صحيح ان البرنامج متعقد وحالته صعبه مره وفي مشاكل كثيره
ملاحظة ترا البرنامج الاعدادي اللي سواه مو باكيتا ولا طلب منتخبات معينه كل اللي يسويها الاتحاد السعودي
بس انا اقولكم ليه سووا برنامج كذا ومع منتخبات متواضعه اول شي
لان اللاعبين مو منسجمين مع بعض وغير كذا باكيتا يبي يجرب عدد من اللاعبين
والحين بيثبت على تشكيلة والحين بيبدأ الاعداد الصحيح وبيلعب مع منتخبات قوية
ومو شرط تكون برازيل او شي كذا اهم شي مع منتخبات ممتازة واقوى مننا بالمستوى وهم الحين بيلعبون مع منتخبات مستويات متعدده يعني من اقوى منا ثم الاقوى ثم الاقوى ....الخ وبتكون اخر مبريتين قويه حسب ما صرح الامير نواف بن فيصل
ويكفي ان في صحف اسبانية قالوا المنتخب مدربه تغير في الفترة الاخيرة ويحتاج مدرب المنتخب لمباريات وديه عديدة عشان يعرف التشكيل الصحيح ويستقر والحين هم جالسين يمشون على هالطريقة
بس من ناحية انهم مايعطونا لاعبينا في مباريات اسيوية هذا ظلم بصراحة لان هم بيكون اعدادهم لمباراة بلجيكا في 9 مايو ومباراة الهلال مع العين بتكون في 3 مايو يعني اشوف في فرق ايام ويمديهم يلحقون على المنتخب لكن مابااليد حيله
ومحمد بن فيصل رفع اوراق للاتحاد السعودي يطلب الاتحاد السعودي وللحين ماردوا وان شاء الله يوافقون
وانا اشوف اعداد لاعبين الهلال في مباراة العين بيكون اقوى من مباراة بلجيكا
وباكيتا في مقابلة له بقناة اي ار تي قال الفرق بيننا وبين منتخب البرتغال اللاعب كرستيان رونالدو يقول هو اللاعب اللي قلب النتيجة وخلاها كبيرة وهو اللي محرك منتخب البرتغال ويقول المنتخب يعتبر من اقوى المنتخبات اللي بتنافس في كأس العالم
ويقول منتخبنا ينقصه روح القتالية بسسسس ولا هم مايحتاج
وانا اتوقع باكيتا بمباريات الجاية راح يلعب بخطه جديدة وهي 4-5-1 زي ماكان مع الهلال لانه بيلعب مع منتخبات اقوى مننا مثل تركيا والتشيك وغيرها واحنا عندنا وسط قوي الحمدلله وباكيتا بيفتح عيونه اكثر وانا متأكد من مباريات الماضية بس تجريب اللاعبيين وبتكون مباريات الجايه كلها خارج ارضنا
يعني بيكون جوو ثاني للمنتخب والله يعين
وهذا والله واعلم
اللي نبيه ان الله يوفقهم ان شاء الله
ودعواتكم لهم
تحياتي للجميع
ساميووو |