إقتباس الرسالة الأصلية كتبت بواسطة احمد التويجري شباب اعضاء الرابطه و خصوصا the first باعتباره انه عمده رابطتنا نبغى نرسل رساله لمشرفين منتدى الرياضة العربية و العالمية بتغير اول صفحه في المنتدى بحيث يكون عن بطولات و انجازات اليوفي و نبذه عن النادي اضافه لشعار رابطه اليوفي (في الورشه نستنى انه يخلص ) و اذا تبون نحط قوانين مب مشكله المهم اذا انتم موافقين ولا لأ و عطوني رايكم

والله أنك فاهمني يا أحمد قسم بالله أني أدور أحد يوافقني لكني متعيجز خخخخخخ ...

نبي نحط شروط لكن لازم الكل يوافق يعني مافيه أحد صوته أقوى من الثاني كلنا أخوان وأسره وحده ::/

أنا عندي شروط بس ما أعتمدت لين الحين وأنا بحطها وأنتوا ورايكم اللي تشوفونه حلو سووه والله أنا معاكم في الحلوه والمره أن يوفاوي وكلي فداء لليوفي ...

::

1/ التواقيع ممنوعه ...

2/ أحترام الضيوف <<< هذا أهم شي بعدالتواقيع (كلكم محترمين مايحتاج نوصي ماشاء الله عليكم بس عن قولة)

العضو اللي يجي من أي رابطة سواءاً ميلاني أو أنتراوي أو أيً كان لابد من أحترامه والتحلي بالأخلاق الكريمه ...

3/ تنظيم المواضيع وقبل تنزيل الخبر نتمنى من العضو يشوف هل الخبر اللي بينزله موجود أو لا ؟ ...

4/ التعليق عالمواضيع نبي نشوف تعاون بين الجميع يعني العضو بتعب ويترجم ويصحح وفي الأخير مايلقى اللي بحث

من أجله ومانبي مشكور ويعطيك العافية ومن هالكلام اللي شبعنا منه ، نبي تعليق عالموضوع (بأحترام) بعدين الشكر لصاحب الموضوع ...

5/ شــــرط مــهــم وضروري : عــدم النـقــل لو سمحتوا شباب أنا أشوف أن الكثير في الرابطة ينقلون من موقع اليوفي مينيا وش الفايده ؟؟

ماشاء الله عليكم جايبين لنا موقع اليوفي مينيا كله هنا وش الفايده ؟؟ حنا نبي تفاعل نبي الرابطة تكون مميزه يعني

كل واحد يترجم وترا الترجمه والله سهله يبي لها تركيز شوي وخلاص ومو شرط تجيب الخبر كله لازم بالحرف لواحد لا أهم شي جب لنا زبدة الخبر والمصدر بس ....

يعني تخليوا معاي لو ترجم كل واحد خبرين في اليوم الواحد (افتراض) ونظمها بأسلوبه كيف بتكون الرابطه ؟؟ والله العظيم راح تكون روعه وبتكون من أفضل الروابط ...

6/ هذا ماهو شرط بس أمنيه مني بصراااحه : أتمنى من كل عضو يشاركنا وينزل كل يوم خبر واحد عالأقل يعني مانبي

واحد بس يجيب كل المواضيع لا ، أتمنى يكون كل واحد يشارك بقدر المستطاع يترجم خبر عالأقل ومايحتاج تجيب الخبر بالحرف الواحد جب زبدة الخبر ..

وأتمنى يكون لنا توقيع مؤحد يبين مايعيش به اليوفي حالياً (أقصد توقيع يعني تصميم) ... <<< داري أنها صعبه لكن أتمنى ذلك ...

صح أني ما أمون عليكم ولاني رئيس الرابطة لكن هذي الشروط والأمنيات اللي عندي وأنتوا خذوا اللي تبون ...

القرار بيدكم !

أنا حاضر باللي تبونه أنا تعبي لليوفي بصراحه يسعدني كثيراً ... لأن تعب اليوفي راحه ...

تحياتي !!