الجزء الرابع

جلس خالد وحس ان امل مو على بعضها ..
خالد:.اموله شفيك ..؟؟
امل:سلامتك المهم ماقلت لي اخبارك
خالد: لاجديد المهم كيف بنات عمي ان شاء الله كل شئ اوكي
امل باابتسامه: الى الان تمام البنات متربيات صح صدقني منطقهم حلو واسلوبهم احلى
خالد:شلون
امل: مافيه عقل طاغي على عاطفه ولا العكس
خالد: تتوقعين ان رأيك صح على حد علمي اي مرأه عاطفتها متفوقه على عقلها
امل: .اوكي صح بس بمواقف معينه باانفعالات شخصيه تعكس عاطفتها مو بشكل عام واو رأي شخصي
خالد: اموول تستاهلين هديه
امل: هههههههههههه.....المهم تكون تسوى
خالد ويغمز لها: تسوى صدقيني
امل : نشوف
طلع خالد جواله واتصل وامل تراقبه حط سبيكر وينتظر يرد عليه
بمجرد مارد المتصل وقال : الووو حطت امل يدها على قلبها
خالد: اهلين ببو الشباب
سلطان: هلا والله .. هلا خالد كيفك؟
خالد:..الحمد لله بخير الله يسلمك .. انت بشرنى عن احوالك ؟
تنهد سلطان:.. تمام الحمد لله .. مابقى شي اصلا واجى .. بس انت تعالى ايش عندك داق مو من عوايدك؟؟
خالد وهو يشوف امل الى كانت تعابير وجهها مختلفه ومركزه على كل كلمه يقولها سلطان وكانها تنتظر منه شي ..
خالد..: ابد سلامتك .. قلنا بس نسال عنك مادمت ما تسال عنا
سلطان..: ههههه مو لهالدرجه ..انت عارف بالحال والمفروض تعذرنى
خالد:.. معذور يالغالى .. طيب ما ماقلت لى متى جاى
سلطان:..الى الحين العلم عند الله .. الرساله ما بقى لها شي.. يعنى قريب انشالله
خالد:.. الله يعين ..
سلطان:.. الا خالد صدق الى سمعته
خالد باستغراب:.. ايش؟؟
سلطان:.. قصه زواج صقر
خالد:.. هههههههه ايه صدق.. تصدق نسيت اقول لك
سلطان: وايش دعوه وانا اخر من يعلم ...و الا لانى بعيد عنكم نسيتونى
خالد: لا سلطان لا تقول كذا .. صدقنى كل شي صار سريع بسريع .. على طول ملك عليها واخذها ومالهم الا اسبوع
سلطان: الله يوفقه .. وايش عنده بعد هذا وهو يقول ما يبي يتزوج وبيظل طول عمره هو وسعود عزابيه
خالد وهو يضحك:.. شفت كيف
سلطان:.. الفال لك انشالله..
خالد:.. لا يا شيخ بالاول خل استقر بشغلى وارجع اشتغل جنب اهلى ... وبعدها يحلها الف حلال
سلطان:.. بالعكس خالد.. الحلو ان زوجتك تعينك بغربتك وتخفف عنك بعد اهلك
خالد رفع راسه يشوف امل الى كان وجهها كله دموع وتحاول تكتم عبراتها عشان ما يطلع صوتها ويسمعه سلطان ... على طول سكر خالد السبيكر ورفع الجوال لعند اذنه
خالد.. :ايه سلطان .. اوكى ما اطول عليك واخسرك اكثر من كذا
سلطان.:. زين سمعنا صوتك .. وبارك لصقر.. والا اقول انا بدق عليه وابارك له الله يسعده انشالله ..
خالد:.. امين.. يالله مع السلامه..
سلطان :.. الله يسلمك
وسكر منه .. وهو حاس بالذنب .. ماكان قصده يكدر و يضايق امل
خالد:.. يووه امل لا تصيحين .. الحين انا قلت بفرحك وبسمعك صوته .. وبالاخير تصيحين
امل وهى تحاول تمسك نفسها :.. ما تشوفه لاهو معبرنى حتى السؤال ما سال عنى .. ناسي انى زوجته
خالد.:. انتى تدرين انه مجروح .. وسلطان من هو صغير وهو معروف بيننا كرامته فوق كل شي
امل..: بس انا ندمت .. واعترفت بغلطتى ..
خالد وهو يبتسم بمساواه لها:.. ادرى والله .. وانشالله اول ما يرجع كل الامور بترجع مثل ماكانت او احسن
امل زاد صياحها:.. ماظن يا خالد ماظن ..الى الحين مرت ست سنوات وهو ولا هامه
خالد..: خلاص امووله .. انا ايش جانى وخلانى ادق عليه .. خل اروح احسن انت بس لا تضايقين
مسحت امل دموعها وقامت من مكانها.. مسكها خالد بايدها..
خالد:.. على وين؟؟
امل:.. بدخل
خالد.:. واذا شافوك الى داخل ايش بيقولون .. اكيد بيظنون انى انا السبب
امل بابتسامه تحمل كل الحزن الى تحسه:.. لا تخاف الكل يعرف انك مستحيل تزعلنى
خالد بندم:.. لا مو صحيح .. هذا انا الحين بدل ما ابسطك زعلتك كنت بكحلها وعميتها
امل: صدقنى خالد مو زعلانه ..
خالد: طيب خل اشوف ابتسامتك اول... لا لا مو هالابتسامه ابيها من قلب
امل : خالد هالقلب مجروح شلون تبيه يبتسم وهو ينزف
خالد: الله يلعن الساعه الى خلتنى ادق عليه
امل: لا خالد لا تقول كذا .. اصلا ما يجوز تلعن ...
خالد: تدرين ايش رايك اطلعك
امل ضحكت غصب عنها بسبب محاولات خالد عشان يراضيها ويطيب خاطرها
امل: الله يخليك لى ياولد اختى.. ما يحتاج انا بدخل الحين .. ها شوفنى مافينى شي
وابتسمت له ابتسامه عريضه حاولت باقصى ما عندها تخفى المها عنه

