السلام عليكم


من فترة شهرين تقريبا وانا اشوف في حينا سيارة من نوع جمس قديمة وعليها كتابة

( عندك طعام زائد .. ضعه هنا لو سمحت )

واذا مريت من عندها اشوف سيارات كثيرة توقف واللي يحط خبز والثاني يحط باقيا العشاء اللي صار عندهم بالامس واللي يحط باقي الاكل اللي شراه قبل شوي من المطعم ,,

صراحه تفكير هالشباب جيد في المحافظه على نعمة الله من الاهانه في الزبايل (ويكرم السامعين )

انا توقعت ان واحد من حارتنا حط هالسيارة بس اللي فرحني شفت مثل هالسيارة في احياء ثانيه من الرياض ,,

يا جماعة الخير اللي بالرياض او من غيرها يعطينا خبر اذا شاف مثل اللي شفته ,,

وخلونا ندعي لهم بالتوفيق وبالزوجة الصالحه اذا كانوا عزاب وان الله يجزاهم خير على اللي مسوينه ,,


دمتم في حفظ الله ورعايته