السلام عليكم

بدايه .. الله يعطيك الف عافيه يالسمي على هالموضوع المميز .. شغل مرتب .. تعليقات حلوة .. صور نظيفه .. الا وش الكاميرا حقتك ماشاء الله تصوير جميل .. اثرك مصوراتي على مستوى

إقتباس اقتراح من واحد من الشباب بـزياره ملـعب أولدترافورد .. وبأقتراح من الغالي hilalemooot بـ تحويل الزياره لـ شبكة الزعيـم .. كـانت بدايه هذا الموضوع

يا حليلك .. اجل تروح الاولدترافورد وماتبي تنزل موضوع .. معليش يبو حميد

إقتباس الموضوع متعوب عليه مابين الصور و تصغير أحجامها علشان يكون الموضوع متناسق والكتابه عليها لا يسرق الموضوع زي متحف زيدان وموضوع راكان وأشكر اخوي هلالي موت كثيير أوي أوي على مساعدته لي في رفع الصور

لا تظلمني يبو حميد .. انا والله ما سويت شيء

إقتباس الصـور الأصل كلها موجوده عندي وزيادهـ .. بدون شعارات وبحجمها الطبيعي .. اللي تعجبه صوره ويبغاها ينسخها ويرسل خاص ويبشر بعزهـ .. لكن الشعارات والحجم زي ماقلت منع لـسرقه الموضوع و تصغير الحجم علشان يسهل تحميل الصور ويكون الموضوع متناسق

و الموضوع ميه لميه ماشاء الله عليك صور مرتبه و واضحه وتعلقيات ولا أروع

إقتباس أول ماطلعنا من محطه الترين .. بشكل طبيعي ركبنا التاكسي وقلنا أولد ترافورد .. الشيخ ماتحرك ويناظر من المرايه نظرات استغراب او تعجب .. قمت اناظر يمين يسار لا نصير ركبنا مع مدني من الحماس .. لا والله تاكسي وش السالفه .. كررنا الكلام .. قال بس انا مقدر اروح لمنطقه ترافورد عامه .. كيف اروح للأولد ترافورد .. قلنا واي ؟ .. طلع الاخ من مشجعين مانشستر سيتي .. بس مع الكاش كل شي يمشي لو اقول له خش في ارض الملعب ماقال لأ ..

مالت عليه هو و فريقه اجل ما يبي يوديكم وشاف الحمرا و وافق ..

إقتباس طبـعا لازم يكون عندك حجز قبل الذهاب للملعب .. الزياره تنقسم لـقسمين .. فيه زياره المتحف بـس وهذي بـ 5 جنيه أسترليني " باوند " .. وفيـه زيـارهـ المتحف وجوله على الملعب وهذي بـ 10 جنـيه أسترليني " باوند "

آآآآهـ يا الإستثمار :sad: متى نشوف أنديتنا كذا :sad:

إقتباس هذا الأستثمار الله يخلف على جوال الهلال

يا رجال زين اللي طلع شي :sad: للأسف الافكار موجوده لكن التمويل + التنفيذ معدوم .. ما المانع ان نستفيد من المنشآت .. لكن برضو ما ننسى مواقع أنديتنا بـ قلايع وادرين

إقتباس مقاعد الأنتظار وصور لاعبيـن كثر التراب .. ماخذين مقلب بأعمارهم << بيقهر الأخضر

<<< أبد ما بغى يفك التثبيت

إقتباس هذي شعارات النادي منذ تأسيسه على ما اعتقد حتى يومـنا هذا .. كلها حلوه ماشاء الله : )

كل شي تغيّر عدا كره الطائره تصدق انها قاهرتني الكوره اللي بالاطراف

إقتباس هذي طريقه حلووه .. كل كابتن للنادي تـؤخذ منه أول فنيله لأول مبارات كان فيها الكابتن الرسمي للنادي ويوقع عليها هو وبعض المسؤولين في النادي واحيانا بعض اللاعبين .. ومعها أنجازات اللاعب وميدالياته و الدروع اللي حصل عليها ... الخ .. يعني زي مايقولون متحف مصغر عن الكابتن .. عاد يقول انه اول كانت الزاويه هذي لـ روي كين

يا عيني يا عيني ناس تفكر صح .. الله يخلف علينا :sad: ..