........

بالمطبخ كانت مزون ونجود فيه .. نجود جالسه بطاوله الطعام .. اما مزون فتحت الثلاجه لانها كانت جايعه واخذت لها تفاحه .. ورجعت تجلس قبال اختها
نجود:.. هذا خالد الى يشتغل بابها صح؟
مزون وهي تاكل .. هزت راسها ..اهمم
وعم السكون فى المطبخ .. لاحظت مزون شرود نجود ...
مزون:.. نجود..
نجود:..هاه..
مزون:.. ايش فيك .. ليش سرحانه؟؟
نجود بتفكير:.. مادرى .. انا بس حاسه انى
ورجعت تسرح مره ثانيه..ومزون تنتظرها
مزون وهى رافعه حاجب.:. نجووود.. حاسه انك ايش؟؟


انتبهت نجود.:. لا لا ولا شى ..
دخلت عليهم هلا وشافتهم
هلا:.. يووه ايش عندكم جالسين بالمطبخ
مزون:.. فشيله خالد توه جاي واكيد يبي يجلس معكم
هلا:.. طييييب... وايش دخلكم بجلوس خالد
مزون:.. ماراح ياخذ راحته بوجودنا
هلا.:. يوووه مزون ايش تقولين .. هيه تراك زوجة صقر يعنى وحده من اهل البيت..وثانى شي خالد اصلا طلع جالس بالحوش او الخيمه مادرى وين ...مع خالتى امل
مزون:.. اها.. على وين نجود؟؟
شافت نجود قايمه بتطلع من المطبخ
نجود من غير من تلتفت :.. على غرفتى.. قصدي غرفة هلا
التفت هلا لمزون وهى معقده حواجبها
هلا..: ايش فيها ..؟؟
مزون:.. مادرى والله
هلا :.. ليكون متضايقه منى او اكون سويت لها شي وانا مادري
مبزون وهى تبتسم..: لا ماسويتى لها شي.. بس هي من اول كانت متضايقه
هلا..: خل اروح وراها اشوف ايش فيها ..
مزون..: تسلمين هلا
هلا..: ايش دعوه مزون يالله سي يو
لحقت هلا نجود للغرفه .. وظلت مزون بمكانها والتفاحه لازالت بايدها وهي تفكر بحياتهم وحالهم الحين
............

بالصاله كانت ام صقر وصقر لازالوا جالسين فيها .. رجع خالد وامل من برا بعد ما مسحت امل اثار الصياح ورجعت طبيعيه..
امل باستغراب :.. وين الكل ؟؟
ام صقر:.. مادرى عنهم يمكن بغرفهم
صقر.. :ها خالد ايش عندك مع امل..
خالد..: هههههههه مو خابرك ملقوف يابو ناصر
صقر..: أي بو ناصر بعد.. ليه تبيه يطلع مثل الوالد
ام صقر..: عيب عليك يا صقر تراه ابوك ..
امل..: لا انت يا صقر بتكون بو سعود والا ناسي كلامك لسعود
خالد..: أي كلام؟؟
صقر..: أي صح والله بلشه .. ولا يهمه سعود نسمى عليه
خالد..: وانا وين رحت؟؟
صقر: مجنون انا اسميه خالد
ام صقر:.. انتو ايش فيكم .. تنتظرون اقل شي عشان تتناجرون .. ناصر سعود خالد كله واحد .. ربي يبلغنى واشوف عيالك ياصقر
امل:.. تصدقون عاد متى يمتلى البيت بالبزران .. عيالك ياصقر وعيال خالد وهلا
ام صقر وهى تشوف امل:.. وليه عيالهم هم .. انشالله عيالك انتى
امل وهى تخفى المها وتطلع لام صقر انه ولا هامها: أي عياله .. صح انا احب البزارين .. بس مو بزارينى .. مالى خلق لعوار الراس..
ام صقر: الله يهديك بس
.............

