الموضوع:
تعارف بين اعضاء المنتدى ,,
مشاهدة مشاركة بصفحة مستقلة
#
8
29/07/2006, 07:01 AM
عريب عبدالله
إشراقة المجلس العام
تاريخ التسجيل: 13/10/2004
المكان: الرياض
مشاركات: 3,979
سوسو أنتي عسل
تعجبيني كثير
نجي نتعرف علي معكم
أنا عريب أحب النووم
كسوله لأبعد الحدود وشايله يدي من كل شي وما اتحمل مسؤليه
بارده غبيه دايم نكبه وما علي من شي فاهيه تركيزي صفر دايم افشل اهلي بغبائي
يعني ماطلع لحالي لازم معي وحده من خواتي ترقع علي لأني دايم أخور
ترتيبي السادسه من اخواني والخامسه من خواتي وفيه اثنين قلق أصغر مني
أقول قلق لأني مسيطره على الوضع ست سنوات الى وقت تشريفهم بعدين صار ترتيبي غير مهم
الحين أنا الكبيره بس ما احد معطيني وجه وأنا خاله وعمه وايضاً غير معترف فيني
أحب أقراء كثير وادرس في الكليه بس ماعندي سالفه لأني ما احب الدراسه
ما احب الإلتزام بقوانين معينه واحس الدراسه تقييد مافيه دراسه عقب العشا
طبعاً ما احب الطبخ ولا المطبخ ولا شغل البيت يعني أكل ومرعى
بيتنا كل شخص ونظامه يعني أمي وابوي يقومون بدري وينومون بدري
أنا نايمه اربعه وعشرين ساعه عماد الشيء نفسه حمودي لين الحين فيد أمي ما خربناه
طبعاً هو مدلع شوي الا كثير ما خذاها الا حمودي وعصام وعزيزه
أما أنا ياعمري يا أنا مااحد دلعني
على قولة عهود مدلعه عمرتس;)
وإن كان ما اظلم أمي وابوي يعاملونا مثل بعض ومعطيني وجه بزياده
يعني أحياناً يرحموني لأني دايم جالسه مع نفسي على قولتهم ماتملين
صح أحياناً أمل مني بس يالله مالنا الا بعض أنا وأنا لو ماتحملتني من بيتحملني
الله لايحرمني مني ويخليني لي
آآآمين
طبعاً ما اجلس مع خواتي هم دايم مع بعض وسوالفهم كئيبه وممله ودايم يتريقون علي
ما يبقى موقف غبي الا ويذكروني فيه وكأن مافيه أحد غبي غيري
حياتي مافيها شي كثير يا نايمه يانايمه وإذا مليت نمت عشان اكسر الروتين
حكمتي في الحياة <<<كل مايعجبك والبس مايعجبك ولاتسمع كلام الناس
بالحب والإشراق
عريب عبدالله
مشاهدة الملف الشخصي
مشاهدة الموقع المفضل لـ عريب عبدالله
البحث عن كافة المشاركات التي كتبت بواسطة عريب عبدالله