بس مالك داعي ذكرتنا بـ كين .. و يوم تذكرت انه ينتظرنا فليتشر ضاق صدري :sad:

إقتباس هذي آخر بطوله دوري للمان يونايتد .. وعازلينها لحالها حتى يجي الكاسـ الجديد وتتحول لـ المتحف العام وتحل مكانها الجديدهـ حسب كلام الشايب .. وان شاء الله تتحول للمتحف العام الموسم القادم

والله ما ظنتي على اللي نشوف :sad:



ألا ليت الشباب يعودُ يوماً :sad: .. الله يصلحه هالشايب .. بس يضلّ هالإنجاز إنجاز تاريخي لم يحققه سوى اليونايتد الجمع بين البطولات الثلاث الكُبرى إنجاز مستحيل حتى الآن ;)

إقتباس وهنا شاشات في كل مكان في النادي تعرض ملخصات للمباريات المهمه والمباريات الحاسمه وعلى وقتي لقيت مبارات اليوفي وراين غيغز يسجل الهدف

ايه من كثر ما تحبّ اليوفي

أما ذيك المباراه .. حكايتها حكايه .. من 2/0 لـ 3/2 .. وبأرض اليوفي .. الله يذكر ذاك العام بخير :sad: من جد عااام إستثنائي على اليونايتد

إقتباس هذا متحف خـاص بالثلاثيه الشهيره .. صراحه شي يجنن .. طبعا المتحف المصغر يحتوي على الكؤوس الثلاثه .. وميداليه لكل كأس .. وبعض الأوراق الخـاصه بالمباريات كـ ذكرى

خلنا من الدروع .. القاروره اللي جنب المتحق المصغّر وشّي

<<<< يبي يجيب فيك العيد

إقتباس واللي فوق نافذه مبارات اليوفنتوس

ياخي وش فيك على اليوفي

إقتباس لعبه مجنوووونه جربها كل لاعبين المان طبعا وممكن تجربها انت .. تآخذ كوره وتشوتها بقووه وفيه جهاز خلف المرمى يقيس سرعه الكوره بالميل طبعا ً .. واذا فزت يسجلون أسمك في لوحه صغيره مسجل فيها النتائج .. الأقوى طبعا واين روني و كرستيانو رونالدو بـ سرعه 77 ميل

والله من الهبال بـ روني

إقتباس تخيلوا يا ناس ان الكبينه اللي فوق هذي بـ 65 الف جنيه استرليني " باوند " للموسم الواحد .. وعليها ويتينغ ليست لـ أكثر من 15 سنه قادمه

الله يالدنيا .. حنا فيه ناس مستخسرين 15 ريال علشان الهلال

على فكره .. الاسعار ما كانت بهالشكل .. لكن الامريكي جلايزر رفع الأسعار حسبي الله عليه :sad: .. ومع ذلك زي ما شفنا يدفعون الآلوف من أجل معشوقهم .. وين حنا وين هم :sad:

إقتباس الأصلاحات تمت تقريبا ً .. وتمت اضافه 4 الآف مقعد بالزاويه هذي .. ونفس العدد بالزاويه الأخرى ليصبح الملعب يسع لـ 67 الف متفرج .. ماوسعوه علشان يحرقون دم حقين طياران الأمارت أبد ترى

ههههههههههههههههههههههه

بس اظن المقاعد زادت للـ 72 ألف متفرج .. لأنها قبل التوسعه كانت تسع لـ 68 ألف متفرج