بغرفة هلا كانت نجود جالسه على السرير... المجله بايدها
دخلت عليها هلا ...
هلا: نجود
حطت نجود اصبعها على الصفحه الى وصلت لها بالمجله ورفعه راسها
نجود:.. نعم
قربت هلا من عند السرير وجلست على طرفه
هلا..: ايش فيك نجود
نجود:.. ايش فينى؟؟
هلا..: مادرى طلعتى من المطبخ فجاه.. وشكلك متضايقه
نجود:.. لا مافينى شي..
هلا وهى تشوف نجود بتفحص:..اكيييد
نجود:.. ايه بس زهقانه
هلا..: زين من جد خرعتينى..
نجود.:. ههههه شلون خرعتك
هلا..: مادرى خفت اكون ضايقتك او قلت لك شي زعلك
نجود ابتسمت لهلا..: لا يا هلا انتى ما ضايقتينى .. وجميل اهلك مغرقنى
هلا..: خير نجود انتى ايش تقولين .. هيييه ترانا اهل وعيال عم
نجود:.. تسلمين لى .. وانا لى غيركم الحين
لاحظت هلا ان نجود رجع لها الحزن .. مسكينه يا بنت عمى تيتمتى وانتى بعز شبابك .. ابوك تركم وامك وراه على طول .. لو انا مكانك مادري ايش اسوى .. صح ان ابوى وجوده وعدمه واحد.. بس امى .. مستحيييل اتخيل حياتى بدونها .. قامت من على السرير ...وطلعت وهى مو عارفه ايش تسوى لبنت عمها وصديقتها..
...................

قامت تسوى حلا تقضى فيه وقتها .. لها فتره بالمطبخ .. مو عارفه وين تروح .. ماتحب تجلس بغرفتها لان ريحه الدخان تكون فيها .. وهي ما تحبها .. اما الصاله اكيد خالد جالس مع اهله .. والى الحين ما بعد تتعود عليه وتقدر تجلس معه بغرفه وحده .. لازال بالنسبه لها رجل غريب مو اخو زوجها ولا ولد عمها ...
نجود: لا زلتى بالمطبخ؟؟؟
التفت عليها مزون وابتسمت: قاعده اسوى حلا التمر
نجود : الله يا مزون .. تصدقين من زمان عنه ..
وتغيرت نبره صوتها
نجود: من ايام الوالد الله يرحمه .. تذكرين مزون تقريبا كل مغربيه ابوى يطلبه .. وامى تحاول تنوع وتغير بس هو لا مصر.. حلا التمر يعنى حلى التمر
وختمت كلامها بابتسامه حزينه
مزون وهى تدخل الصنيه بالفرن: الله يرحمه ويرحمها..
نجود: تبين مساعده؟؟
مزون: لا خلاص ... سويت كل شي بانتظره ينتهى وادخله بالثلاجه..
نجود: حلو بجلس معك .. من زمان ما جلست معك
مزون: الا وينهى هلا..
نجود: الى عرفته ان خالهم سعود جا .. وطلعوا كلهم يجلسون بالخيمه
مزون: نجود..
نجود: هلا
مزون: مادرى حاسه انك مو على بعضك ..
سكتت نجود وهى حاسه بخنقه وضيقه مو عارفه لها سبب
بعد فتره نجود: مافينى شي
مزون: نجود قولي تكلمي ريحيني
نجود: مااعرف مزون المهم قولي لي انتي كيف صقر معك ..؟؟
مزون: شوفي نجود صقر يعاملني عادي جدا جدا يعني بشكل عام الحمد لله ..
نجود وبعد لحظة صمت: مو صقر الشخص الي كان ممكن يترجم الحلم لحقيقه
مزون تبتسم: نجود انا قلت لك يمكن قبل احلامي ماتت خلاص مابقى منها الا ذكرى بس
نجود: بكرا تمر سنين والله العالم نضحك او لا على هالأيام
مزون: نجود عندي احساس ان حياتك بتكون اجمل
نجود باابتسامه: يااارب
مزون: شرأيك بأمل
نجود: اتمنى اعرف سالفتها
مزون عاقده حواجبها: سالفتها اي سالفه
نجود: كلنا متوقعين انها مطلقه صح
مزون: هذا الي اعرفه من سنوات
نجود: لا ماتطلقت زل لسان هلا وقالت لي... وانا ما حبيت اسالها وهى مازادت شي وفسرت الى قالته
مزون: نجود مالك شغل بأحد
نجود: هههههههههه ادري المهم روحي شوفي زوجك وانا انتظر الحلا يخلص
مزون: ياشيخه اذا يبي شئ بيناديني
نجود وهى تغمز : قويه من عمرك لكن لي سنه ماشفت قوتك
مزون: عمري ماكنت قويه لكن البعض يشوف المنطق قوه
نجود بعد تفكير: مزون بسالك سؤال
مزون ردت عليها بالابتسامه واسعه: ومن متى تستاذنين قبل لا تسالين
نجود: هههههههههههه ... المهم اسال او لا
مزون: يالله نشوف
رجع الجد لوجه نجود: ايش يعني لك صقر؟؟
مزون باابتسامه: نجود صقر اذا جيت انام وشفته انام مرتاحه احس فيه انسان ممكن يحتوي حزني احتياجي حتى لو يكرهني هذا صقر ولد عمي
نجود: انتى ايش تقولين .. ايش يكرهك
مزون: مادرى والله .. الى الحين انا مادرى ايش اكون بالنسبه له
نجود: بس كلامك وانتى تقولين انك اذا شفتيه ترتاحين ..
قاطعتها مزون وهى عافسه وجهها : ماقلت كذا
نجود: يوووه مزون ايش فيك توك قايله ... احس ان فيه انسان يحتوى حزنى
مزون: ايي.. بس مو هذا قصدي.. الى الحين مابعد اترجم شعورى اتجاهه ..
نجود: تدرين اتمنى تكون حياتكم كلها حب يارب
مزون بتفكر: تتوقعين بقدر احبه والاصعب هل هو بيحبني
نجود: ليه لا .. كل الزواجات الى عندنا ما يكون اساسها حب قبل الزواج .. الحب يجي بعد الزواج والمعاشره بالمعروف
مزون وهى تضحك: اول مره اشوفك تتكلمين كذا
نجود ترد لها ابتسامتها: وايش رايك فينى وانا اتكلم مثلك بالمنطق
مزون: ههههههههه
نجود ولازالت الابتسامه : المهم لا تضيعين الموضوع
مزون: لا نجود الحب وهم هذي قناعتي لكن هو مسمى تعودنا عليه يعني لو اشوف بنت طيبه واسلوبها حلو بقول والله احبها هالبنت رغم ان المشاعر سطحيه لكن هي اعتياد
نجود: الله يعينه صقر ...امانه ماقد تناقشتي معه
مزون: ههههههههه لا ما بعد ليه
نجود وهى تضحك الله يعينه بس
قامت مزون عشان تطلع الحلا :ايه ماقلت لك صقر جاب رقمك هو فوق بجناحى .. ماباقي لك الا جهاز
نجود: ها الرقم مميز
مزون: ههههههه .. يا شيخه أي مميز .. زين طلعنا رقم حنا
نجود: الله دنيا .. صار رقم الجوال شي خطير بالنسبه لنا
مزون: نجود حنا احسن من غيرنا
نجود بعد ما تنهدت : ونعم بالله..تدرين مزون .. اول ما دخلت المطبخ كنت مرره متضايقه ..بس الحين لا مبسوووووطه
مزون: وليه؟؟
نجود: لانى سولفت معك .. من زماااان ما سولفنا .. من اول ما تزوجتى
مزون: ايه والله من زمان .. مع ان ما مر على زواجى الا اسبوع .. احس انه سنه
نجود: بس حالنا هنا كان احسن من حالنا بيت عمى
مزون: قصدك بيت الظالم
نجود: يووه مزون لا تقولين كذا ترى ما يجوز .. ولا تنسين انك متزوجه ولده الحين يعنى بكون زياده على عمك.. بيكون جد عيالك
مزون: تكفين غيرى هالسيره مالى خلقها..
نجود وهى تبتسم ببلاهه: متى تعطينى رقمى
مزون: اذا تبينه الحين اعطيك .. المشكله ماعندى لك جهاز
نجود: عادى نشتريه.. مو انتى اكيد بتروحين السوق عشان تجهزين للعزيمه الى مسويتها ام صقر لاهلها عشانك وعشان صقر
مزون وهى عاقده حواجبها: وانتى مو جايه
نجود: لا ما بي.. انتى تعرفينى ما احب السوق .. مره احس بالضيق فيه.. المهم لا رحتى جيبي لى جهاز
مزون: على ذوقى؟؟
نجود وهى تغمز لها: واثقه فيه
مزون: هههه ياحبي لك يا نجود
..................

