اهلين برائدة واهلين بمواضيع رائدة

إقتباس الناس صارت تعلق تقصيرها على شماعة الحسد وتلاقيها من شيخ للثاني وكل واحد يقول الشي اللي تبي تسمعه ويبداء الشقاق بين الأهل أنك سحرتيني أو حسدتيني وتمشي جلسات عند الشيخ الجلسه بمية غير الدهونات والمويه والأعشاب اللي تباع عند العطار اللي تبع العياده

تدرين ليش يصير هالحكي ؟؟؟

لاننا ناس مانعترف باخطائنا او اننا مانحاول نفكر باسبابها واقرب شماعة ممكن نعلق عليها اللي يصير لنا هي سالفة العين والسحر

لما الوحدة يروح زوجها منها ماتحاول تفكر ليش راح لانها لو فكرت ممكن توصل لنتائج هي ماتبغى توصل لها وبالتالي اسهل شىء انها تقول سحر او حسد وبقية الامور بحياتنا بنفس المنطق والشكل

إقتباس شي واحد أبي أعرفه شاغلني منذ مبطي هل يوجد شي أسمه حماية المستهلك؟ووين؟

مع الاسف نايمة في العسل يارائدة

مسالة الشامبو تهون

روحي شوفي محلات ابو ريالين وش تبيع؟؟

منتجات سيئة جدا جدا والمشكلة في بعضها منتجات حساسة وخطيرة

يعني مثل توصيلات الكهرباء تبيع نوعيات رديئة جدا لو لا سمح الله ضربت التوصيلة وش راح تكون النتائج نتائج كارثية طبعا

إقتباس اليوم كنت أفكر وأفكر وأفكر وما طلعت بأي نتيجه لأني كلما فكرت أكثر زادت الإستفهامات أكثر

علشان كذا قالوا ان العلم بحر لانهاية ولا حدود له

لانك كلما حاولت تجاوب على اسئلة معينة من خلال الاجابات اللي تتوصل لها تنبع اسئلة اخرى

لذلك قالوا (( اطلب العلم من المهد الى اللحد ))

مشكورة كثيرة يا رائدتنا على هالطرح وعلى هالاسلوب الرائع في ايصال افكارك بشكل سهل وميسر ويدعو للاعجاب فعلا

الله يحفظك ويخليك