إقتباس والدولاب يحتوي على كـل انواع المشروبات من المويه للمويه المعدنيه .. لأن الشراب ممنوع قبل المبارات بيومين وأي لاعب يسويها ويشرب قبل المبارات بيوم أو يوم ونص يلعن خيره فرغسون

شوف .. عندك فيرديناند ما ظنتي يبلش .. ولا أطلق فيرغسون يحط راسه براسه ريــو

إقتباس الهيتر اللي تحت كراسي البدلاء لدكه المان يونايتد .. ويقولون انه صحفي قال ان مانشستر حاطين مدفئه تحت مقاعد بدلاء فريقهم عكس المقاعد الأخرى .. ولكن كله كلام فاضي والمقاعد الأخرى فيها نفس الشي

تعجبني يا مصدرنا الموثوق .. شف التطور بس .. الواحد قاعد و يلقى هالبرادات تحته ابوك يالتطور .. ونرجع ونقول .. يا حسره عليناااااا

إقتباس عاد خوينا يقول انو هنا فيه تلفزيون وغرفه الفريق المنافس فيها كاميرا .. بعدين قمط وقال تصدقون ؟؟ ... طبعا لا

ههههههههههههههه

تصدق اني اتخيل الموقف .. من جد احسه قلب احمر

إقتباس فيه واحد يموت على ذالأثنين .. صوره أهداء خـاص لـه

كح كح ياخي احرجتني <<< برى

إقتباس وذب كلمه على الأخير وقال انه يسوي شي قبل كل مبارات بس كلو مشفر

ههههههههههههههههههههه

من جد جيجز منتهي اذا كان كلامك صح

إقتباس خخخخخخخخخخ يقول انه روني أتصل على اليكس فيرغسون قبل اسبوع وقال له ينقله من الجهه المقابله للمقعد المجاور لـ رونالدو .. وبعدين ضحك وقال انهم اصدقاء جدا جدا وانا اشوفهم دايم مع بعض وما اتوقع تأثر على صداقتهم الحادثه الأخيره

هذا اللي كنت اقوله .. و الصحافه الانجليزيه ما صدقت على الله .. هي من دون احداث تسوي مشاكل .. كيف لو صار شي .. و رونالدو بحول الله باقٍ في المان

إقتباس قال في أول الجوله كل واحد يرفع يده ويقول الفريق اللي يشجعه .. واحد رفع يده قال تشيلسي .. قال أووه عندكم فوت بول تيم ؟؟ طبعا المقصود ان النادي لسى يبني تاريخه

عبدالله .. وش اخبارك بالله

إقتباس قال : " الملعب افضل ملاعب العالم من ناحيه الأمن والخدمات .. وفي حالات الشغب نمتلك زنزانه للنساء وزنزانه للرجال وزنزانه لمشجعين الآرسنال "

قويّه بس قسم هالشايب منتهي

إقتباس يتكلم عن الصفقات .. وقارن صفقه اللاعب الكوري بـ صفقه شون رايت فيلبس .. قال " 20 مليون أو أكثر .. وافضل المواهب الأنجليزيه تدمرت .. كريزي "

اتفق معه 100% .. عبدالله ..شفلنا حلّ مع فريقكم ياخي

إقتباس قال ان واين روني سجل هدفين في مبارات وكل مره كان يبغى يروح يحيي أهله بالمدرجات ويروح للجهه المقابله ولا يلقاهم ويرجع .. دلخ المربع مرتين عاد

يلعن أم طيحه الوجه

إقتباس بالنهايه أحب أشكر مشرفنا الغالي hilalemooot على مساعدته لي في رفع الصور .. وهذا هو دايم خدوم من عرفته ابو حميد .. وهو صاحب الفكره .. وماكان ينقصنا في هالرحله الا واحد يشجع المان يونايتد زيه

والله يبو حميد ما سويت الا الواجب .. وحنا بخدمه الزعماء دائماً و أبداً .. واشكرك من قلب على هالموضوع الرائع و المتميز .

تثبيت + نسخه للمميزه

فـ مان الله ,.,.,