بنااااااااااات بنااااااااااات عندى لكم Surprise
التفت بنتين لمصدر الصوت .. شافوا بنت قاصه شعرها مرره قصير بوى .. وموقفته على فوق بالجل سبايكى .. كانت جايه لهم وهى تضحك و تتمخطر في مشيتها .. بطريقه انوثيه مايعه ما تناسب جو الجامعه الى هى فيها ...
جمانه: هااااى غاده
غاده: هاااااى بنتوتات ..اشوفكم مطنشين المحاضره
دلال: يووه مالنا خلقها .. وانتى بعد توك جايه
غاده وهى تضحك: اييه قمت متاخر .. وعلى ما اعدل نفسى والبس اخذت لى ساعه
جمانه : ايش عندك تقولين مفاجاه
غاده: هههههههههههههههههههه ايه
جمانه: ايش هى
غاده: بالاول وين باقى الشله
دلال: الى بالكافتيريا والى مابعد تجى ..
غاده: اووه .. خلاص هم بعدين يعرفون
جمانه: طيب ماقلتى لنا ايش هى
غاده تبتسم بمكر: ههههه.. Guess
دلال: ليكون تركان نزل شريط جديد
غاده: لا ويييين
جمانه: طيب ايش قولى لنا come on…
غاده: هههههههه اوكى اوكى
ورفعت بلوزتها شوى
غاده وهى تراقب وجيه صديقاتها : هههههههه ايش رايك
دلال : cool جنننننننننن مرررررره حلووو
جمانه: واااااااااااااااو مين سواه
غاده بفخر: انا
جمانه : ما يالم
غاده : يعنى مو مرره
دلال: طيب كيف سويته
غاده: its too easy .... بس ماراح اقول لك الطريقه
وهى تضحك: هذي سر المهنه
جمانه: you're crazy ماتدرين انه يسبب ال Cancer.. غدو
غاده: so .. I don't care… ....
وكملت:المهم انه عاجبنى
دلال وهى لازالت تشوف الحلقه بسرة غاده: اوووووتش احس مرره يالم
غاده: هههههههههه ..
جمانه: لازم كل البنات يشوفونها
بالجهه المقابله كانت هلا واقفه مع نجود ومنال صديقتهم .. شافت هلا اختها غاده من بعيد ..
هلا : دقيقه بنات بروح اكلم وحده واجى ..
نجود: ميين؟
هلا ابتسمت وافهمت عليها نجود
نجود رفعت حاجبها: ايش عندك ؟
هلا: بقول لها شي..
وراحت لعند ماكانت غاده واقفه مع صديقاتها ...
منال وهى مستغربه: هلا تعرف هالبنات
نجود وهى تشوف هلا تقترب من البنات: ايه
منال: ايش عرفها فيهم .. شله مرره واطيه
استحوذ كلام منال على انتباه نجود
نجود: ليه تقولين كذا
منال: مو انا الى اقول الكل ... ما تشوفين طريقه لبسهم
نجود: لا منال حرام تحكمين على الناس عن طريق لبسهم
منال: مو بس لبسهم .. ولا حركاتهم المتامركه وتصرفاتهم المستهتره .. تدرين انى مره شفت وحده منهم بستار بوكس وكانت تدخن
نجود: خييير ... وين عايشين حنا
منال: ايه والله .. كنت حتى مع اخوى ...ويوم شافنى مستغربه قال لى على ايش استغرب في قهاوي كثيره البنات يعسلون يدخنون فيها
نجود وهى تشوف غاده وهلا وهى تكلمها: ماظن كلهم
منال: مادرى بس الطيور على اشكالها تقع
نجود: منال لا تسيئين الظن .. انا اعرف وحده منهم وما اظنها تسوى الى تقولين عنه
منال وهى عابسه: أي وحده منهم تعرفين؟؟ليكون الى تكلمها هلا .. تراهى هى رئيسه الشله .. واظن البلاوى كلها من تحت راسها
نجود تضايقت من كلام منال... مهما كان غاده بنت عمها .. صح انها ما عبرتهم يوم كانوا في بيتها .. بس نجود قلبها ابيض وما تحقد على احد .. ومستحيل تحمل غاده ذنب ابوها ..
نجود: خلاص منال .. مالنا دخل بالناس ...

