((((((((((( الترجمة ))))))))))

العنوان (( الهلال في خطر ))

النص :

(( السلام عليكم ..
اولا : ودّي اني أعطي كلمة شكر لكل القائمين على هذا المنتدى اللي مااقدر اوصفه بأجمل من اسمه ( المنتدى الهلالي ) .. الله يعطيكم الف عافية على المجهود الطيب ..
وبعد أشكر كل الأعضاء اللي من غير مشاركاتهم الجيدة كان ماصار المنتدى هذا من أهم الاشياء اللي انا لازم اشيك عليها دائما ..

هذي اول مشاركه لي .. ولكن ان شاء الله لن تكون الأخيره اللي اطرحها هنا ..
ماادري اذا كان احد تكلم عنها قبل كذا ؟!!
لكن طرحتها من اجل ان ارى اراء الهلاليين كلهم ..

اكيد عارفين كلكم ان الهلال اقوى نادي في السعودية .. ومن اقوى الأندية في آسيا .. والبطولات تشهد على هذا ..

لكن ملاحظتي انه نادي كبييييييييير مثل الهلال ماعنده هجوم !!
يعني من بعد سامي الجابر مافيه لاعب هجوم طلع من الهلال يستحق كلمة ( لاعب هجوم ) الى الحين !!
يعني سامي طلع قبل اكثر من عشر سنوات .. تخيلوا ( عشر ) سنوات والهلال ماعنده مهاجم غير سامي ؟!!

بصراحه .. هذا شيء مره يحزن
كل اللاعبين اللي برزوا كلاعبين هجوم في الهلال ما كانوا في مستوى انهم يغطون الفراغ اللي في الهجوم !!!!!

ولاأحد يجيني ويقول .. طيب عبدالله الجمعان ؟!! لانه بصراحه مو لاعب !! كل همّه انه يشوت .. وتحقيقه لهداف البطوله العربية .. لان اهدافهه ما جت الا من فاول وبلنتي !! والدليل على كلامي .. انه لو كان الجمعان يقدر يقود الهجوم الهلالي كان شارك في جميع المباريات كلاعب اساسي !! وكان الهلال ماجاب اثنين محترفين في الهجوم .. وخلوا خانة الظهير الايسر اللي تحتاج الى لاعب محترف في الفترة هذي لهذه الخانة !!

كل اللي ودي اعرفه .. ليش نادي زي الهلال مايقدر يطلع لاعب هجوم ؟!! لاعب واحد بس .. ماقلنا اثنين والا ثلاثه !! وهذا المفروض .
اصلا ماأظن انه من يوم تأسس نادي الهلال .. ومن يوم انا عرفت الهلال انه ماقد مرّت على الهلال فترة أكثر من عشر سنوات من دون ما يكون في الهجوم الهلالي الا لاعب واحد !! يستاهل انه ينقال عنه ان ( لاعب هجوم ) غير سامي الجابر .. وكلكم عارفين ان سامي ترك الهلال واحترف في انجلترا
وحتى لو انه رجع !! ماراح يطوّل ..

فلازم نادي الهلال يلقى له حل في الهجوم قبل ما تكمّل العشرين سنة على آخر لاعب هجوم برز من الهلال !!!!

ارجو من الجميع إبداء رأيهم في المشكلة هذي ...

وشكرا .. ))

-------------------------

هل هلالك يا بلاد