نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - مازال للأمل بقية (( اهــــــــداء للجميع ))

القاضي · #23 07/08/2006, 11:35 PM

عجيبٌ غريبٌ أمر هذا المنتدى.

أستميح أخانا الحبيب مطيع العذرَ في التطفل على موضوعه الرائع ، لكن هذه المرة لأضع عن كاهلي أمانة وضع تعليقٍ لأحد الأعضاء البارزين في هذا المنتدى نيابةً عنه .

هذا العضو الرائع كانت له صولةٌ و جولةٌ ثم قرر ترك المنتدى بشكل نهائيٍ. لا أشك أنكم ستعرفونه من اسلوبه عندما تطالعون الرد أدناه.

قرأتُ التعليق فعرفتُ لِم وقع اختيار هذا الشامخ على موضوع أخانا الحبيب مطيع ليرسم آخر لوحة له هنا.

أترككم معه .. فشكراً له .. و شكراً للحبيبنا مطيع .. و على دروب الخير و الود نلتقي ...

لكن مهلاً .. ماذا يقول الشاعر ...

أعللُ النفس بالآمال أرقبها * ما أضيق العيش لولا فُسحة الأمل

لولا فسحة الأمل ........

أخوكم ،

--------------------------------------------------------------------

احم احم
>>> منين طلعت هذي الجنية

مدري بس اكيد من صوب القبر؟
والله كلامك في الصميم يامطيع!
الا اقولكم قبل اسبوع واكثر شخبطت هناك ومن شهر واكثر وانا اشوّت كور شكثر..بعضها وانا اضحك وبعضها وانا مغمضة وبعضها وانا شاكه يبدو انها كلها بتصير اهداف

الا كورتين بس شتها وانا شاكه صدها الحارس ببراعه! ارجع واقول فديت احساسي نظرته بعيده جدا

لو حاول البعض تحطيمه

تذكرون مرة قلت عن عملية اغتيال لحضرة جنابي؟ مؤامرة؟ناس تحاصر! تصدقون بالله صارت..محد علمني والله بس كنت حاسه والحين تأكدت!

مطيع تسمح لي اتكلم؟ ممكن اقول اللي بخاطري؟ توني أتأكد من خرابيط كتبتها في السبيس! يبدو اني بحرق كل الشخابيط اللي هناك واخلي القصة بس!

مريت في تجربة قبل فترة وكانت قاسية جدا ولكنها مفيده جدا جدا جدا!! قاسية لاني بصراحه اول مرة اجربها في حياتي النتية وحسيت ان اهدافها وصخه وحسيت ان فيها تشويه و صارت في وقت غير مناسب جدا!

ما أبشع من الخيانة والغدر الا احساسك انك ضايع في الطوشة! ماتدري شالسالفة!!

اقسى وابشع لحظة هي اللحظة اللي تكون فيها ظالم ومظلوم في نفس الوقت..تقدر تقول انهار الصرح!! بس والله ياهو تحمل "اقسى الكلام" وشاف الظلم بعينه وآه من هذاك الثوب والله ماكنا نبيه!

اذكر اني كتبت قصتي مع 3 وحوش في مكان ما بعد السالفة على طول! ولكني أجلت كتابة الدروس المستفادة لاني ما فهمت شي من القصة .. كنت ابي اعرف الحقيقة وياهي ضيعتني .. ضعت ضعت ضعت من يوم السالفة وانا مابين معقول ومومعقول ، مصدقه ومكذبة، تكتب 3- 4 رسايل وما تختار الا وحده تولع السالفة وتقلبها ضدي:p..ماتدري انت تكلم منو بالضبط الجاني ولا المجني عليه!! والله ما استعدت توازني الا لما اعلنت مماتي هنا وتخرجت ! هي كذا الصدمة اذا عشتوها والله العظيم تضيعون خصوصا اذا كان فيها اكثر من شخصية ؟! اطل عليهم احس بحروب قايمة وصلتني شظيه منها في رسايلي الخاصة :p ياخي غصب اتعرف

غصب أحبكم

غصب اعطيكم فرصة!

غصب يلبسوني ثوب انا والله ما ابيه.. كانوا بيدخلون جهازي شوفوا البشاعه بس

امممم الوحش الاول فيه الرجا..الثاني مدري عنه..الثالث وما ادراك مالثالث خبيث وشيطان واطي وهو يدري ليش!! كنت منصدمة لانهم كانوا من صوب واحد من حلف بالله في يوم ما انه مو وحش !!

شنهي الدروس المستفادة؟

عرفت ان الطير ما يقدر يشيل الا نفسه وان حاول يساعد ضاااااااااااع! هذا أقسى درس تعلمته!

لا قالوا لي شنو الدرس اللي ودك تعلمينه بعض الناس؟

بعلمهم الفرق بين اللون الابيض والاسود في النوايا والقلوب والشعور! لي الابيض وباقي الناس يختارون واغلبهم بياخذ اسود بس بالطقاق ! جيت وانا كذا وبروح وانا كذا وبموت وانا كذا! نعم مازال للأمل بقية ولكن في عالم آخر! هنا خذينا اللي كفانا واكتفينا!

نصيحه لوجه الله:
لا تلعب وانت ماعندك لياقة نتية!! صج والله هذي غلطتي!! نسيت بعض السياسات اللي كنت اتبعها في النت وخلطت بين الثنتين وماخذه الامور سهالات وفي النهاية كليتها!! استاهل!

يله بروح ادفن نفسي:p ترى ما لمست شي!

بس حبيت اوجز شخابيط ايااااااااااااام مضت في رد!