اما هلا الى اول ما قربت التفت لها غاده .. واضح ان البنات نبهوها انها جايه ..
هلا: اهلين بنات
الكل: هلااا
هلا وهى تشوف غاده: كيفك غاده
غاده وهى رافعه حاجبها ما تدري ايش عند اختها تكلمها : fine
هلا : تمام .. اقول غاده تعالى ابيك بموضوع
غاده: خيير ..
هلا تبتسم: مو هنا
غاده: اووو هلا .. it's ok they're my friends
هلا: امس دقيت عليك ولا رديتى
غاده: ya I was sleep
هلا: كنت ابي اقول لك تجين
غاده باستغراب: اجي where??
هلا: امى مسويه عزيمه لصقر ومزون ...
قامت غاده تضحك بصوت عالى:هههههههههههههه
هلا بعصبيه: ماظنى قلت نكته
غاده وهى تضحك: sorry I'm really sorry .. r u serious??
وكملت بسخريه: انا تبينى اجى
انحرجت هلا كثير من كلام اختها ...
هلا: اتوقع كنت واضحه ..و ماظنى تكلمت لغه غريبه .. والا لازم اتكلم انجليزى عشان تفهمين
غاده ماعرفت ترد عليها
هلا: وللعلم تراه اخوك ... ومتزوج بنت عمك .. يعنى كلهم اهلك ....كنت اعتبر من واجبي اقولك تحضرين وتشاركينا فرحتنا.. بس شكلى كنت غلطانه ..
وراحت من غير ما تنتظر رد اختها ...غاده صارت بموقف محرج .. طول عمرها هي الى تقود شلتها .. ما يصير هلا تروح وتكون الكلمه الاخيره لها .. لازم ترد عليها ... وتسترد كرامتها الى اعتبرتها انجرحت ...
غاده: زين عرفتى انك غلطانه
طنشتها هلا ولا حتى التفت عليها او بينت انها سمعت كلامها ...
غاده وهي تكلم صديقاتها: هذا الى بقى انا اروح بيتهم
دلال: هى اختك غاده
جمانه: بس لحجيه مرره هى ونجود بنت عمها
غاده ولا كانها تتكلم عن اهلها: لا وبعد she wanna me to come
...........................

نزلت مزون بتطلع مع امل ولاكان موجود الا ام صقر وصقر ..

