريح تكذب فيه الخبر ;) .
حتى لو فرضنا انه صرح بهالشي فأنه معذور ما تأقلم لحد اللحين في فنيله البارسا أعظم نجوم الارض لبسوها .. على كم مباراه في شعار البارسا راح تنسيه اليوفي وأيطاليا اجمع .. وأسئلو جميع الاعبين الي لبسو شعار البارسا
.
.. .. ..
عوده أدميلسون
لاحظنا كيف امتلكنا الوسط في اول نزوله انا أصنفه من افضل من يلعب في خانة المحور في العالم ..عوده حميده يادميلسون .. وبعودتك ما فيه خوف أن شاء الله على أهم خانه في الفريق
.
.. .. ..
نقاط سريعه
* جيو يثبت أنه أفضل من سلفينهو
.
* تورام لازم يشارك أساسي المباراه الجايه علشان نعرف مستواه .
* فالديس الى الان يقدم مستويات رائعه مع كثرة الاهداف الي تدخل فيه << ليش ياوليد مو عاجبك فالديس
وش الي ناقصه .
* ريكارد
( شكله سمع أنتقاداتي وبدى يطبقها .. احم احم :p )
.. اشوى ما دخل جودي على حساب
( ديكو او أنيستا )
وتصير خطتنا 4 / 2 / 4
.
.. .. ..
قفله
راح نفقدكم يالبارسا الاسبوع القادم :sad:
◦●☺هلالي☺●◦
مشاهدة الملف الشخصي
البحث عن كافة المشاركات التي كتبت بواسطة ◦●☺هلالي☺●◦
