| اخواني اشوف ان ما احد رحب بي إلا ( القطو الازرق )
بس معذورين لأني ما حسستكم بوجودي لكن خلو الاختبارات تخلص , ما اشوف النتايج إلا في الاخبار .
ممكن اعرف يوم الثلاثاء بيكون اي دور ( عشان اضبط وضعي ) لأني اختباراتي راح تخلص الثلاثاء فودي اعرف وش اللي بيفوتني , وش اللي راح الحق عليه ان شاء الله .
بالنسبة للي احبهم :
الرجال: ( ابغاكم تعرفون انه صعبه اكره احد ؛ لأني اكثر المباريات اتابعها بشرط يكون اللاعبين متقاربين المستوى )
1- نادال ( هذا اكثر واد احبه )
2- روديك ( متساوي مع نادال تقريباً , يا عليه يد )
3-فيدرير ( ما يحتاج كلام , لاعب يفرض عليك احترامه , ولا مباراة يستهتر بالخصم ,واللي يقول اكرهه , هـــــــــــذا يــــــــــــنــــــــــوم احـــســـن لـــه , لاعــب مبدع , ممتع , بالله عليك وشلون تكره لاعب مستحوذ على اغلب البطولات , ومستواه ممتاز , اذا انت تكرهه كيف تقول انك تتابع التنس؟؟؟؟؟؟؟؟ )
4- مارات سافين ( لاعب كله على بعضه يعجبني طول ولعب , بس مدري ويييييييييين اختفى , ومشكلته العصبية الزائده ( اتحداك ما يكسر مضربه في كل مباراة , لكن لو يتألق ويرجع لمستواه العهدو ويترك العصبية تشوفون كيف ابداعه )
ما تلاحظون اني ما اكره احد : كما قلت لكم صعبة تكره احد , إلا اذا كان مستواه عادي يحق لك , مثل ( هيويت, هينمان ,جاوديو , كوريا )
وفيه ترا لاعبين ما قلتلكم عنهم احبهم , لكن مستواهم ما ذاك الابداع , مثل ( روبريدو , جيمس بليك , دافيدنكو , جينبري )
اجاسي ( اكثر لاعب اهتم منه , لكن اعتذاراته عن البطولات كثيره , السن واحكامه )
النساء :
1- شارابوفا ( بلا منازع )
2- سيرينا وليامز ( اصاباتها المسكينه كثيرة , واال هي مبدعه )
3- فيه لاعبات مسكات مستوياتهم , مثل ( هاردين , موريسمو, ميسكينا ,وغيرهم والله كثير , المهم انهم مسكات , يعني لاتتابعمه كثير )
4- دافنبوت ( اكثر لاعبه اكرهههههههههههههههها )
يعني تقريبا مهتم من كل الاعبين في الجنسين ( ذكر وانثى ) , لأني ابحث عن المتعة .
اسف على الاطالة , لكن هذي ثاني مشاركه لي , ومثل ما طلبتوا مني , واتمنى انكم قريتوا كلامي كله, قبل ان ابدأفي الفله في الرابطه اللي ابحث عنها من زمان .
على فكرة وش رأيكم في موضوعي ( اغرب خبر في التنس ) وهل فيه احد شاف المقابلة او لا . | 