مزون: تأمرين شئ خالتي قبل مااروح
ام صقر: سلامتك .. على وين بتروحون؟؟
مزون: بنروح للسوق ابي اخذ لى فستان للعزيمه
امل: الا صحيح ام صقر الحين انا معزومه
ام صقر تبتسم: انتي راعية العزيمه
امل: لا مالي دخل .. ابي اكون من المعازيم
صقر: هههههههههه للحين ماتتحملين مسؤليه
امل وتناظره بطرف عينها: بتحملها خلاص كفايه عتب
صقر بصوت حاد: اموول تعالي
امل: نعم
صقر: تعالي اقول
راحت له امل وقفت قباله..
صقر: لاتزعلين مااقصد
امل تبتسم: مازعلت بشرط
صقر: هههههههه بدينا ...
امل بمكر: شرايك تودينا
صقر: تبينى ادخل معكم السوق !!
امل: اجل ايش
صقر: مجنون انا
مزون لى كانت طول الوقت ساكته .. قالت بامستغربه: ليه..؟
صقر ويلتفت لها وعينه تكون بعينها من اول ما نزلت من فوق: دخلت مره مع هلا....... زين اني ماذبحتها عند العالم..... مابقى الا تعد انوار السوق
مزون: ههههههه لا مو كل الناس كذا
صقر: اشك ......كل الي بسوق كانوا مثلها
امل: جرب .. حنا غير
صقر: بفكر بس مو اليوم .... عندى موعد مع سعود
امل: براحتك انت الخسران.. بيفوتك شوفتنا وحنا نشترى
صقر: ههههههههههه لا ماقدر انا على الاغراء
امل بضحك : بنخسرك
صقر: وانتى ايش دخلك ... قولى حرمتك بتخسرك
مزون انحرجت ايش يبي ذا .. اصلا مين قال انى باخذ منه فلوس.. هو صدق فتح لها حساب بالبنك واعطاها بطاقه .. بس هى عندها فلوس مهرها .. صح انها بعد منه بس تظل حقها .. وفلوس البنك ماراح تمد ايدها لهم لحد ما تصفى علاقتها مع صقر ...
امل: ههههههه .. طيب حرمتك ولا يهمك .. يامزون ما نبي نتاخر

صقر ومسك يد مزون قبل ماتطلع وبصوت واطي : ممكن تغطين عيونك
كلامه ذكرها باول مره شافها فيه بمحل عمها يوم صرخ بوجهها وطلب منها تغطى عيونها ..
شافته باستغراب
مزون: اغطيها هنا والا بالمحل او بالسياره او وين بالضبط
صقر: بكل مكان
مزونعقدت حواجبها :شلون اشتري
صقر: يعني ماتشوفين لو غطيتيهم
ما حبت مزون تتناقش معه قدام امه اومل
مزون: خير ان شاء الله
صقر..طيب فمان الله
طلعت مزون وظل طلب صقر ببالها خصوصا انه مو اول مره يطلب منها هالطلب
................................

نجود جالسه على الارض بالخيمه وهى توزع الاوراق و هلا قدامها...
نجود: ايش عندك اليوم مع غاده
هلا وهى تاخذ اوراق الاونو وتشوفهم
هلا: انا بلعب اول ...
نجود: طيب ..
هلا: كنت بقول لها عن العزيمه
نجود باستغراب: ليه ايش عندك
هلا: انتى تدرين يا نجود ان تصرفات غاده ما تعجبنى ..وودى اتقرب منها .. مابي اختى تكون بهالشكل .. بالاول ما كنت التقى فيها لانها كانت بمدرسه وانا بمدرسه .. بس الحين وحنا بنفس الجامعه لازم اكسبها
نجود: حلو .. طيب هي ايش قالت؟؟
هلا وهى تضحك: يعنى ايش بتكون قالت
نجود: خلاص يا هلا لا تحاولين .. تراهى ما تستاهل
هلا: اليوم بعد ما كلمتها عصبت عليها وقررت تكون اخر مره اكلمها .. بس ماقدر يانجود... هى اختى .. والله يشهد انى احبها .. صح انها ما ربت معنا .. وماهى اختى من امى وابوي.. بس الاسم الى تحمله انا احمله .. والدم الى فينى هو نفس دمها ... ماقدر اشوف هذا حالها واسكت
نجود: الله يهديها انشالله
هلا: امين... اونو
نجود: هييه ما يصير ... ماسرع خلصت اوراقك ... ليكون غشيتى
هلا: ههههههه لا والله .. يالله العبي
نجود بترجى: بسحب ورقتين
هلا: لااا نجود ما يصير هذا تحدى
نجود: طيب .. عندى تغير اللون ..بغيره بس اخاف عندك مثله
هلا: هههههههه .. العبي وانتى ساكته بس
وحطت نجود ورقتها ...
هلا: هههههههههههههه .. قسم بالله ماتوقعت انك بتحطين احمر .. اصلا ماعندى الا احمر ..
وحطت ورقتها الاخيره الفايزه
نجود: لااااا قهر ما يصير بسحبها ..
هلا وهى تقوم: خلاص فات الاوان
نجود: نلعب مره ثانيه طيب
هلا راحت لعند التلفزيون وفتحته: لا يا ماما خل نشوف التلفزيون احسن
نجود بعد تفكير: تدرين هلا احس اخونك بيحقدون على .. يعنى اكثر وقتنا يا بغرفتك او الخيمه .. احتلينا الخيمه احتلال
هلا: أي اخوان انتى بعد.. صقر من اول ما يحب يجي الخيمه .. وخالد مو كل ويك اند يجي
نجود: مادرى
هلا: واخيييييرا
نجود وهى تشوف التلفزيون: اييييش؟؟
هلا تبتسم: يعيدون اين قلبي
نجود: هههههههههههههههههههههاي .. قسم بالله انتى مو طبيعيه .. يمكن هذي عاشر مره تشوفينه
هلا: ايش اسوى عاجبنى
...........................

