هارد للك التعادل .. واذا اقول هارد لك معناته ان الميلان كان قادر على الخروج بنتيجه افضل من كذا
طبعـا ً بشكل عام التعادل بأرض الخصم شي أيجابي لأي فريق أوربي .. لكن مع ميلان المفروض كل المباريات فووز ولا غير الفوز
أفضل مافي المبارات اليوم عودة ديدا ..
ديدا : أخيرا رجع ديدا زمان .. خلص أهداف اكيده
كوستاكورتا : أكثر من تمريره خاطئه والغريب انه ماكان عليه ضغط !!
لكن ماقصر دفاعيا ً وجيد هجوميا ً
نيستا : بعد مبارات اليوم .. اي انسان يقول ان نيستا مب افضل مدافع بالعالم أشك ان في عقله شي .. خلل تخلف عاهـه اعاقه .. ماراح تطلع من الأربع ذولي
كلادزه : مستوى مقبول .. لو كان كارو في افضل حالاته ما انتهت النتيجه على كذا .. والمشكله مب من كلادزه .. كارو لاعب بنيته الجسمانيه رهيبه .. صعب ايقافه حتى من ستام نفسه .. لكن شفنا نستا تدخل عليه كم مره واخذ الكوره منه بكل سهوله وبدون احتكاك جسدي " يدل على ذكاء نستا " لأن اي التحام جسدي مع كارو راح تكون له الغلبه وكسب الكره .. كان من المفروض ان كارلو يخلي نستا " رجل لـ رجل " مع كارو .. و كلادزه " رجل لـ رجل " مع ويلتورد صاحب البنيه الجسمانيه الضعيفه
سرجينهو : دفاعيا جيد جدا .. هجوميا مقبول اليوم .. تقدم ساند .. عامل السن ماساعده يكمل على نفس الأداء
جاتوزو
: أفضل لاعب بالمبارات اليوم .. جاتزوز متى ماتفرغ للعب وابتعد عن العصبيه والنرفزه يكون افضل محور بالعالم .. كان جدار فاصل بين وسط ليون ومهاجمينه .. ليته أكتفى بكذا وبس .. ساند وتقدم وساعد الهجوم
بيرلو : لمسات ومن افضل اللاعبين على مستوى اوربا في الأحتفاظ بالكره وتبريد او " قتل " اللعب .. رااائع اليووم
سيدورف : خبره .. ذكاء .. دهاء .. بروده دم افاده الفريق .. والأهم من كل هذا انه لعب بروح رغم انه ارتكب كم خطاء فادح كادت تتسبب بأهداف
كاكا : الشوط الاول ممتاز .. عاب على آدائه الأنانيه .. الشوط الثاني والألتحامات كان يخسرها .. اول مايلتحم معه مالودا جسديا يترك الكوره ويتفرج !! .. كاكا عاب عليه بالشوط الثاني الأنانيه واللعب " الناعم " وتجنب الألتحام الجسدي مع ان خصمه كان مالودا " الخال الصغيير
" اللي لو انفخه طار هو وملابسه ماتحركت من مكانها
شيفا : ابدااااااااع اليوم .. يمين يسار صناعه .. لكن تضييع الفرص السهله عاده سيئه ماتخلص منها شيفا للحين
جيلاردينو : سالفته سالفه ذالولد .. بأتكلم عن سواليفه آخر الرد
--
مالديني : مازال بحاجه للوقت ليعود مالديني زمان .. واليوم لعب بمركز جديد عليه . عاب عليه كثرت التمريرات الخاطئه
بيبو : اتمنى يكون اساسي في جميع مباريات دوري الأبطال .. مزعج متحرك ويصارخ على لاعبين ليون والحكم يخوفهم
فوجيل : ما امداك تدخل يالضعيف الى الحكم مصفر .. خيرها بغيرها يا " حكايه لعبه " << لعيون جيرارد
--
بالنسبه لجيلاردينو .. اللاعب مازال صغير ومايمتلك خبره أوربيه .. اليوم مادريت انه يلعب الا يوم بدله كارلو .. اللاعب هذا يحتاج وقت حتى يتأقلم مع الأجواء الاوربيه ويبدع
ومثل ما انت يا آنشلوتي تمتلك خبره ودهاء وذكاء أوربي " على مستوى البطولات الأوربيه " .. ودلاخه وفهاوه وتخلف واعاقه " على مستوى البطولات المحليه "
جيلاردينهو يمتلك المهاره والسرعه ودقه بالتسديد " محلياً " بحكم الخبره لا يملك ولا حتى اساسيات او ابجديات كره القدم " أوربيا ً "
وبيبو حاليا في افضل حالاته وخبرته الأوربيه تسمح له يسجل في اي حارس واي مكان واي طريقه حتى لو يسجل بـ " رقبته "
على كل .. انتهى شوط والنتيجه ماكانت ايجابيه بالنسبه لـ" نادي ميلان " .. لكن لو كانت لغيره من الفرق الأوربيه راح تكون ايجابيه
تياجو راح يغيب عن مبارات السان سيرو .. وجنينيو بيرجع .. المبارات راح تكون نار في ميلانو .. واتوقع التأهل ميلاني ان شاء الله
آسف على الأطالـه
تحيتي : ــــأحمـــــــد
