نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - ياسر الطلاسي : مجلس الجمهور لكم أنتم والنهائي يحمل الكثير من المفاجآت

محمد ابولما · #11 05/04/2006, 01:06 PM

نموذج مثالي لما تحدث به الأخ ياسر الطلاسي ... !

أخي الكريم تقول يا رعاك الله

إقتباس


	اخوي ياسر انا بنتقد على طول اولا ليش ما فيه عضو يمثل مجلس الجمهور الهلالي هنا في المنتدى عشان نقدر نوصل له افكارنا ولا تقول لي ان انتم تقرون اللي يكتب في المنتدى لان فيه مواضيع ممتازه ولكن تضيع مع الزحمه ومحد يقراها عشان كذا يا ليت يكون فيه لكم ممثل هنا في المنتدى عشان نقدر نتواصل معه .

غير منطقي أبداً أنك تتنقد على طول وبلفظك هذا تقصد أنك ستظل مخالف وليس منتقد لأنك تقول ( على طول ) ...
مجلس الجمهور الهلالي له يوزر خاص هنا في الشبكة وتستطيع ان تراسله بما تريد ...

إقتباس


	ثانيا مسأله ان فيه ناس ينتقدون وما يحضرون المعلب فما هو عيب خاصه اذا كان النقد منطقي وبناء ولا تنسى ان ابو سلطان بنفسه غاب عن بعض المباريات فهل هذا يعني ان ماله حق في النقد انا في وجهة نظري الهلال ملك للجميع وكل واحد له الحق في النقد بشرط ان النقد يكون هادف وفي حدود الادب

.

أتفق معك ولكن ليس من المنطق ان تنتقد عمل لا تراه ... ولم تراه ...
الا في مباراة ففي كثير من المباريات قد تحصل ظروف خارجه قد لا تحقق المطلوب ....
اخي الفاضل ما هو وجه الشبه بين الجمهور في المدرجات وابوسلطان في الغياب والحضور وحق النقد ... ؟
الحقيقة يا كاكاو أنت تخلط الأمور بشكل عجيب ..!

إقتباس


	ثالثا انا وبعض الاخوان هنا في المنتدى كتبنا الكثير وناقشنا الكثير من احوال مجلس الجمهور الهلالي وتطرقنا للكثير من الافكار الجميله والجديده وطالبنا فيها ولكن محد رد لنا صوت وحتى محد ناقشنا لا منكم ولا من مشرفين المنتدى واذا حبيت اعطيك الافكار فأبشر

تستطيع أعادة لنكات المواضيع التي كتبت او أعد أرسالها رسالة خاصة ليوزر مجلس الجمهور او يوزري ...

إقتباس


	رابعا وهو الاهم مجلس الجمهور الهلالي غير منظم غير منظم غير منظم وبسبب غياب التنظيم خسر المجلس الكثير من عمله الكبير من دون فائده وانا في وجهة نظري لو تم تنظيم المجلس ( طبعا في عمله في الملعب) راح يتغير الوضع

الأستاذ ياسر لم يقل ان المجلس يسير مثل الساعة .. !
والحقيقة كلامك عام ياليت لو توضح بشكل مفصل ...

إقتباس


	خامسا انت تقول ان العمل تطوعي في المجلس وصدقني يا اخ ياسر حنا نعرف المجهودات الكبيره اللي تقومون فيها ومقدرينها لكن حنا طماعين ونبي الافضل ونعرف اننا نقدر على الافضل

اكيد انك طماع لكن لابد تكون صبور ... !

إقتباس


	خامسا هل شاهدت نهائي الكأس في الامارات الشقيقه اذا كنت شاهدته فراح تعرف الفرق الكبير بينا وبينهم وراح تشوف الاستعدات الكبيره اللي سووها قبل المباراة على سبيل المثال لا الحصر البالونات اللي خلف المرمى ومكتوب عليها الزعيم او الملك شكلها رائع جدا قصاصات الاوراق اللي انبحت اصواتنا وحنا نطالب فيها وما اعتقد ان العين والشارقه افضل منا . القنابل الدخانيه اللي اشعلوها عند دخول الفريقين وبعد الاهداف شكلها رائع الشعارات الكبيره والمطبوعه على قماش او ورق فاخر واللي علقوها على جنبات استاد زايد قبل المباراة وعليها عبارات عن النادي .

الله يصلحك بس ... ما علاقة مجلس بتنظيم كامل للملعب .. !
أرأيت الفرق بين من يحضر الى الملعب وبين المنتقدون من منازلهم ... !
النظام الأمني داخل ملاعبنا يمنع مثل هذه الأشياء ...
فكل مكان له تنظيم يخصه ...
نتمنى ان نقدم مثل هذه الأمور لكن هناك أشياء كثيرة وضوابط أكثر لا علاقة للمجلس بها ...

الآن يمنع دخول الولاعة ... وتبي تدخل قنبلة دخانية ... !

إقتباس


	اخوي ياسر في الاخير تقبل نقدي وانا جاهز للمساعده في اي شي تطلبونه اذا كان باستطاعتي اهم شي اننا نقدم فريقنا بالشكل اللي يليق نبهر الناس مو الناس هم اللي يبهرونا

هذا لك يا ياسر رد ...