حاولت مزون تتجاهل طلب صقر بفترة تسوقها حتى تقدر تركز خصوصا ان يوم الاربعاء ام صقر عزمت كل اهلها حتى يتعرفون على زوجة ولدها يعني هالعزيمه لمزون ولازم تستعد لها ..
اشترت لها اكثر من قطعه بمساعدة امل وبعد ماانتهوا من التسوق وهم بالسياره سألت امل مزون سؤال فاجأها
امل : مزون لايكون زعلتي من طلب صقر ..؟؟
مزون : اي طلب ؟
امل:انك تغطين عيونك
مزون: ههههههه لا مايستاهل الموضوع زعل بس مستغربه صقر ماهو ملتزم .. غريبه يطلب هالطلب
امل: انتي ببداية حياتك مع صقر واشياء كثيرهماتعرفيها عنه... لكن صقر كذا مايحب النقاب يقول اكره شئ بحياتي اشوفكم بنقابات
مزون: طيب ليه
امل: مادرى والله
مزون وتحمست: انتي عادي تطلعين ماتغطين نقابك
امل: اممم انا ماتعودت اسوى شئ مو مقتنعه فيه لكذا احترم صقر اذا كنت معه واغطي نقابي
سكتت مزون واحترمت امل سكوتها وصلت مزون اما امل رجعت لبيتها...
وقبل لا تدخل البيت سمعت صوت البنات بالخيمه .. دخلت عليهم وجلست معهم .
نجود: ها مزون ماقلتي لي ايش اشتريتي من السوق؟
مزون: اشياء كثيره يعني كم قطعه ومكياج وعطورات وفستان للعزيمه ... ولا يهمك جبت لك جهاز
ومرت لها كيسه صغيره ...
نجود وتركت المجله: مشكوووووووووره يا قلبي من زمان محد جاب لى شي ..
هلا: طيب خل نشوف الفستان
مزون: طيب ..
وطلعت فستان ناعم مره ماهو فخم ولا بسيط .. يعنى يناسب حجم العزيمه ..
هلا: يجنن مزون... ذوقك مرره راقى
نجود وهى تشوف جوالها: مزون ليه جبتى لى الوردى ... وليه مافيه كاميرا
مزون: من جدك تتكلمين... اصلا الكاميرا ممنوعه بالاماكن العامه .. ايش تبين بهالاشياء والمشاكل الى يمكن تجيك من وراها ... والوردى ما لقيت غيره .. اذا مو عاجبك عادى ارجعه
نجود: ههههه.. لا امزح حلو ...اشوف الفستان طيب
هلا: يووه يبي لى فستان .. اقول نجود ايش رايك نروح السوق الحين
نجود: هلا انتى ايش تقولين .. دولابك مليان ملابس.. والفستان الى فصلتيه لزواج العنود ما لبسيته ومره حلو البسيه ...
هلا: لا وع اصلا مو عاجبنى
نجود: كيفك بالعكس مرره حلو
هلا: طيب انتى ايش بتلبسين
نجود: أي شي مو مهم
هلا: قسم بالله انتى غريبه مو بنت
نجود ومزون: هههههههههههههههههههههههه
......................

