الف الف الف شكر ما ادري يمكن عمري 16 سنه بس هذا ما يعني ان ماعندي شي يفيد النادي عالعموم ما اطيل عليك يا استاذ عندي مقترحات ان شاء الله تعجبك
الــــــــــــــملعب:.
1_ تنظيم ارضية الملعب وترتيبها بحيث لا يكون العشب طبقة واحدة
مثال(ملعب استاد الملك فهد معينات |+احد الملاعب العالميه ناسي اسمه على طريقة دوائر تبدأ اصغر دائرة من السنتر+ ولازي ملعب جده استاد عبدالله الفيصل مستطيلات+ولا مربعات)
يطلع شكل الملعب روعه يليق بلاعبي وجمهور الزعيم.
2_ وضع كراسي للجمهور لراحة الجمهور وعشان ما يصير حوادث وقوع في الملعب (ياكثر ماتعقدنا بالملز ) وعشان الطويل والقصير يشوفون.
3_وضع شاشات في الملعب كشاشات استاد الملك فهد الدولي
4_تخصيص اماكن لذوي الاحتياجات الخاصه.
5_منع التدخين داخل الملعب (لفتح المجال للي فيهم ربو للحضورر للملعب ) وهذا ايضا يرفع اسهم النادي عند الاتحاد السعودي كاول نادي يكافح التدخين داخل الملعب .
6_تخصيص شركة غذائية للبيع داخل الملعب .
7_ السحب على خمسة اسماء في كل مباراة من الجمهور للتمرن ليوم كامل مع لاعبي الـــــــــهلال.
8_وضع دورات انجليزي لجميع الاعبين عشان ما يفشلونا خارجيا زي بعض لعيبة المنتخب الان.

خـــــــــــــارج الملعب:.
1_ فتح محلات رياضيه في شمال وشرق وغرب وجنوب الرياض ويكون فيها
( 100 تذكرة لكل محل +ملابس النادي الاصلية والرسمية+شالات واعلام النادي +وضع بوسترات للسيارات زي حقت برشلونه اللي طايحين فيها+وضع تضليلات للقزاز الخلفيه شعار الهلال او الللاعبين +بيع صور للاعبين مكبره وعاديه+بيع اشرطة الاعبين +توزيع جداول النادي في جميع النشاطات+.....الخ)