شباب المباراة اليوم يتحمل خساراتها ريكارد وبالرغم من انه مدرب كبير الا ان اليوم كان في اسوء حالاته الفنية.فمباراة مهمة نفس ذي كان يجب على ريكارد الدفع بكل من تورام وزمبروتا من بداية المباراة وليس على مقاعد الاحتياط.هذا اولا .!!!
ثانيا التبديلات:1- يعني ريكارد كان حاب يستعين بالاعب انيستا عشان ينشط الوسط فقتل الوسط تماما بإخرج زافي والي كان مفروض يتم ويطلع صاحب جائزة اسوأ لاعب في هذه المباراة (ديكو)بطء غير معقول ولا باص صح،ولا تسديدة في المباراة.
2- ماركيز:كان اليوم في عالم اخر وشكله كان يتفرج على الملعب الي كان يلعب فيه ويشوف اذا في تغيير طرأ عليه ولا لأ.اقول بس الله يسامح الي عطاك لقب القيصر.
3- حبيب قلبي بيلتي: والله مااقول الا يلعن ابو اليوم الي جيت فيه لبرشلونة ولللمرة الديشليون هذا الاعب فاااااااااااااااااااااااااااااااااااااااشل ومب مكانه في الفريق واذا لعب مباراة ولا اثنين بمستوى جيد ابشروا بموسم كلوا مصايب لاعب لايعرف كيف يرفع كورة معقوووووووووول
4- روني:قمة في الاستعراض وتضيع الفرص ولكن مااقول الا الله يعين لانه انت لاعب اذا مالعبت رجعت وعوضت في المباراة الي بعدها.
5- سلفينهو: ماادري اذا كنت انت الي تلعب ولا واحد توى مبتدئ عمره مالعب كورة.ولا كورة صح ولا باص صح ولا اندفاع صح ولا انت اليوم كان فيك شي صح.
6-قودينسن: يجب ان تعرف انك في محل لارسن وتحمل الرقم الذي لبسه وان تعرف حجم السؤلية الي عليك لانه لارسن لاعب لا يعوض ومانبي نظلمك لانه هذه ليس الا بداياتك مع الفريق لكن يجب ان ترتقي لمستوى الفريق
7- فالديس: اخطاء بسيطة تكلف الكثير وما اقول الا ياريت الخبر الي قاله المعلق اليوم في المباراة صحيح بصدد نية تعاقد برشلونة مع بوفون.
ثالثا اشاده بالاعبين المتميزيين(قليل جدا):
1-ميسي: والله انه المذيع شكله كان يشوف مباراة ثانية اذا ماشاف المجهود الذي قدمته وكأنك لاعب امام فريق كامل.شكرا لك يانجم المستقبل.
2-بيول:والله رغم ماتسوي انت افضل مدافع في العالم وكابتن الجميع ومعذور اذا خطأت لانه المعاك في الدفاع كانوا في رحلة استجمام ومب فاضيين للمباراة.
رابعا مااقول الا انه انشاء الله هذه كبوه وانشاء الله البارسا بيقدم مستوى يليق بأسمه في افتتاح الدوري ولكن يجب التعلم من هذه الخسارة وارجاع رووح الفريق الي هي سلاح برشلونة واقصاء ومعاقبة المتخذلين والبعد عن المجاملة
ومع التحية.......... |