واقف قدام اللوحه بمرسمه .. يحط اللمسات الاخيره عليها ... وقف يتاملها وشريط الذكريات يرجع لورى ..اااه منك يا عبير .. انا ايش سويت لك عشان تستغلينى لهالدرجه ... سلمت لك قلبي واحاسيسي.. اعتبرتك دنيتى .. والهوى الى اتنفسه .. عشت معك حلم جميل .. حلم يضمنا انا وانتى .. كنت مغفل .. غبي ... مجنون .. لانى وثقت بوحده مثلك ... وحده ما تستاهل اى شي قدمته لها ...
قطع عليه افكاره طرق على الباب...
سعود وهو عاقد حواجبه متضايق من المقاطعه: تفضل
فتح الباب وبان راس امل بس
امل: ادخل
سعود تضايق ما يبي امل تقطع عليه الجو الى عايش فيه
سعود: ايش عندك
امل وهى تطلع ايدها وفيها جوال سعود
امل: لا ابد .. بس اختى قطعت الجوال وهى تدق عليك
تنهد سعود بياس : طيب ما رديتى عليها
امل: لا ما لحقت .. داقه عليك 3 مرات اكيد تبي شي ضرورى
راح لها سعود واخذ الجوال من ايدها
سعود: مشكور امووله
امل وهى طالعه: العفو
دق سعود على ام صقر وهو يفكر .. ايش تبي منه .. يعرف انها اكيد ما دقت الا تبي شي ضرورى
ام صقر: واخيرا احد رد
سعود: هلا والله .. الناس تسلم اول
ام صقر وهى شوى معصبه: تدرى انى خفت عليكم .. دقيت على صقر ولا عشر مرات وتليفون مغلق .. وانت ما ترد .. خفت يكون صاير فيكم شي
سعود: لا لا تخافين ما فينا شي... الجوال كان بعيد عنى
ام صقر: وصقر ليه ما رد
سعود: مادري والله .. ماهوب معى .. انا بالبيت
ام صقر: والحين شلون الاقيه
سعود عرف ان اخته اكيد تبي صقر بشي ضرورى
سعود: ليه ايش عندك؟؟
ام صقر : انت بالبيت؟؟
سعود: اييه
ام صقر: يعنى فاضى .. ياليت ياخوى اذا ما عليك كلافه تروح للجامعه .. هلا لها ساعه تبي تجى وماعندها احد .. السواق مادري ايش فيه حرارته مرتفعه وطايح بالفراش.. وصقر الله يعلم وينه فيه
سعود انحرج من اخته .. ما وده ابدا يطلع .. اصلا ما يقدر يطلع وهو بهالحال .. شلون يفهم اخته انه مشغول بالرسم .. اصلا ما يصير يقول لها .. بتعتبره يتهرب من طلبها .. وهو ما يقدر يرفض لها طلب.. هي اخته الكبيره ..ومكانت امه
سعود : تامرين اختى .. الحين اروح اخذهم
ام صقر: الله يخليك ما تقصر .. وياليت بعد تدق على صقر وتطمنى عليه ..
سعود بتنهيده: انشالله
ام صقر: فمان الله .. والله يوفقك
سعود: تسلمين لى يالغاليه
وسكر الجوال وهو متضايق مرره ... بس خلاص عطى اخته كلمه ما يقدر يتراجع فيها ...

.........................

هلا: يالله نجود بسرعه ... السياره برى
نجود: لقت امك احد يرجعنا البيت
هلا: ايه .. وينهى مزون ؟؟ ما بترجع معنا
نجود: لا عندها لاب لازم تحضره ...
هلا : بكيفها ... يالله لا نتاخر ...
وطلعوا ... كانت هناك سياره سوده تنتظرهم ... اول ما قربت نجود من عندها هى وهلا انجرحت كثير يوم تعرفت على شخصيه الى يسوق ...
هلا وهى تفتح الباب القدام وهى تبتسم: خالى سعووود ايش هالمفاجاه
سعود من غير نفس: اهلين هلا .. يالله ادخلى بسرعه
فتحت نجود الباب الى ورى ودخلت بكل هدوء من غير ما تتكلم ...احس سعود ان في احد جلس وراه وبحركه غير ارديه لف على ورى ... كانت نجود تعدل جلستها .. فطاحت عينها بعين سعود الى على طول كل واحد شالها ... انصدمت نجود من الحاله الى كان سعود فيها ... ماكان لابس شماغ ولا طاقيه .. وشعره ماهو مرتب .. بس اكثر شي صدمها عيونه .. لاحظت الم وحزن ساكنهم ... هالثوانى القليله الى التقت عيون سعود بنجود قالت لها كلام ممكن ينقال بساعات ... ياترى ايش سبب هالالم .. وليه حسيت ان في صله بينى وبينه
سعود انحرج من حركته .. ام صقر ما قالت له ان هلا بتكون معها وحده من بنات عمها.. اكيد هذي يا مزون او نجود .. لا وهو بكل قوه عين يلتفت عليها .. الحين البنت ايش بتفكر فينى .. لا وبعد جاى وانا مو مستعد .. شعرى كاش.. وثوبي عليه لطخت الوان .. انا على بالى بس هلا ...
هلا وهى تجلس مو حاسه بالصراعات الى بنفس خالها وبنت عمها
هلا: شكلك خالى توك طالع من مقبره
سعود: هيهيهي ضحكتينى ... يالله بسرعه اركبي وسكري الباب وراك
هلا: يووه طيب .. ليه معصب
سعود: مو معصب ...
فضلت هلا تسكت لانها حست ان خالها متضايق... ومزحها ماكان له داعى


يتبع


ايش سر زواج امل من سلطان ؟؟ وهل هي مطلقه مثل ما الكل يظن والا ايش؟؟
مزون وحياتها مع صقر .. كيف بتكون؟؟؟
غاده وهلا مختلفات بكل شي ويتشاركون بالاسم فقط ... هل ممكن تكسب هلا اختها ..وتغيرها والا العكس هو الى بيحصل؟؟
العزيمه .. بيصير فيها شي ؟؟ والا بتمر بشكل عادى ؟؟
نجود وحياتها في بيت عيال عمها .. هل ممكن تتقبلها؟؟؟
من هي عبير.. وايش تكون بالنسبه لسعود؟؟

تساؤلات كثيره .. يمكن نشوف اجاباتها بالجزء القادم .. والا الجزاء الى بعده..

اتمنى يعجبكم الجزء .. وسامحونى على التاخير ...واذا في اخطاء املائيه ..سورى كثير عليها

مثل ما قلت ماقدر احدد موعد للجزء الى بعده .. اكيد لنا لقاء قريب..بس بعلم الغيب هو