تعارف بين اعضاء المنتدى ,,
بسم الله الرحمن الرحيم ,, بما أننا هنا اعضاء لهذه الشبكة العزيزة , ونحن اخوان في الحقيقة .. قلت خلونا نتعرف على بعض اكثر , ميولنا و نشأتنا ووضعنا في البيت و المجتمع و حالتنا الاجتماعيه ومغامراتنا و هوايتنا ووو الخ .......  يعني زي ما انا بسوي اللحين .. (( ببدأ في نفسي )) ******** اختكم بالله فيلسوفة او اسمها الحقيقي ( سارة ) >>>عادي ما فيها شيء .. ما صارت جريمه ..  طبعاً ادرس في واحدة من مراحل الدراسة وبالتحديد ( الثانوية ) >>> يا ويلهم منها لو انصدموا ... انا الثالثة من اخواني , وفوقي بنت وولد ... اختي الكبيره تحبني الا تعشقني بجنوووون ومشكلتي اني مطنشتها ..خخخخخـ بس اخوي الكبير نقره بنقري الله يستر منه بس , أنا ما تعلمت المهاوشات وطوالة اللسان الا منه (( الله يسامحه)) خخخخـ بس انه حبوووب وقلبه طيب .. ;) وفي اربعة اصغر مني ثلاثة اولاد و بنت .. ويا انا متسلطة عليهم تسلللللط ماصار ولا حصل خخخخـ صراحة احنا الثلاثة الكبار مهددين الامن القومي في البيت خخخخـ مطلعين قروونهم .. مسووين شلة لا يعلى عليها في المهاوشات و المضاربات والمطارحات , وابشروووا في الافلام الاميركية بالبيت خخخـ كل يوم والثاني مسووين مواااااااال و مسوين خناقه على اتفه سبب .. وللأسف اني حاولت اصلاح المجتمع اللي في البيت ولكني فشلت والسبب اني (( رأس الافعى )) خخخخخخخـ يقالي بسوي خييير اللحين , عاد قالت لي امي ( انتي فكينا من شرك اول ) هع هع هع هع لكن بيتنا صراحة تقدرون تسمونه بيت نظااااامي , يعني لا يغركم الكلام اللي قلته >>> ترى نصه نصب في نصب ..  خخخخخـ يعني احنا نصحى الصباح بدري حتى في ايام الاجازات , وننام بدري يعني ما تجي الساعة 1 بالليل الا البيت نااااااااايم في سابع نووومه ..  وذاك الوقت اجيكم انا عاد اسرح وامرح في البيت على كيفي بالطول والعرض خخخخـ وامسك الريموت واقلب بالقنوات ,و لا افتح النت واشتغل وبيني وبينكم ادخل المطبخ وآآآآآآآكل .. هههههه بس للأسف الشديد القوانين الصارمة في البيت تمنعنا من بعض الاشياء .. مثلا اهلي يحددون وقت للقعده على النت , ووقت للطلعة برا البيت ووقت للنوم ووقت للتيلفزيون ووقت للعب ووقت للدراسه و قت لمدري ايش و و و و .......  يعني تحسون بيتنا يمشي بالدقايق والثواني , اما ساعة بيق بين حقت بيتنا فضيييييعة صراحة , عاد يا ليتها مثل بيغ بين الاصليه ( يعني مثلا كل ما جت الساعة 12 تدق ) ,, بس ساعتنا اللي في البيت لاااا ( كل ساعة تدق ) وآآآخ بس من وجع الراس منها .. :sad: أنا عن نفسي احب القرأه كثيييير ( الروايات , الكتب التاريخيه , الجغرافيه , الرياضيه , العلميه , السياسيه ) هههه ما خليت شيء ... ;) احب الكتابه الادبية ( قصص , خواطر , شعر , نثر , خطابات , رسائل ) وعندي هواية جمع ظروف الرسايل , بس مو الظروف العاديه ,, ننننو انا احب اني اجمع الظروف اللي يكون فيها صورة بنت او ولد او صورة طبيعيه ( اظنكم فهمتوا وش اقصد ) .. احب ركوب الخيل , والسباحه , احب اسوي مقالب في خلق الله ... خخخـ  احب اروح السوق ولكننننن ( من دووون فلوس ) خخخخخـ عاد شلون جت هالهواية مدررررررري .. احب اتفلسف على الناس خخخـ ( هذي الصراحه ) احب احل مشاكل خلق الله ( هذي الحقيقه ) >>> خلها تحل مشاكلها اول ..  وتبوون الصراحه ( احب اهبل بالعياااااال ) يعني احب اجننهم و اهبل فيهم , واخليهم ما يعرفون رأسهم من بنكرياسهم .. خخخخخخـ  احب الاناقه و الموووضة , والمكيااااااج >>> ما عليكم منها لا اناقه ولا موضع ولا مكياج كله تخبيييييص ... خخخخخـ احب الدرااااااااااسه , بالحييييل ... >>> يقالها دافووورة اللحين ..  واحب الصراحه , يعني اكره المجاملات او اللف والدوران .. احب الصدق , والمشاعر الصادقه , والاحاسيس المرهفه .. وانا اتمنى .. رجل قوي , ولكن له مشاعر جايشة , واحاسيس رائعه ونبيله تجاه من يحب .. اتمنى الرجل الجاد , الواقعي .. اتمنى الرجل الكريم وخصوصاً ( الذي يعطي اكثر مما يآخذ ) احب الرجل ( قليل الكلام ) يعني ( الهاديء والمرتاح ) ,,, يعني ما وراه شيء مو مثل رجالنا مالت عليهم تشوفينه يتكلم تقل وراه كلب يلاحقه ..خخخخخـ >>> امزح تراااااااا;) احب المرأه العمليه , ذات الروح المرحه و البسيطه .. احب المرأه ذات منصب وجمال ولكننن ( متواضعه ) ... احب المرأه المحافظة على ابناءها .. احب الرجال ( اصحاب المواقف الصعبه ) .. ( هكذا انا سارة فتاة في ريعان الشباب , قلت ما احب , وما اتمنى , ) والآن ها انا اترك لكم المجال لنتعرف سوياً على بعضنا بعضاً .. . . . . تحياتي القلبيه للجميع ,, |
