اشدعوا شباب .. المباراة من امس بليل .. وللحين محد دش قال كلمة على الأقل

ياشباب ترى الريال يمرض .. بس مايموت

وياما فرحنا واستانسنا .. لااا وبعد رقصنا على بطولات الريال .. ولمى يطيح نكون احنا اول ناس نبتعد عنه

لا ياشباب المفروض نكون مع الريال بالمره قبل الحلوه .. والريال راجع راجع لا محالة الى منصات التتويج

عموماً .. هاردلك على التعادل

برأيي نجوم اللقاء امس كان طبعاً كالعادة كاسياس .. وراموس .. والنجم الثالث هو الوحش

الشغل الي سواه الوحش امس مو طبيعي ابداً .. الوحش لعب ام بمركزين .. كان يهاجم ويرجع للوسط الدفاعي لمساندة جارسيا السيء بالتغطية ... ومازلت أفضل عليه البقرة الدنماركية

وأأأأأخ يالوحش .. وقفت قلبي بالكرتين الي اصطدموا بالعارضة .. والثالثة الي طلعها المدافع من خط المرمى

برأيي سوء الحظ و المدرب كانوا سبب خسارتنا امس

1 _ سوء الحظ .. فرص الوحش لوحدها لو تسجلت لأصبحت النتيجة اربعة واحد

2_ المدرب .. اخطاءه كثيرة جدا جداً

المدرب هو سبب كثرة التعادل بالفترة الاخيرة

بالأونة الاخيرة قمنا نشوف الريال يلعب بنفس طريقة الفرق الصغيره او فرق الدرجة الثانية .. يسجل هدف ثم يرجع للدفاع لكي يحافظ على النتيجة

ومدربنا مايصدق على الله من يشوف الفريق سجل هدف .. يخرج لاعب مهاجم او وسط هجومي .. ويدخل مكانه مدافع لكي يحافظ على النتيجة

ماكو فايده بهالمدرب .. يلعب بنفس اسلوب الدرجة الثانية بالضبط

في شيء ان مو فاهمه .. كسانو جايبينه يلعب .. ولا يشتغل طباخ ويقشر بصل للاعببين ؟؟؟

عيل يالظالم مدخل كسانو بأخر 8 دقائق .. وبعد خراب مالطا .. لا انت راح تستفيد منه .. وبنفس الوقت راح تدمر نفسية اللاعب

حرام عليك شيقدر يسوي بثمان دقائق .. لكن بالرغم من هذا راينا لكسانو لمحة جميلة .. وهي التمريرة السحرية الي اعطاها لزيدان

الم يكن من الأفضل اخراج راؤول او روبينهو بأول عشر دقائق وادخال كسانو لتنشيط خط المقدمة .. وقد تتاح له فرص لا تتاح لغيره

لكن مدربنا اجبن من ان يفعل هالشيء .. هو حاط ايده على خده ناطر الهدف .. وبعد ما يتسجل الهدف يشرك مدافعين للمحافظة عليه

الله يرحم ايامك يالوكسا .. صج انك كنت عاهة لكنك على الأقل ماتلعب بطريقة الدرجة الثانية

ملاحظة : سيسنهو ظهير ايمن .. وليس جناح ايمن .. واذا كنا ما نملك جناح ايمن جيد فـ هذه مو مشكلتة

## قفلة ##
متى ترجع لنا مرة اخرى يا روح البلانكو .. طولت علينا الغيبة