نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - اقتراحات حول استعدادت الجمهور الهلالي وحركات التشجيع (( ارجو التفاعل ))

عــشــق الــكــتــابـه · #4 18/04/2006, 09:12 PM

يعطيك الف عافيه اخوي

عندي نقاط ودي اقولها

وهي عن حركة جماهير برشلونه

الاخوان ابو لما وياسر الطلاسي وقائد الرابطه حقوي والباقين ماقصروا والله يوم الاحد .. انا كنت متواجد معاهم اسفل المدرج .. بالفعل عملوا عمل جبار في محاولتهم للسيطره على الجمهور ولكن للأسف الجماهير اكثرها غير واعي للأسف
وكل اللي صار بسبب عدة اخطاء :

اولاً: رمي المربعات البلاستيكيه عشوائياً على الجمهور ومن ثم اعلام الجماهير عن اماكن رفع كل لون ..

انا في اعتقادي كان الافضل وجود متطوعين على الاقل اثنين في كل مدرج ازرق ( عشرين كرسي بالعرض ) وتوزيعها على الجماهير عن قرب .

صحيح ان هالشغله متعبه وراح تطول بس نتائجها مضمونه و خاصةً اذا كانت من وقت مبكر ..

ثانياً : المربعات البلاستيكيه الزرقاء ..

بصراحه يشكرون الاخوان على مجهودهم بس الافضل لو كانت المربعات زرقاء داكنه ( كحليه ) .. لو كانت المربعات كحليه نفس لون طقم اللاعبين لصار المدرج رووووعه

.. اما اللون السماوي الفاتح اللي كان موجود في مباراة الاتحاد لم يوضح للمتابعين عن طريق التلفزيون ..

ثالثاً : تكبير المربعات البلاستيكه ..

اعتقد ان الربعات كانت صغيره شوي .. حتى ان المدرج اللي كان فيه المربعات الزرقا كان واضح وجود اللون الابيض ( ثياب الجماهير ) .. فلو كانت المربعات كحليه وكبيره راح تغطي الفجوات الموجوده .. وشوفوا مباراة برشلونه والريال ولاحظوا المربعات اللي رفعوها

اخيراً : اتمنى اتمنى وجود عدد كبير من المتطوعين في المدرجات الهلاليه ..

بالفعل العمل الجبار اللي قام به الاخ ابو لما وياسر الطلاسي واعضاء الرابطه مايقدر عليه اي احد ..

وجود المتطوعين امر ضروري ومهم ..

هذا اللي عندي واللي لاحظته عن قرب في المدرجات

ويعطيك الف عافيه اخوي على الموضوع الرائع واهتمامك بزعيمنا

شكراً لك

اخـــــــــوك

عــشـــق الــكــتــابــه