هلا بكم من جديد ويا حبي لسندويش الجبن مع شاهي بسكر خفيف

_____________________________________________

الغاليه المتفائلة..

و اياك،، وحلاوة الموضوع في تفاعل الأعضاء معه..

إقتباس الحين الواحد اخته جمبه متنقبة ومية رجال يطالعها ولاهمه

كلامك واقع، لكن اعتقد مثل هالعيّنات قليل، واللي يرفع ضغطي بعضهم معه أهله ورافع صوت السمجل عالآخر و "الكلام على مين" تدّهر

إقتباس والحين بدينا نسمع اسماء غريبة للعبايات علينا

والله من عقب عباية الواق واق مدري الوطواط وأنا غاسل ايدي بديتول هي العباة ستر ولاّ زينه و مسخره؟!!


يعطيك العافية، وشكرا لمشاركتك

_____________________________________________

الغاليه سندريلا الهلال..

كلامك جدا رائع ، ومشاركتك تستحق القراءة أكثر من مره..

إقتباس القيادة بالنسبه للمراءه ليس الغرض منها الاستقلاليه اولضروره أو لدفع ضرر وعدم وقوع خطر عليها فالمراءه لها أب وأخ وزوج وابن وقريب يستطيع القيام بكل ماتريد وان لم يتوفر فهناك سائق

وأزيد ان المرأه اللي تقدر على تكاليف شراء سيارة، هي قادرة على احضار سائق مع زوجته ، اذا كان هناك حاجه..

إقتباس الاقتناع بالفكره بداية الانهيار للمجتمع

حسب ما سمعنا والعلم عند الله، ان عدد من صنّاع القرار في الدولة يرفضون قيادة المرأة للسيارة، وبعض المفكرين أيضا رفضوها وأرجعوا ذلك لأسباب اجتماعية واقتصادية، وهذا شي يمكن " يـأجل " الموضوع شوي ، لكن حسب الؤشرات التي نراها، اعتقد ان القيادة ستكون أمر واقع...

إقتباس المرأة لم تخلق لتكون محط إعجاب الرجال جميعاً بل لتكون مصدراً لسعادة رجل واحد

ياليت ألقى هالعبارة مكتوبة في كل مكان و بجميع اللغات...


يعطيك ألف عافيه، وشكرا لمشاركتك

_____________________________________________

الغالي عـز الهلال..

ابسمح لك تستخدم هالمثال بس مره وحده بالشهر::::::::::::>طار بالعجه

إقتباس الله يستر علينا من العلمانية

آآآمين، في أحد المجالس قال لي رجل كبير في السن كلام بسيط لكن معبّر ، يقول " من زمان نسمع عن العلمانية والماسونية ونحسبها شي يوكل، طلعت تاكل الله يكفينا شرها"..

شكرا لمشاركتك

_____________________________________________

الغالي رضيو..

إقتباس ما اعتقد ان النساء يسقون

ودّنا و ياليت ما يسوقون، لكن لا يوجد بوادر لذلك، بدليل ان الموضوع لم يحسم و لم يقفل و مازال مطروح للنقاش وله مؤيدين..

شكرا لمشاركتك

_____________________________________________

الغالي الكــلاسيكي..

إقتباس الله يستر ما يدخلون بعد ويصيرون من ضمن اعضاء الاتحاد السعودي وشوي الا حكام

،، عاد اذا صاور حكام تبي تلقى انواع البلنتيات لنواف، وما فيه اي تسلل على ياسر، وبعض الناس مطرودين من الدقيقة ثلاثه ;)..

إقتباس لكن صدقني اذا ما وقف احد في وجيههم راح يآخذون راحتم ويتمادون اكثر بآرائهم السلبيه السخيفه ..

ارجع واقول مافيه أحد يقدر يوقف في وجه العلمانيين غير علماء الدين اللي يملكون الحجة الكافيه لدحض كل مبرراتهم، لكن وينهم؟؟ يمكن مشغولين بفتاوى الاسهم

يعطيك العافيه، وشكرا لمشاركتك

_____________________________________________

الغالي abu_riman..

وأنا أسعد بمشاركتك ، بالذات وأنت من روّاد الجيل الاول...

بانتظار عودتك،،

كل الشكر لك

_____________________________________________

الغالي جدااا البارق2000 ..

هلا وغلا ، الله مير يحييّك ، يابعدي تكفى لا تكثر من نوعية هالمدح:::::::::::>"والله مشتاقين لك ولهالمواضيع اللي ما أدري وش تبي"

أشوفك مبسوط على رائحة عبدالملك الله يهديك يابو ريمان وش سويت بالرجال

إقتباس أجل راح فيها أبو بدر

ابوبدر صاير هاليومين مهوب ياكل واجد، ودي ارفع معنوياته لكن ماش الشمس ماتحجب بغربال، الرجال يبي له شغل واجد

إقتباس الشواهد كثيرة غير النقاب ..!! فقد كان في السابق مجرد خروج المرأة للدراسة جريمة .. حتى وإن اختلفنا مع تلك النظرية لكنه حاصلة ..!!!

صدقت ،وهذا يخلينا نقول ان تأثير أفراد المجتمع على بعضهم البعض له بعض الاجابيات في التخلص من العادات والتقاليد السيئة، وحنا نتكلم عن "الأغلبية" ، وللاسف فيه اغلبية بمجتمعنا أبعدت عن الدين وتساهلت فيه، ويا خوفي من تأثيرهم..

إقتباس والآن أصبح الذي لا يسافر للخارج متخلف ولا يعلم أين حاطه الله ..

اي والله صادق " لا يعلم أين حاطه الله"

إقتباس .. وتصدق يوم شفت يوزرك حنيت لقصة مثل ..

يازين ذيك المواضيع ، و"قصة مثل" كنت من عشاقها، بس ماش يالبارق شيّبت وما عاد انت مثل منوّل ، كنت أسرق من مواضيعك وأروح أسولف بهن يقالّي مثقف ..

مشكورعلى طلتك ، ولك خالص تحياتي

_____________________________________________


,,تحياتي للجميع,,