السلام عليكم

كيفكم يا بنو ميلان ؟

اولاد مدريد مو راضيين يعقلوا .. وش هالحل معاهم ؟! بالطيب بالغصب نبي كاكا << ياخوفتي بس يجمعوا لهم شله ويخطفوه من البرازيل
هوه خليه يجي ايطاليا وبعدها بطمئن عليه .. لأن جاتوسو بيكون موجود وحزتها في ام احد خير يتجرأ يخطفه
كبير يا كاكا الكل يبيك ويا حظنا بك
على فكرة جريدة الـ as اللي تروج لأخبار توقيع كاكا للريال وش فيهم هالأيام داجين بقوة ؟
من زود المرض اللي مسببه لهم كاكا شوفوا وش مسويين :

مسويين التشكيلة المتوقعه للريال بداية الموسم والمشكلة مو انهم حاطين كاكا وبس .. المشكلة انهم حاطين 12 لاعب << وش سويت فيهم يا كاكا ؟! طيرت عقولهم


اما اموروزو هذا وش يبي جاي إلى ميلانيللو << اكيد تدروا اني ما اقصد تركي ;)
ماودهم الريال يخطفوه ؟ << ترى ما اقصد تركي اقصد اموروزو << عقدتكم صح
مانا مقتنع فيه ابد والمشكلة انه الظاهر بينشب لنا في كل مباراه لأن الهجوم الموجود الآن ( جيلا - انزاغي - اموروزو ) فيعني توقعوا انكم تشوفوا اموروزو في كل المباريات << جهزوا حبوب الضغط والسكر ووووو




شباب من شاهد فيكم مباراه اعتزال الأستاذ بيركامب ؟
من شاف لاعبي الميلان السابقين ( فان باست - ريكارد )
والله كانوا قمه في الأداء واللياقه ممتازة جدا مقارنة بأعمارهم
فان باستن .. وش أقول وش اخلي فيك يا قمر .. كعوب وترقيص وإبداع
ريكارد .. مازلت النجم اللامع اللي نعرفه
ولو تلاحظوا حتى ستام كبير في العمر لكن اللي يشوفه لياقته ومستواه في الملعب يقول هذا ابن العشرين

مركز ميلانيللو للتدريب ما أخد المركز الأول في تأهيل اللاعبين عبث .. فعلا مافي احسن من لياقه لاعبي ميلان على مر العصور فشكراً يا مدربي مركز ميلانيللو للتأهيل والتدريب اللياقي لأنكم جنود مجهوله خلف صرح ميلان العظيم

وشواهدنا كثيرة .. وأقرب مثال لياقه باستن وريكارد في مباراه الإعتزال
وكذلك ستام
ولاعب مثل مالديني كبير في العمر لكنه كالنحله في الملعب عندما يشارك
و كوستكورتا وكافو والبيبو
وفي السابق كان هناك باريزي الذي اعتزل في عمر متأخر ولكنه كان في مستوى كبير ورائع جداً
وغيره وغيره من الشواهد
فشكراً يا مركز ميلانيللو



دمــوع .. وسام