صباح الخيرات،،

ــــــــــــــــــــــــــــــــــــــــــــــــــــــــــــــــــــــــــــ

الغاليه الفيروسه الزرقاء..

إقتباس عظم الله أجر أخواتك ------>> لاتقول أخواتي مالهم دخل لهم دخل باااعاااد يصير أخوهم سمين ويتفشلون .

وأنا اقول ليش أهلي هاليومين خفة مشاويرهم ولا ودّنا ولا جبنا ،، لو انا داري كان من زمان سامن ، لكن من اليوم ورايح أبفطر ربع كبسه
بعدين وش اللي عظم الله أجر اخواتك؟؟ ترى وزني 78 مهوب 87 عشان تقولين سمين!!(معذور يارونالدو توّي احس بمعاناتك)..
و رجاءً أنتِ مالتس دخل ، لا تتلقفين بيني وبين خواتي يتفشلون ما يتفشلون وهالكلام الفاضي

إقتباس تطورنا يالهاوي مـ صار عندنا مقدمات صار عندنا مداخل قبل لاتحط موضوعك حط له مدخل

مدخل!! تري ابكتب موضوع منب باني بيت، بس مادام انكم تطورتوا ابروح معكم وانشاء الله موضوعي القادم يبي يكون عن مداخل السيراميك

إقتباس بس الله يجزاها بـ الخير الحمدلله نفعني تسلطها ع ونجحت هـ الترم بكل المواد .

أجل نجحتي بكل المواد!! والله من زين الطموح انتِ ووجهتس :::::::::::> الى الحين زعلان من سالفة سمين
الله يخليهم لك ، بس الام ماتعرف تصير شديده لابد تتغير و يغلبها قلبها ، لكن الاب اذا صار اقشر الله يعين على برّه ، صعبه يتغير...

إقتباس إلا فيه دوائر حكومية نسائيه بـ جدة وحتى فيه سكيروتيات هناك بـ الأسواق

جده ام الرخا والشده ، بس خلاص لا تعليق;)

إقتباس ياحبيبتي إذا سالوك أنتي كم عمرك قولي أقل من 15 وأنتِ صغيرة ومـ تفهمي شي

على بالهم اننا بامريكا وش اللي خمسطعش!! بعدين أم 15 ذي اللي ألعن من ابليس صارت ما تفهم؟؟
السيكوريتية لو تمسك وحده وتقعد تصيح كان صاحت معها وجلسوا يخمخمون بعض وتنتهي السالفه.. يعني مالها سنع ، واتوقع ان الداشرات ماراح يخافون منها بالعكس هي مصدر اطمئنان لهم..
كل ميسّر لما خُلق له ، لكن وشلون نفهّم هالعلمانيين ، يبون المرأه تتوظف بأي وظيفة يكون فيها احتكاك بالرجال!!

إقتباس أريجاتو الهاوي ع هـ الموضوع وأدري طولت عليك بس أعوض عن المواضيع اللي مـ رديت عليها من زمان

الله مير يسلمك ، كلك ذوق ::::::::::::::> تورط مايدري وشي أريجاتو
كله منك يالبارق بديت أوسوس الحين ما ادري" أريجاتو " ذي هي مدحه و لاّ مسبه


الفيروسه الزرقاء ، يعطيك العافيه على ردك الخفيف ، تشكرااات،،

تحياتي لك،،
ــــــــــــــــــــــــــــــــــــــــــــــــــــــــــــــــــــــــــــ

الغاليه الهنوووف ..

إقتباس يمكن البعض يعتبرها متخلفه والبعض قرووويه

اذا كانت المرأه اللي تتستر وتستحي يقولون عنها كذا ، فأول شرط لي اذا نويت أتزوج انها تكون متخلفه وقرويه
أكيد هالمتخلفه هذي راح تكون تاج على راس زوجها ، وكل مازاد تخلفها زاد قدرها وغلاها...

شكرا لك، نوبتن ثانيه

تحياتي لك،،